شو قصة إعمار للوساطه الماليه ؟؟
اليوم وصلو الجماعه اللمت في الشراء وسحبو سيولة العملاء من حساباتهم .. وأشترو لحسابهم الخاص
شي مب طبيعي !!
يوم تبغي تبيع ماعندهم مشكله يبيعولك أسهمك بسرعة البرق .. لكن يوم ترجع تشتري يقولك أسفين .. والله ماعندنا كاش وصلنا اللمت .. وسيولتك انسحبت بسرعة البرق
وباجر طبعا أتوقع بيصير العكس
تبغي تبيع يقولك عندنا عطل .. وان بغيت تشتري الأسهم المكدسه عندهم قالو مرحبا الساع
عموما قدمت عليهم بلاغ في سوق دبي المالي
شي يرفع الضغط !!
زين يوم أني موزع السيوله على أكثر من بروكر
دام جي السالفه عيل ابشروا …باجر السوق أحمر من كثر البيع !!
حسبي الله ونعم الوكيل
هذا يا أخوي مؤشر سيء اذا من اليوم الأول للأرتداد خلصت سيولتهم
شو تتوقع يكون الوضع باجر
شي بديهي
غير الرش عشان يردون سيولة عملائهم !!
حقيقة يوم شفت الساعه 1 الظهر سيولتهم خلصت اتوقعت بيكون الوضع عند باقي الوسطاء أسوء .. لذلك سيلت جزء من المحفظه
هالحركه كان بطلها مكتب الدار للوساطه الماليه
وخصوصا في ايام عز السوق 2005 و 2006
كنت اتصل واقوله اشتر لي ويرد علي ان اللمت مسكر؟؟؟
انزين وين فلوسي اللي عندكم ؟؟؟
والحمد لله طلعت من عندهم .. بس فيني غصه عليهم لانهم فوتو علي وايد فرص
صدقك يادكتور هذا اللي لاحظته
الحمدلله اللي موجود في وسيط إعمار شي بسيط ماينذكر وعندنا في مباشر والإمارات الدولي لكن الموضوع نفسه من الناحيه الأخلاقيه غير شرعي بتاتا هذا أسمه (سرقة في وضح النهار) وكتبت شكوه رسميه إلى سوق دبي المالي وهيئة الأوراق المالية والاختيارات أمامك كثيره دامك راعي حق ..
السلام عليم ……
اخوي كان يصير لي نفس الشيء مع مكتب ثاني، اعصب علي البروكر ويعتذر مني لانه موظف . . . وسكر عنه واتصل بالمدير وعصب عليه ويستسمح مني . . . ويشتريلي اللي اباه.
اللعبة للي يكون هامور او يعرف المدير هاااي، لعبة علي المستثمر الصغير . . . . .
وللعلم سوق دبي بيقول لك هذا اللمت المسموح لهاي الشركة افتح احساب عند شركة اقوي. . .
والمتضرر الاول الاخير انت، لانه مااا يقدر يعوضك ( قصدي لو كنت ودك تشتري سهم والمكتب ما اشتري لك وعقب ارتفع ارتفع السهم من يعوضك اهنيه ، ضاع عليك الوقت وغيرك استفاد من راس مالك ).
وازيدك من الشعر بيت يشترون لهامور بفلوسك وفلوس غيرك لشخص معين ؟؟؟؟ هوه اللي يستفيد. ( يعني يكون عنده 10 مليون يشتريه المكتب 30 مليون مثلا ) والسموحه علي الاطالة.