السلام عليكم ورحمة الله وبركاته
تقبع هذه الدائرة في منطقة الخان وعلى الخور بشكل خاص .. وخلف هذه الدائرة رجال يديرونها .. ولكن هناك تحت هؤلاء الرجال (( بطانه )) مفسدون ولا يتقون الله في عملهم …
وأخص قسم الأراضي الممنوحة للمواطنين .. في هذا القسم ترا العجب العجاب والله … الأراضي تنسحب من أناس وتعطى لأناس أخرين … وفي لمح البصر أرضك (( في جسحة أبليس )) بعدما كانت في منطقة شبه قريبة من المدينة …
وأنا لا أتلكم من فراغ .. أهل الشارقة أدرى بهذا القسم .. وأدرى بمدى التلاعب الذي حاصل في هذا القسم ..
وأنا من ضمن الأشخاص الذين أنضلموا من قبل هؤلاء …
كانت عندي أرض في الرحمانية الثالثة وفجأه صرت في الرحمانية الأولى (( والله بدون واسطة )) وبعد ذلك سحب الأرض مرى أخرى وطيروني الى (( الرحمانية الثامنة )) وبعد شد وجذب مع المدير سالم السويدي أرجع لي الأرض التي في الرحمانية الثالثة ..
ثلاث مرات تسحب الأرض التي أمتلكها وتعطى لأشخاص آخرين دون علمي .. لا حسيب ولا رقيب لهذا القسم .. وهناك مناوشات تدور في هذا القسم بين أناس يشتغلون في هذه الدائرة من بعض الأشخاص في هذا القسم …
متى نرى التجديد في هذا القسم .. والله طفرونا الي يشتغلون في هذا القسم .. يوم يسحبون أرضك في دقيقة .. يوم يردونها في سنة
ما شاء الله عليكم … هذا الموضوع قديم .. منوه حفر وظهره مرة ثانية
تراني فيي حره منهم
بسم الله والصلاة والسلام على أشرف خلق الله سيدنا محمد وعلى آله وصحبه ومن والاه أمابعد…
موضوع رائع ولو بكتب فية مابخلص..بس بييب لكم موضوع واحد.
خالي مصروف له بيت من ثلاث سنوات بس ماإستلمه اللي إستلمه شخص ثاني كيف؟؟؟؟؟؟
فالملف اللي فالديوان مصروف له وكل مايراجع يقولون له ماطلع لك شي راجع بعدين المهم عندي جماعه فالبلديه ومخبرينهم بالموضوع وطلبوا الملف وقالوا كيف الريال مصروف له بيت من 3 سنوات قلتلهم والله الذي لاإله إلاهو إن خالي ماإستلم شي ولازال عايش فبيت جدي وعنده خمسه عيال ومن أوائل الناس اللي مقدمين واللي مقدمين عقبه ب5سنوات حصلوا شو تبون أكثر عن جذي ظلم…
قررت أعطيكم موضوع ثاني
جدي الله يرحمه عنده أرض فالمجره ولما كان يريد يستخرج الخارطه عطوه بس مساحة البيت القديم قالهم لأ السكه اللي ورا البيت بعد مالي وخبرهم إن زمان كان فيها الهوش والبقر ولما إنتقلوا البقعه إستوت فاضيه مب معناتها إنها للحكومه المهم….
قالوله عندك شهود قالهم المجره بكبرها شهود قالوا خلاص بنشكل لجنة اليوم وباجر سنة وسنتين ماتوا الشهود ومات جدي وراحت السكه والله أعلم ضموها لمنوه..خلوها على الله….رحت التخطيط والمساحةعلشان قالوا خوالي بنبني الأرض يبنا موافقة من البلديه الأشغال تصريح 8طوابق والتخطيط رفضوا بن بطي نفسه رافض قال عندي قانون ليش مابنيتوا أو طلعتوا تصريح من قبل المهم اللي كان يمر بالشارع بين المجره والنباعه قبل سنه أو2 كانت تحويله تدخلك فالمجره وترجع تطلعك تحويله صغيره مادري شو كانوا يسوون المهم التحويله على أرض جدي كيف تبانا نطلع تصريح والأرض مشغولة بعدين الحكومه تعوضك عن الضرر أو لأنها إستغلت أرض مملوكه وقلنا له مانبا تعويض نبى التصريح والكل موافق البلديه والأشغال بس العرقله عندك قال لأ الأرض صغيره أكيد صغيره(كلتوا منها شويه)قال عندي أمر من الحاكم ماأقدر أعطي 8طوابق بس أقدر على 4طوابق مع العلم إن التوقيع والموافقه قبل لا يصدر الحاكم أمر على زعمه والله لو مب الخوف من الله كان مصعت رقبته ورقاب وايد من هالأشكال اللي عندنا فالشارجه الزين يحفرون له والشين واللي يمشي مصالح الهوامير خلوه ورقوه والله عندنا مهزله والحاكم الله يعينه مب مقصر بس اللي تحته والمسؤولين………الله يعيننا ويعينكم والسموحه منكم……….
الله يكون في عونك
لا حول ولا قوة الا بالله
بس اخويه شو عن الاراضي الممنوحه
يسحبونها اذا انتهى تجديدها ؟
أحنا أرضنا أسحبت فوق 5 مرات .. والأرض من سنة 99 للحين مأستلمناها الأرض الأوله كانت في نوف تتحول عقب فروها الرحمانيه عقب ضرابه ردينها نوق عقب فروها الرحمانيه عقب دفين وعراك ردينها النوف آخر شي عطونا الأرض في حفره يبغيلها دفان حووووووووول 150ألف درهم أرض في قص عفنالله صرقة عيني عينك ..
آخر شي قالوا لنا الميزانيه القديمه ماتكفي للبناء لو تبغون تبنون أدفوعوا الفرقية
السلام عليكم ورحمه الله وبركاته
عندي استفسار بخصوص الاراضي الممنوحه من حكومه الشارقة
بصراحه انا عندي ارض في الرحمانيه منحه.
وجددتها من شهر لست شهور قدام واختمو عليها على اساس انها آخر تجديد.
ما عندي فكره شو القصد من آخر تجديد لست شهور علما بأنها اول مره اجدد فيها ؟
واذا جددتها بعد ست شهور بيوافقون في التخطيط و المساحه ولا بيسحبون الارض ؟
ارجو الافاده للي عنده المعلومات ؟