حلول المشاكل المكانيكية والكهربائية+فرق مواصفات الوارد والخليجي

332 thoughts on “حلول المشاكل المكانيكية والكهربائية+فرق مواصفات الوارد والخليجي”

1. بخصوص كراسي المكينة .. سمعت انه شي مادة يستخدمونها بدل الربلات اللي فالكرسي … تكون لايف تايم يعني ما تخترب .. منو عنده فكره عنها ؟؟

   و وين احسن كراج لتصليح الكراسي ؟؟؟ فالشارجة أو دبي أو بوظبي ؟ بس يكون شاطر و ما ينصب

2. السلام عليكم

   اشحالكم

   اخواني انا عندي فتك 2002

   واسمع شباب يحطون ثروتر انفنتي

   وحاب اعرف اي انفنتي يقصدون ( Fx35 ) ولا ؟

   واذا بغيت اركبه شو من القطع المطلوبه وياه ولا بس الثروتر ؟

   وهل بيعطيني اداء احسن ولا ؟

   وعليكم السلام ورحمه الله وبركاته

   هلا اخوي

   بخصوص الثروتل عن نفسي ماعرف شو سالفه الانفنتي هل هي السيارة نفسها ولا نوع الثروتل انفتني ماركة يعني

   مايحتاي له قطع اضافيه شيل الثروتل الاصلي وركب اليديد

   وبالنسبة للاداء اكيد بيكون فرق ويعطيك عزم اكثر

   لانه الثروتل يساعد على دخول هواء اكثر الى المكينه

   وان شاء الله حد عنده خبره عن نوع الثروتل ويرد عليك

   السموحه
   

3. مرحبا بالجميع
   انا ابا اسأل اذا ادعس بالموتر مره وحده يفز جير واحد الجير الثاني تحسه يوقف عداد rpm ثانيه ونص تقريبا على الرقم 4 ويفتح مره وحده ومن يفتح يبدل جير ثلاثه شو المشكله من الانجكترات؟؟؟

   مع اني جربت من شركة nos شريت اللي ينظف الانجكترات الاوكتين اللي تخلطه مع البترول بس بعد مافي فايده

   ياريت من اصحاب الخبره الرد مع العلم السياره كابريس اس اس موديل 2004

   اتوقع المشكله من الجير
   احسن شي تسويه توديه الوكاله وتخليهم يعيدون برمجته (RESET)

4. مرحبا اخوي

   الموتر موديل 2006 وماشي 38000 اتوقع انه باقي عليه ضمان وده الوكاله.

   لانه المشكلة ماتنعرف من جير او شي ثاني
   يمكن الجير اخترب ويمكن فيول بمب لانه كان يقطع.

   وان شاء الله اخوي مساهم درجه رابعه عنده خلفيه

   كفيت ووفيت فديت خشمك وماعندي شي اضيفة على اخونا صاحب محفظة
   

   مالك غير انك اتودي السيارة الوكااااااااااااااااااااله السيارة يديدة ومب ماشية شي.

   والمشكلة غالبا بتكون كمبيوتر اذا ماخاب ظني او الاير ماس ( الساعة)

5. هلا أخوي بالنسبة للمدينة يكون كالتالي:

   في الامام يكون 32 والخلف 30
   واذا بغيت الموتر يكون مريح اكثر فالقرقرة تكون المعادلة كالتالي 30 فالامام و 28 فالخلف

   الخط: يفضل انه يكون الهواء اكثر شوي يعني 35 فلامام و33 فالخلف ( الا اذا كنت شال اغراض او في حد راكب وياك فالخلف وفي هذي الحاله اتخلي الضغط نفس الشي)

   البر.. مافي احسن من ال15 للامام والخلف

   ملاحظة أخيرة:

   الارقام هذي ثابتة مع جميع التواير والرنجات .. لاني انا اتكلم عن ضغط الهواء اللي هو الـ psi وليس كمية الهواء

   وتقبلو تحياتي

   اخوي بخصوص ضغط التواير, الافضل انك ما تنزله عن 35 psi في الشارع
   لان الضغط المنخفض يقلل عمر التواير.. وارشادات الضغط موجوده في لزقه موجوده في اكثر السيارات
   ومكانها عند باب السائق…

Comments are closed.