السلام عليكم ورحمة الله وبركـــاته
الساعه 11 الصبح أخوي يدق علينا الباب ويقول ( بسكن رقاد نشن شرات الحريم وطبخن ألين متى وإنتن راقدات ) 
، المهم نشينــا وقال أنا اليوم خاطري في لحم تنور بظهر من البيت بسلم على الربع وبرد، والله والله لو ما شفت اللحم المشواي في الصالة الساعه 3 قسم بالله ما بوديكن باجر رحلة دبي ( حكم القوي على الضعيف ) 
، المهم توكلنا أنا وختيه صوب المطبخ وبدينا المشوار إلي إستمر ألين الساعه تقريباً 3 الظهر 
أخليكم مع الصور :
1- نظفنا اللحم من الدم وجهزناه
2- خلطنا البهارات وزدنا الملح شوي
3- هنيه بهرنا اللحم وتركناه شوي وتوكلنا صوب التنور
تــــــــــابع …
.
السلام عليكم ورحمة الله وبركاته . .
يعطيكن ألف عافيه .. ~
ماشاء الله الصراحه طبخ مرتب وشغل عدل . .
عساكن عالقوه . .
بن سعيد
يمي يمي يمي
شـكــ وبارك الله فيك ـــرا لك … لك مني أجمل تحية .
اول شي مبارك عليكم العيد
ابا اتخبرج عن المرقة الي حطيتيها تحت الذبيحة من شو تتكون ؟
ارباب
ماشالله شهتني كلمة مرق اموت عليييييييه
بس اختي في سؤال انا شوف الطريقه نفس طريق المندي عيل شو الفرق بين المندى والمشوي التنوري؟؟
والا بس مجرد اختلاف في الاسم ؟؟
لانه نفس الطريق بالضبط مافي اي اختلاف والا بس عشان البهارات ؟
اموت واعرف منو الي شل الطابوقه العوده وحطها فوق الزوليه !!
مادري ليش احس انا اختج وحليلها هي الي انكرفت وانتي اصورين بس
مول ماتخيل السولعيه تشوي وتطبخ مول ههههههههه