السلام عليكم……….شحالكم عساكم طيبين………..
أدري كل إلي داش الموضوع بيقول في خاطره شو من الحلول بعطي للأزمة إلي احنا فيها ألا و هي مشكلة التركيبة السكانية …
حل المشكلة ادري شي مب سهل بس لازم يبدي من المواطنين أنفسهم…..ما بقولكم قللو عدد بشاكير البيت و لا سيرو و اشتغلو بدال ها العمالة الوافدة لأانه أصلن عددنا للأسف ما يسمح…..
إسمحولي بس الدولة ما بتروم تمسك نفسها من ها التطور إلي يالس يحصل في الدولة….غصبن عنها و غصبن عنها محتاجة ناس لكل ها الأشياء إلي ايسووونها….
حل بسيط….أخي ..و أختي المواطنة…كم طفل عندكم….2 ولا 4 …ليش…الحمدالله الدولة موفرة تعليم مجاني….و أشياء وايدة …..يعني محد ايي و ايقول من وين نصرف عليهم…الله سبحانه و تعالى قال كل طفل و ايي ياه رزقه…..
يعني أستغرب من إلي يايبتلي 3 و 2 و تقول أحسن خفيفة الحركة و السفر ياهم…..لا و ما تكتفي بالمنع ..للأسف انها تسير و تربط….
و ها كله أثر العولمة…شافولي الإنجليز….و قالو بنقلد…..أو بنتطور….الله سبحانه و تعالى قال المال و البنون زينة الحياة الدنيا….
و للأسف إلي بعد إمأثر على سالفة …العيال إنه نسبة الطلاق عدنا من كم سنة 49 % و هاي نسبة تخوف….كيف بنتكاثر و احنا مب رايمين نتعايش صح……………
لا و الطامة الكبرى انه عدنا نسبة عنوسة عالية….و الزواج من أجنبيات ..ها موضوع ثاني لا و اليهال ايون هجين مب عارفين يرمسون بأي لغة…..
لا و أحلى شي يوم كملت و سارن المواطنات…يأخذون أجانب…..بالله عليكم قووولولي من وين ناوين اتجحلونها………..
و الله الله يرحم أيام أول الحريم يتسابقن…في سالفة الحمل….و هي في ال 40 تحمل……و الحين لا تتريا الياهل يكبر و يشبع حنان
هلا اختي رد رووووز…..أشكر مشاركتج..بس في تعليق بسيط عن مسؤولية الحرمة في الماضي….تعرفين انه ايام أول الريال ما كان يييلس في البيت و كل شي على راسها ..مثال…يوم كانوا ايدشون البحر و مثل ما تعرفون المدة تكون طويلة و بالأشهر ..و كان على الحرمة تيب عيال و تربي….ولا من ايعديها العصر سارت و برزت في السوق الي تبيع رطب و الي تبيع سمج……يعني كانت كل شي…أما الحين البشاكير تارسين الدنيا و شو الي يمنع و الريال ما عاد ايسافر مثل أول….و اليهال …نص وقتهم في المدارس….و التعليم و العلاج مجاني……..يعني الواحد ايقول الحمدالله و يتوكل
و أي إييي ديكس بي…أشكر مشاركتك….
كاريزما…..مشكور على المشاركة…..بس أخوي قولي ولا اختي..هلا في بلاد ثانية تعرفونها عندها صندوق الزواج….الواحد ايقول الحمدالله….ترى هاي مبادرة من الدولة و هي مب ملزمة…..و نفس الشي سالفة قروض الإسكان و غيرها…شوفو البلدان الثانية …بطاقة تليفون ما يعطونها أي حد …..الواحد إيقول الحمدالله
الله يطول عمر الشيخ سيف بن زايد والشيوخ جميع
عن آلية التجنيس للبدون الي ممكن تقلل من خلل التركيبة السكانية
وبعد لو تتغير الأمور التعيسة اشوي في المؤسستين المذكورات أسفل
الحل في توفير مسكن فور الزواج أو مبلغ لا يقل عن مليون عند الزواج لتغطية الزواج وبناء مسكن
انظر إلى صندوق الزواج المتعثر !!
وأيضا إلى برنامج الشيخ زايد للإسكان !!
الزواج وتكاليف وإدارة صندوق الزواج والقوانين العسيرة
وبرنامج الإسكان (( الله يرحمك يا والدنا زايد )) ، دفعات ضئيلة ومنح قليله 500 ألف والا القرض بدون فوائد انزين زيدوا القرض وقصوا عن المواطن الفقير لا حول ولا قوة والا يتخلونه يقترض من البنك والفوائد طول العمر
والا المواطن الي يتكفل بالحياة والا بالقروض
قوانين تحد من تقليل الخلل في التركيبة السكانية
والا المليارات التي تصرف خارج الدولة والوطن يتغمض عليها !! بنقول سياسة الدولة والي الكل يذكرها على أساس انساني كبير في مساعدة الدول المحتاجة لكن بعد الوطن يستاهل ..
