السلام عليكم

الغرض من هذا الموضوع .. انه يتم تبادل الخبرات وفي النهاية لمصلحة الاعضاء لهذا المنتدى العزيز

يعني اللي عنده اي مشكلة في سيارتة سواء ميكانيكية أو كهربائية ومب عارف الحل يعرض مشكلتة هنه.. وان شاء الله نفيدة بالحل .. والمجال مفتوح للاعضاء اللي عندهم خبرة أو واجهتهم نفس المشاكل من قبل انهم يساعدون اخوانهم بحيث انه يوفرون الجهد والوقت والمال ويتعلمون شي يديد فحياتهم.

اللي عنده مشكلة يذكر نوع السيارة والموديل ونوع المشكلة .. والاعراض لؤؤؤؤل

وحاضرين،،

332 thoughts on “حلول المشاكل المكانيكية والكهربائية+فرق مواصفات الوارد والخليجي”

  1. السلام عليكم ..

    عندي مشكله بسيطه … خذت برادو كوبي 2007 من الوكاله ..

    مشيت فيها 13000 كم .. طلعلي check Engine

    وديتها الوكاله .. قالولي سنسر ال ABS بدلوه .. وكل شي أوكي ..

    بعد فتره رد وطلع …حوالي يوم .. ويروح ..

    وعلى هذي الحاله .. والحين ماشي في السياره 44000كم

    وآخر مره طلعلي بعد ما دخلتها الوكاله لتشييك ال 40000

    يعني حوالي 41000 ….

    شو تتوقع السبب ؟

    الغالي سيارتك تحت الضمان .. لا اتعور راسك ..

    ودها الوكاله وهم بيصلحون المشكلة.. ومب شرط اتشيك السيارة عشان يصلوحونها.. اعتقد باقيلك ع التشييك 6 الاف واللي هو 50 الف..

  2. عندى كرولأ موديل 94 المكيف يوم واقف

    مايبرد ويوم اتحرك يبرد ماخليت مكان كل واحد يقول

    بدل الكمبريسر لأنه صغير بس يوم اتحرك الغاز فول

    الراديتر المكيف زين البيبات زينه ويوم واقف الكمبريسر

    يشتغل و ويبند يعني طبيعي بس صدق يوم

    الكمبريسر صغير مايبرد شوفلي حل بدون مابدل

    الكمبريسر علشان أحرق ويهوهم عشانهم مايعرفون

    بس يبون يسرقون المواطنين هاذيل لسنود

    سو معروف في ربيعي وأشكرك علي تعاونك مع

    الجميع عساء الله يوفقك و يطول بعمرك لخدمة

    الناس ان نشاالله بكل حرف ترد على الناس تبني

    بيت فلجنة دعوة صايم وشكراً

  3. لا ياخوي مافي فرق فالمكينة.. الفرق بس في التسمية عندنا اسمة S500 وعندهم S550 وهو الاسم الصحيح.. لانة المكينة 5.5 وعندنا يوم سموة 500 مب 550 عشان الناس ماتتحراة اي ام جي..

    بس الوارد تكون مواصفاتة عجيبة وغريبة… اتاكد من المواصفات قبل لا تشتري

    لانة عادي تلقى واحد فل فل ابشن.. وحتى الرؤية الليلية فية .. وتتفاجا انه بدون فتحة!!!

    ما قصرت يا أخوي

    عيل يوم يت السالفه على التسميه هاي امرها هين

    شل ال 550 و حط500

    بس عيزنا من مقصةالوكالات ينهبونك نهب امخلينا مقصه

    يقولك السيلزمان هيه هاي فل ابشن وسعرها 600000

    و برع سعرها 400000 لا رقيب لا حسيب

    سامحنا عاد طولنا عليك

    تسلم شيخي

  4. السلام عليييكم

    موتر طاف ال 60 ألف خلص ضمانه وانا مابا اخلييه من غيير تجييكات وكاله

    السؤاال: هل اقدر اشييكه عندهم وانا ادفع وهل المبلغ بيكوون عالي؟؟؟ من غيير ضماان؟؟

    حد جرب هالشي يفيدني

    الوكاله:الكندي للسيارات

    الموتر:جمس سييرا

    الموديل:2007

  5. مرحبااا

    حد يعرف محلات تختص باللكزس فقط من ناحية البرمجه او فصل الليتات اللي يتمن شغاله 24 ساعه او برمجة الراديو يكون مثل الخليجي والحراره تحويلها من الفهرنهايت الى السيليزي وشكرا

Comments are closed.