السلام عليكم ورحمة الله وبركاته
بصراحه مليت من وكالة التويوتا وإهمالها لعملاااءها
لاإهتمام ولا غيره وصدقوني عشان هالسبب ماريد سيارتي
اريد ابيعها من الخاطر
لاني شفت الفرق الشاسع بين وكالة المرسيدس وبينهم
بلييييز اريد بس تخبروني كم تسوي وبعدين بقرر بكم البيع ؟؟؟
السيارة نوعها اليديد طبعا عارفينها
http://www.lexusuae.com/arabic/section.aspx?id=2064
بيج من الداخل
لونها ابيض لؤلؤي
رقم واحد يعني فل ابشن
http://www.lexusuae.com/arabic/exteriorColors.aspx?pageId=9945
ماشيه 15 الف كيلوامتر ….
السلام عليكم
بالصراحه يا اختي الوكالات كلها سيئه في تهاملها الا من رحم ربي واغلب التعامل الممتاز يكون لل VIPS والي يدفعون البقشيش
للاسف كنت ماخذ BMW 330i في 2001 للحرمه وابصراحه السياره كانت روعه وانا شخصيا كنت اتخبل عليها
في اخر السنه الاولى طاحت الجامه الورانيه عندي وقمت اسمع صوت شي يتكسر والجامع ماطيع تصعد فوديتها وكالة الشارجه وكان وياي واحد من الربع من استوى وهو يشتري BMW ويعرفونه وبدون اي كلمه بدلوا الموتور الداخلي على الضمان وحلوا المشكله وقالولي انه عادي وانه عيب مصنع وصايره عندهم وايد
وعقب 6 شهور صارت نفس المشكله فقمت ووديتها وكالة دبي بنفسي لاني استحيت ارمس الريال
وكان الموعد الي عاطيني اياه الساعه 12 ولان الريال اتاخر علي وانا ماقلت شي فكان اسلوبه اوكي وياي
المهم قتله عن المشكله وان السياره فيها عيب مصنع فصد على زميله وقاله نحن عندنا عيب مصنع في 330؟ قاله ربيعه لا
فقتله ان هالكلام قاليلي اياه في الشارجه ويقدر يتاكد
المهم ضحك الزلمه وقالي بس لانك طيب بمشيلك اياها لانه قبل فتره ياني واحد بريطاني وقام يضارب وشايف نفسه وعنده نفس المشكله فبطلوا الباب وطلعوا القطعه وهو بنفسه(الموظف) كسرها ابمطرقه وقاله انت اتضاربنا وهذا سوء استخدام منك وخلوه يدفع ثمن القطه وشغل ايدهم
المهم قبل لايظهر الموتر انا كنت عارضنه للبيع ابسبة هالحركه وبايعنه
اعرف اني طولت عليج لكن نصيحتي لج خلج عامينونج الياباني اضمن
والسموحه
الصراحه السيرفس اللي في المرسيدس سيئ جدا والله يعينج
اذا انتي بتبيعنها عسب المعامله تراني ماانصحج
خلي سيارتج عندج اللكزس الصالون ماعليها كلام ابد
السلام عليكم ورحمة الله وبركاته
بصراحه مليت من وكالة التويوتا وإهمالها لعملاااءها
لاإهتمام ولا غيره وصدقوني عشان هالسبب ماريد سيارتي
اريد ابيعها من الخاطر
لاني شفت الفرق الشاسع بين وكالة المرسيدس وبينهم
بلييييز اريد بس تخبروني كم تسوي وبعدين بقرر بكم البيع ؟؟؟
السيارة نوعها اليديد طبعا عارفينها
http://www.lexusuae.com/arabic/section.aspx?id=2064
بيج من الداخل
لونها ابيض لؤلؤي
رقم واحد يعني فل ابشن
http://www.lexusuae.com/arabic/exteriorColors.aspx?pageId=9945
ماشيه 15 الف كيلوامتر ….
على قوله المثل يوز بمينونك لاييك اي عنه
صدقيني بتندمين مهما كانت معاملتهم لازم تكون هناك طريقه خاصه لاجبارهم على التعامل الطيب
ابيعدي عن الالماني دام عندج الياباني انا مجرب وندمان لو كانت سيارج اكبر جان خذتها
دوريها في راسج وفكري زين حاله اليأس والغضب بتوديج في داهيه :hhhkkk:
«®°·.¸.•°°·.¸¸.•°°·.¸.•°®»:habeet: «®°·.¸.•°°·.¸¸.•°°·.¸.•°®»
نحن كشركة للمرسيدس راح نشتريها منج
يعني نسوي المبادلة
السعر يعتمد على نظافة السيارة
2345567 / 050
حسن
ما شاء الله حلوه اللكزس استخامها كسياره عمليه افضل من المرسيدس بس الفرق في الفخامه انا افضل لو تبدلين في الوكاله اظن يحسبونلج سعر افضل وبالتوووووووفيق