لكن هب بالييد حيله … الفقير يفتقر والغي يزداد غنى
والحمدلله على كل شيء
بعض المواطنين بالرغم من أنهم أقليه في دولتهم يعانون من مشاكل كثيرة
في مقدمتها الغلاء
والإسكان
والبطاله
والغرقانين في قروض البنوك عشان يبنون أو يشترون سيارة من الوكالة
المواطن يعاني من مشاكل كثيرة
هم بيغلبونا بيغلبونا ماشيء مجال
إلا اذا حد عطاهم كرت أحمر وطبعا هذا من سابع المستحيلات
الزواج من أجنبيات لاتنسين إن شيء مواطنات متزوجات من أجانب وعددهم هم وعيالهم
يجاوز 10 تالاف اذا ماخانتني الذاكرة
وإمعلقين بين السما والأرض
أنا أقول لو المواطن إيب ولد واحد ويربية ويعلمه ويصرف عليه
أحسن من إنه إيب 10 عيال بس عشان إنه فكر إن بهذا القرار بيحل مشكلة خلل التركيبة السكانية
لان يمكن مايقدر على تربيتهم ومصاريفهم وعقب لاسمح الله نحصلهم في قناة رأس الخيمة في برنامج
يسلط الضوء على سجن الأحداث وإلا نشوفهم مهيتين في الشارع ضايعين مايلقون اللي يوجهم
نحو الصواب مثل ماكان هناك سوء توقع بأن هذا العدد من الأجانب سيصدمنا يوما مانبا
حد ينصدم لان أخطىء في التخطيط للمستقبل ويجعل من مصيره مجهول
مجهول مجهول مجهول
أولاً ،، الحريــم قبــل كــانوا حريم بمعــنى الكلمــه !! يعــني ربــة منــزل ،، وماتتعــدى واجباتــها ،، ومرتــاحه ،، بس عليــها اتجــابل عيــالها ،، وكل شــي تبــاه يوصــلها !! << والله بتييب 20 ماعنــدها مشكــله
أمــا تعــالى الحريــم هالزمــن !! شوفــي الحِمــل الثقيــل عليــها !! صــايره هيه الأم ،، هيه الأب ،، هيه كــل شي !! شــالة المســؤوليــات على راســها !! والريــال ،، حــاط ريل على ريــل ،، ومستــوي هو الحــرمه !! << السموحه منكم ،، لكن هــذا حال البعض للأسف !!
والنتيجــه >> خــلاص اتعــاف العيــال والمسؤوليــه الزايــده !!
ثانيــاً ،، خــله الشبــاب يصطــلبون شــوي من الركــض ورا الأجنبيــات !! بســهم عــاد !! والله ياكثــر اللي أشــوفه في الــدوام !! كل شــوي يـايني واحــد ســامت ويه حرمتــه (( فلبينيه ،، روسيه ،، لبنانيه ،، وهلم جــره )) ،، وبعــدين يعني !! وبعــدين !!
ثالثــاً ،، وعلى طــاري الطــلاق ،، كل اثنين ،، المفــروض يتعــرفون على بعــض فتــره كــافيه قبـل الزواج ،، ما أقصــد فتــره كافيه من نــاحية الرومانسيــه ،، والونـاسه ،، والطــلعات ،، والمشــترى والــخ !! لا ،، الــريال أو الحــرمه ،، لازم ينتهــزون الفــرصه يكتشــفون بعــض ويكونــون صــادقين مع أنفســهم ومع الطــرف الثانــي ويرفعـون شي اسمه مجــامله بيــنهم وبيــن بعض ،، ما عيبــه شي فيــها !! يــافلانه ،، ترا كــذا وكــذا !! والحــرمه في نفس الوقت تمحــي شي اسمــه كبــرياء ،، وكــرامه مع زوجــها ،، ويــاحلاة التواضـع والتفــاهم !!
أخــتي
” عيشي بـلادي ”
طــرح رائــع رغــم بساطتــه ،، تسـلم الأيــادي
تبيـن الصــدق ،، قلبـي يعــورني من أقــرأ مثل هالمواضيــع
الله المستعـان
ومســاج الله بالخيــر حبــوبه
أسلوب بسيييط ووافي
وشرح سهل ومفهووووووووووووم
شخصتي الوجع وعالجتي المرض
إحنا قلنا في مواضيع ثانيه طرحت في المنتدى سابقا يا جماعة الخير تزوجوا وتناسلوا والله حلل اربع زوجات
بس يا أختي لا حياة لمن تنادي
تشكرات على الطرح الرائع
الحين بيطيح الحش فيني من العضوات
ياالله بالسلامه
لووووووووووووووول انا ما قلت شي
ما خصني في الموضوع شيء