شو قصة إعمار للوساطه الماليه ؟؟
اليوم وصلو الجماعه اللمت في الشراء وسحبو سيولة العملاء من حساباتهم .. وأشترو لحسابهم الخاص
شي مب طبيعي !!
يوم تبغي تبيع ماعندهم مشكله يبيعولك أسهمك بسرعة البرق .. لكن يوم ترجع تشتري يقولك أسفين .. والله ماعندنا كاش وصلنا اللمت .. وسيولتك انسحبت بسرعة البرق
وباجر طبعا أتوقع بيصير العكس
تبغي تبيع يقولك عندنا عطل .. وان بغيت تشتري الأسهم المكدسه عندهم قالو مرحبا الساع
عموما قدمت عليهم بلاغ في سوق دبي المالي
شي يرفع الضغط !!
زين يوم أني موزع السيوله على أكثر من بروكر
اخوي اتمني انك ماتسكت عن حقك لانه هذا يعارض قانون فصل حسابات مكتب الوساطة عن حسابات العملاء ولو تتذكر قضية جولدن جيت ( الله يعين الاخوان فيه ) فلوسهم راحت وأحد الاسباب هو شراء الاسهم لصالح المكتب والهوامير بفلوس صغار المستثمرين …..
الله يكون في عونك
الحين بدل مايعطي العملاء فلوس يروح يستخدمها لصالحه؟؟!!!
اعتقد هاي المشكله عند اغلب مكاتب الوساطه……….
وايد عانيت من هاي المشكله ودوم تصير بعد نزول طويل
بكل دم بارد يقولك الوسيط اللمت مسكر !!!! لان الطبخه
وقت الصعود يدخل فيها صاحب المكتب وعيال صاحب المكتب
والوسيط وربعه والهوامير ….. بذمتكم عقب ما يدشون كل
ها الخلق وين تبا تحصل باركن وسطهم ,,,,, العب بعيد
كلاممممممممممم خطير وغير منطقي اذا الوسيط ما رد عليك في التيلفون بنقول ضغط واذا علقك على الخط بنقول انشغل ونساك ………بس يرد عليك ويقول اسمحلنا ما عندنا فلوس نشتريلك والله هذه كبيرة إلا اذا كنت تتعامل بالمارجن وانت ماخذ اكثر من الحد المسموح به وبعدين الهيئة اجبرت الوسطاء فصل امول الوسيط عن اموال العميل فكيف بيكون هناك دمج امول العملاء مع بعضها على شان تستغل لمصالح اشخاص معتبيرن او هوامير الف علامه تعجب !!!!!!!!!!!!!!!!!!!!!!!!!!!!!!!!!! من الموضوع….. وان حصل فهو امر خطير جدا تحياتي للجميع