السلام عليكم ورحمة الله وبركاته
تقبع هذه الدائرة في منطقة الخان وعلى الخور بشكل خاص .. وخلف هذه الدائرة رجال يديرونها .. ولكن هناك تحت هؤلاء الرجال (( بطانه )) مفسدون ولا يتقون الله في عملهم …
وأخص قسم الأراضي الممنوحة للمواطنين .. في هذا القسم ترا العجب العجاب والله … الأراضي تنسحب من أناس وتعطى لأناس أخرين … وفي لمح البصر أرضك (( في جسحة أبليس )) بعدما كانت في منطقة شبه قريبة من المدينة …
وأنا لا أتلكم من فراغ .. أهل الشارقة أدرى بهذا القسم .. وأدرى بمدى التلاعب الذي حاصل في هذا القسم ..
وأنا من ضمن الأشخاص الذين أنضلموا من قبل هؤلاء …
كانت عندي أرض في الرحمانية الثالثة وفجأه صرت في الرحمانية الأولى (( والله بدون واسطة )) وبعد ذلك سحب الأرض مرى أخرى وطيروني الى (( الرحمانية الثامنة )) وبعد شد وجذب مع المدير سالم السويدي أرجع لي الأرض التي في الرحمانية الثالثة ..
ثلاث مرات تسحب الأرض التي أمتلكها وتعطى لأشخاص آخرين دون علمي .. لا حسيب ولا رقيب لهذا القسم .. وهناك مناوشات تدور في هذا القسم بين أناس يشتغلون في هذه الدائرة من بعض الأشخاص في هذا القسم …
متى نرى التجديد في هذا القسم .. والله طفرونا الي يشتغلون في هذا القسم .. يوم يسحبون أرضك في دقيقة .. يوم يردونها في سنة
يا محاسن الصدف
لووووووووول
وانا في دوامي احس داشه عندهم بالغلط….
كلهم اهليه من غير مبالغه ….
وندري في شواغر لكن من قال …بس حق الا يبووووونه
والا نسمعه منهم
” ترى هالله هالله في فلانه تراها من صوب فلان”
ليش شايلين لها خيزرانه نحن
والله المستعان
=================
وربي ان شاء الله يعطي كل مظلوم حقه
ويفرج همومنا
قولوا امين
يعطيك العافيه يا اخوي بوسعود
وتشكر وربي يوفقك ويعينك ان شاء الله
ويوفق اليميع باذن الرحمن
والشكر اكيد موصوووول للاخوه الافاضل
وانتوا ما شاء الله تبردون يوفنا بهذه الاحاسيس والمشاركات الطيبه
ونحس صدق بين اخوانا واهلنا لان معاناتنا وحده…
والا في القلب في القلب
الله المستعان
ربي يحفظكم
مع كل الود
اختكم
سهمي عالي
إذا السالفه سالفة دفان، محلوله. قدموا على دفان و بيدفنولكم الحفره. بس لازم يكون عندك رخصة بناء على الأقل (و أظن إن هذا مطلب منطقي). لا تقولي ما يعطون، هذا قبل، الحين يعطون. و أنا أقرب مثال.
أنا بذكرلكم سالفتي ويا القبور اللي جدام بيتي في القراين2 إن شاء الله باجر. لأني ماعندي وقت اليوم << هذا إذا ما صكوا الموضوع.
حسبي الله ونعم الوكيل
الله ينتقم منهم…………………….
نحن 3 اخوان صرفولنا 3 اراضي عدال بعض في طي سنة 2001 ,,, وبعدين اسحبوهن وعطونا اياهن في الرحمانيه ………..2005 اسحبوهن من الرحمانيه وفرونا في السيوح 5 …طبعا يوم انسحبن من طي ما قلنا شي بس يوم انسحبن من الرحمانيه طبعا محد سارلهم غيري انا البطل وبدون خاب وطاب سرت و معاي الصحافه طبعا محد قدر يرمس هجمت عليهم في مكاتبهم مثل الوحش والله من الغيظ والقهر…..ليش عيال البلاد مصخره عندهم ..قلت الهم بس ابا اعرف عطيتوا الاراضي حق منو؟؟ ما بقولكم ليش سحبتوهن خبروني سجلتوا الاراضي باسم منو……….الفاجعه والمصيبه امسجلينهن باسم المرحوم الشيخ محمد بن سلطان …ابن الحاكم الله يرحمه كيييييييييييييييييف؟؟؟؟؟؟؟؟؟؟؟؟؟؟؟؟؟؟؟
المهم وبصراحه طلعت السالفه حجز الاراضي !!!! عسب يشلهن المدير حق عمره ولا لحد من اهله……..
طبعا انا اكتفيت لين اهني وما بغيت اوصل للحاكم
وبصراحه ماخليت شي عليهم واستوى الترجي والترشي وخلاص بيرجعون الاراضي طنشتهم …
في الاخير الاراضي الحين في سيوح 5
الله المستعان والله بس خلوني ارجع من الخارج وخلص دراستي……………..
اوف تعبت قلبي يعورني من اذكر السالفه..
يللا بخليكم الحين…..مشاكل الشارجه ما اتخللص
الله المستعااان يا ريااال
اذا بتكلم و الله بنتعب على كثر ما نشوف من موظفي حكومه الشارقة ؟
يعاملونك كأنك طلاب عندهم مب مواطن ، و القهر انه لا حسيب ولا رقيب، كل شي في يد المدراء ورؤساء الدوائر عندهم
و الله اعرف وايد ناس انظلمت من قبل التخطيط و المساحه في الشارقة ، ومن ضمنهم الوالد.
ما اقول غير حسبنا الله ونعم الوكيل.
غش ولعب على كيفك ، الاراضي الزينه تنعطى لربعهم ونحن عيال البلاد يعقونا آخر الدنيا ولا مفتكرين فينا وان رمسنا ولا قلنا شي سووولنا طااااااااااااف
بوسعووود اللي فتح الموضوع مره ثانيه ، هووو أنا
لووول
الله يسلمك عطوني ارض منحه في الرحمانيه ، تمااااااااااام
وجددتها اول مره من كم يوم واختموا على الخارطه آخر تجديد ، و الله قهر
يبوني اسرق عسب ابني ومايسحبون الارض ؟
لا حول ولا قوه الا بالله