بسم الله الرحمن الرحيم
اخواني الاعزاء,,
ياليت كل واحد يعطينا على حسب تجربته ما هي القوارب اللي
يفضلها للغزر ويتمناها ساعة الموج العالي…. مع ذكر مقاس الطراد.
والقوارب اللي يتمناها تكون عنده في مناطق الرق
وحق الاسياف اللي مافيها غزر مع ذكر مقاس الطراد.
ملاحظه..,,…,,
ياليت يا اخواني تذكرون لو بعض الاسباب اللي تخليكم تفضلون طراد الغزر والموج و طراد الرق والاسياف.
تحياتي لكم
مرحبا بالشباب الطيبين
يا بن منصور لاتظلم طرادك وتقارنه بهذي الطراريد انته طراد يصلح ناقلة نفط لو اتضبطه اشوي.هاهاها
( يوصل ايلين البحرعند اليوزه )
صراحه انا ماعندي الخبره في الطراريد بس اكثر شي الي اروحله الخيران وطرادي الشارجه مارين 27 قدم وماعليه كلام صراااحه بس مب حق موووج عااااااااااااااااااااااااااااااااااااالي عااااااااااالي يعني 5 قدم يرووح والسمووحه
مرحبا أخوى بوسيف الهورى هو صناعه خشبيه ويمكن أن يصل الى أماكن لا يستطيع الطراد الوصول اليها يوم بتزورنا بتشوف بعينك يقول النوخذا حياة الشر ( يوصل ايلين البحرعند اليوزه ) ويين ما ترعى الصافيه على العاف بالسقى ، كنت أفضل المزروعى لكن عقب بن غليطه 43 مافى طراد عجيب ماشاء الله 0 الحين أدرس أسوى قالب جديد 45 قدم يمكن يستوى طراد صيد ويمكن يتحول الى يخت والله الموفق سامحنى على الأطاله وسلامى للأخوان 0
تسلم اخوي بالوول على المشاركه..
وياليت الاخوه يشاركون معانا ..
ومنهم نستفيد…
ويفيدون باقي الاخوان…
وتسلم على مدحك لطرادي …
بس كنت اتمنى انت تقولي شو الطراد اللي تفضله …
وتراني ما اعرف شو تعني بالهوري أو اي نوع هو من الطراريد..
تحياتي لك
مرحبا بالحبيب ، عجيب تفكيرك بس اللى يفهم تفكيرك ، طبعا طرادك ولله الحمد ما يعلى عليه فى المعلى وافى وفى الدابر الصدر شام ، لكن أحسن عن الهورى حق الأسياف ماعليه كلام خاصه حق الدفار وتعرف شو أقصد بالدفار (الشير ) البياح يله ما ودنا نقول لكن شو نسوى عن يزعلون القيوانيه 0