عندي مشكله بخصوص خدمه بلاك بيري من شبكه دووو
انا من يوميين جددت الخدمه وحطيت رصيد 130 درهم عشان التجديد كانت مقطوعه وردت الخدمه ولين اليوم الخدمه شغاله
اتفاجات اليوم بمسج منهم بخصوص التجديد طبعا بالانقليزي ماقريته ومسحته وعقبها على طوول انقطعت الخدمه *_* شو السالفه ماعرف المهم اتصلت على 155 رد علي واحد يرمس انقليزي قالي دقيقه ونقعني ع الخط ساعه,,,, قلت ماشي الا اسيرلهم وفعلا سرتلهم قالي نحن مانروم نسوي شي لازم انتي تدخلين ع الوب سايب وتسوين اعاده تفعيل لانه بطاقتج مدفوعه قلت اوك ماعليه يييت البيت وسجلت ودخلت وسويت اعاده تفعيل واونه حطي 130 درهم عشان الخدمه تشتغل @@ كيف ارد اعبي 130وانا امسات معبيه حضراتهم يتمصخرون علينا ولا شو
المهم رديييييييت اتصل مره ثانيييييه والله ياجماااعه ان ساعه وانا اتريا عشان يردووون ولا حياه لمن تنادي
والله مب حاله
خبرووووني شو الحل كيف اقدر اتصرف ؟؟؟
والسموحه منكم هذربت وايد
صباااح الخير ^^
زين بتسوين جان بتحولينه اتصالات اريحلج ^^
صبااااااح الخير ^^
صدقتي والله خدمتهم تعباااانه ولا بعد يوم تتصلين مايحلون المشكله بس يتفلسفووون وياخذون بياناتج ومن هناااك طاااف مايعرفون وين الله حاطتنهم
الله كرييييم بس
تسلمين الغاليه ع المرور
انزين ليش تستخدمون بطاقه دو فتشغيل خدمه البلاكبيري او ايفون
عن ربعي و الاهل يشترون الجهاز من دو سواء ايفون او بلاك بيري يستخدمون الداتا المجانيه الي فيها
ويوم اتخلص الداتا غيرو البطاقه وحولوها اتصالات وحطو عليه الخدمه مال البلاكبيري او الايفون
وبطاقه دو حولوه ع موبايل ثاني عادي واستخدموه حق اتصالاتكم
نفس اللي استوالي اليوم بهدلوني بهدلة ….. ولا أقل من عشر مرات ادق 155 حد يرد وحد يسكر فويهي وحد يلطعني واللي ردو علي اتبعت خطواتهم ولا نفعت معاي وبالأخير قالولي الشبكة فيها مشكلة بس للمدفوعة انزين خبرونا طرشولنا مسج بدال ما تذلونا بالهخدمة التعبانة وقلتلهم ان خدمتكم زفت الزفت الزفت والله جني مادحتنهم ليحان الله وكيلكم اللي يرمسون … ماشي عندهم غير حاضر يافندم وبعد ازنك يا فندم …. بعدين سرت مركز الخدمة اللي فالمول واترييت الدور وبعدين قالي والله الخدمة مقطوعة عن كل البطاقات المدفوعة …………. أنا ميت سؤال ومية علامة استفهام فراسي كيف الواتساب شغال فجهازي بينما الماسنجر والنت لا …. ولين هاللحظة الخدمة مقطوعة وفالنهاية شكلي بحول على اتصالات ابركلي من الذل بس بعد ما احلل ال 130 اللي دفعتهن ….
انا صراحه فعلا وياج فهالكلام
انا نفس الشي كان عندي اشتراك دو فالبلاك بيري
اول شهر شغال مافي اي مشكله
ثاني شهر الخدمه تشتغل ساعه وتقطع ساعه
غيرت الجهاز مرتين قلت يمكن العيب من الجهاز لاكن العيب فالخدمه والشبكه ومنهم
اتصل فيهم فاليوم خمس مرات
طبعا نفس الشي والله اتم عالانتظار فوق الربع ساعه
وفجاه يقطع الخط او بالصدفه حد يرد علي ونفس الكلام اقوللهم اياه ويقولن لا والله المشكله مب فيدي وبنسوي لك بلاغ وبيتصلون لك خلال ثلاث ايام
اول مره ماعليه بنتريا ثلاث ايام
مرن ثلاث ايام محد اتصلي اتصلت لهم وقتلهم واعتذرو وقدمت بلاغ ثاني
مر اسبوع بعد تقريبا ومحد اتصل اتصلت وانا معصب واتصل الف مره على ما مره وحده يردون علي
وماشي فايده الف مره اقدم بلاغ ولا حياه لمن تنادني محد يتصل
سرت المركز وانا معصب قالولي لا والله مب فايدنا المشكله وبنخلي المختصين يتصلون فيك
ساعتها وانا طالعه طلعت الرقم من التلفون وسكرته وسكرت الاشتراك
وحولت على اتصالات
الله يعينا وياهم
فعلا خدمتهم تعبانه