السلام عليكم ورحمة الله وبركاته
بصراحه مليت من وكالة التويوتا وإهمالها لعملاااءها
لاإهتمام ولا غيره وصدقوني عشان هالسبب ماريد سيارتي
اريد ابيعها من الخاطر
لاني شفت الفرق الشاسع بين وكالة المرسيدس وبينهم
بلييييز اريد بس تخبروني كم تسوي وبعدين بقرر بكم البيع ؟؟؟
السيارة نوعها اليديد طبعا عارفينها
http://www.lexusuae.com/arabic/section.aspx?id=2064
بيج من الداخل
لونها ابيض لؤلؤي
رقم واحد يعني فل ابشن
http://www.lexusuae.com/arabic/exteriorColors.aspx?pageId=9945
ماشيه 15 الف كيلوامتر ….
بصراحه أنا تعاملت مع 4 وكالات و لا وحده منهم كانت سيئه خبرتي الكبيره في وكالة البي ام دبليو دبي و ابوظبي و كل واحد منهم احسن من الثاني احجز موعد لمواتري و اوديهم و استلمهم في نفس اليوم .
رقم 2 صار لي شنه اتعامل مع وكالة المرسيدس في بوظبي ماعليهم كلام و مايقصرون ويدت لهم السياره بالثلاثاء المساء و قفتها برع تناولت الظرف عبيت الطلب و حطيت المفتاح في الصندوق و اتصلوا بي 5 مرات بالأربعاء الصبح ويوم مارديت طرشوا لي مسج باسم الشخص و رقمه عشان يعرفون المطلوب بالضبط
و الخميس الصبح طرشوا مسج بالمبلغ و ان لازم اتصل بهم ساعه قبل ما استلم السياره عشان يغسلونها
الوكاله الثالثه الليبرتي ( الهمر) ماعليهم كلام عندهم واحد اسمه ضياء يخدمك بعيونه
نصيحتي لج اختي ::
لا تدخلين السياره الوكاله الا يوم تكمل 100000 كيلو عسب يبدلون الاشياء الاساسيه
و كل 5000 كيلو بدلي oil+filter من محطة البترول سواء كانت ادنوك او الامارات
و هالنصيحه اقولج اياها لانه عندي شرات سيارتج بس الموديل الاجدم 2004
لا مشاكل ولا عوار راس
و يعطيج خيرها و يكفيج شرها
تقول يعني كل حد قالي بس متردده ؟؟؟
نصيحتي لج اختي ::
لا تدخلين السياره الوكاله الا يوم تكمل 100000 كيلو عسب يبدلون الاشياء الاساسيه
و كل 5000 كيلو بدلي oil+filter من محطة البترول سواء كانت ادنوك او الامارات
و هالنصيحه اقولج اياها لانه عندي شرات سيارتج بس الموديل الاجدم 2004
لا مشاكل ولا عوار راس
و يعطيج خيرها و يكفيج شرها
الصراحه اول مره اقرا موضوع كامل من اوله لين اخره لنه صج يضحك….
يا بنت الشيوخ يعني يالسه في الموتر و تبين مسؤول الصيانه يي لين عندج مب جنه وايد مصختيها وياهم…
يعني انا عندي سياره و يالس داخل ويا مسؤول الصيانه و طلع برع اونه في وحده برع تبا السؤول بطيح بالمسؤول و بشوته و بسير ابيع سيارتي لنه بقول انه صيانتهم زفتهه و يراعوووون البنات و قليلين ادب….
انتي لو تبين تسووين هالحركات عندج حلين اما تطرشي اخوانج او تطرشي الهندي او تشوفيلج حد من الوكاله ييي يشل السياره منج يسويلها الشغل و يردها لج…
و ياريت يوم تبين تودينها الصيانه خبريني ايي اشوف الضرابه كيف بتكفخيهم…
و عالعموم كل الوكالات زفت و لو وكاله اللكزس مب عايبتنج جربي على و اولاده عقب بتعرفين انج في نعمه تنحسدين عليها
بصراحه بعد سيرفس البي أم ما في سيرفس
جربت كل الوكالات تقريباً وبالذات المرسدس
مب شيء
والحمد لله عندي سيارتين
يوم أدخل سيارة في الوكالة استخدم الثانية وأخليهم على راحتهم
عسب يجربون وخبصون على راحتهم ويوم تخلص يتصلون بي ويطرشولي مسج بعد
اسير اييب السيارة
أنصحج أختي بالبي أم دبليو
صراحه عجييييبه