السلام عليكم ورحمة الله وبركـــاته
الساعه 11 الصبح أخوي يدق علينا الباب ويقول ( بسكن رقاد نشن شرات الحريم وطبخن ألين متى وإنتن راقدات ) 
، المهم نشينــا وقال أنا اليوم خاطري في لحم تنور بظهر من البيت بسلم على الربع وبرد، والله والله لو ما شفت اللحم المشواي في الصالة الساعه 3 قسم بالله ما بوديكن باجر رحلة دبي ( حكم القوي على الضعيف ) 
، المهم توكلنا أنا وختيه صوب المطبخ وبدينا المشوار إلي إستمر ألين الساعه تقريباً 3 الظهر 
أخليكم مع الصور :
1- نظفنا اللحم من الدم وجهزناه
2- خلطنا البهارات وزدنا الملح شوي
3- هنيه بهرنا اللحم وتركناه شوي وتوكلنا صوب التنور
تــــــــــابع …
.
آمين، وتسلم يا خوي الفلاسي
.
هيه والله يمي أكلنا ألين قلنا بس، حياك العين أقرب وما يصير خاطرك إلا طيب
.
آمين يارب، ومن البخل طرشت لربيعتي لحمه صغيره إلي بقى
وتخبلت وقالت بعد فترة يوم تطبخن زقرني بعابل وياكن على هالتنور، تدري يا خوي ما في أسهل من الطبخ، وحلو يوم تشوف الوحده أهلها ياكلون من يدها ويمدحون طباخها، وسوالف قبل مندي وحنيذ ومدفون وعصيد وهريس وحركات، والله شي كان صحي هب ألحين أمراض الدنيا والدين فينا الله المستعان
تحياتي
يعطيج العافيه اختي السولعيه ،،،
وأكيد نستاهل على هالتعب الرحلة 3 أيام في دبي
.