اخواني واخواتي السلام عليكم حبيت اطرح لكم موضوع جامد جدا” وهو حقيقه عن السيارات الامريكيه واتحدا ان يكون هناك احد معارض على كلامي. اولا” دائما” نسمع ان السيارت الامريكيه مختلفه عن السيارات الخليجيه وانها ليست جيده للاستعمال في الخليج. وان هناك نقص في السيارات الوارده من امريكا مقارنه بالسيارات الخليجيه .انا اسف هذا الكلام غير صحيح وغير منطقي وخصوصا بعد ان جئت انا شخصيا في ولاية كاليفورنيا وولاية اريزونا وولاية تكساس واكتشفت هذا :
1: الجو والله نفس الجو نفس الحر ونفس البرد يعني السياره تمشي عندنا في الخليج
2: السياره فيها مواصفات اكثر من السياره الخليجيه من ناحيه القوه والمزايا يعني السيارة الامريكيه تسبق السياره الخليجيه وفيها اشياء اضافيه .وهذا له ثمن غير محسوب من قيمة السياره !
3: السياره سعرها ارخص من السياره الخليجيه والسبب ما عندهم احتكار نفس عندنا مثلا” ابا لكزس هنا في امريكا 20 الف وكالة لكزس مب الفطيم وبهوان وبس وسبب الرخص الاقتصاد الامريكي نازل في الوقت الحالي يعني فرصه الشراء الحين
4: السياره المستعمله تكون حالتها نظيفه جدا”من حالة السيارة المستعمله في الخليج لا ويوم تيي اتبيع ايقولك راعي المعرض هاذي مب خليجيه وانا شو ابا السيارة الخليجيه المكسره على السيارة الامريكيه النظيفه
والله يا جماعه موضوع شيق لان تكتشف فيه التلاعب من اهل المعارض وخصوصا” من ناس غير مثقفين وظيفتهم في الحياة التلاعب بعقول الناس وسلب اموالهم على العموم انا عارض الموضوع لان هناك سبب وجيه يجعلني اعرض هذا الموضوع وهو ان الاقتصاد الامريكي في الحطيط وانا اقووول لاي واحد يبغي يشتري سياره سواء مستعمله او جديده اشتر سيارتك من امريكا والله انك ما بتندم ابدا” نصيحه مني لاخواني واخواتي اعضاء المنتدى .كل شي حلو وممتاز في السعر والمواصفات وقوة تحمل السياره للطقس وتضاريس الخليج بس المشكله هل تستطيع ان تصبر شهر لين توصل سيارتك ؟ اذا نعم اذا” امريكا لانها فرصه الكل مديون ويبغي يبيع . انا طالب في امريكا ادرس تجارة وحبيت افيدكم في هالموضوع اخوكم الياسي
والله موضوع ولا اروع يالياسي
******* يستاهل التثبيت*******
يسلم كل من دخل وكتب وشاركنا وحتى الي يطالع بس ومشكورين يا اخواني . للذيب الي طلب مني سياره من 98 الى 2000 ممنوع السياره تدخل البلاد لازم اتكون 2003 وما فوق .وبالنسبة لخط العين والله فكرة حلوة
سلمتوا يا اخواني … والله يوفجكم في هذا النقاش الرائع ..
متابع للموضوع …
تسلم أخوي الياسي على طرحك للموضوع
وانا رايي من رايك فالسيارات الأمريكيه من ناحية القوة والمتانه والسيفتي ومن كل النواحي ,, لكن المشكله كلام الناس ومثل ما تفضلت انه لو تسمع كلام الناس ما بتوصل لنتيجة أبداً.. الحين لو ظهرت لك سياره امريكيه من الوكاله الناس بتذمك : ليش خذت امريكي,, وانته ماعندك سالفه ,, وباجر سعره يطيح ,, وسامانه ناار ,,
المشكله انه اللي يقولك هالكلام هو بروحه مب عارف شو معنى امريكي ومب شايف المواصفات ..
انا عندي ارمادا موديل 2007 والحمدلله ماشيه وماتشكيت من شي لكن تعامل السيرفس هو اللي بيخليني ابيع السياره واحول على وكاله ثانيه ,, شهر 3 اللي طاف دخلت سيارتي التجييك على 25000 الف كيلومتر ,,بدلوا الآيل والفلتر وخليتهم يبدلون لي البطاريه لنها كانت مفظيه عالآخر مع العلم انها ما كملت سنه “وهذا عيب الوكاله طبعا فاختيارهم للبطاريات” ودفعت بس للتجييك من غير البطاريه لنها تحت الضمان وركبولي بطارية يديده والحمدلله مشت الأمور,, وفالآخر اكتشفت انه البطاريه اليديده اللي ركبوها طلعت مب للأرمادا ولا للنيسان بترول بل هي للألتيما او ماشابه لنه قوتها 60 بس وما تنفع للثمانيه سلندروالمفروض تكون 80 وانا اللي تبهدلت من ورا هالشي وان شاء الله راح اكتب فيهم تقرير ..
والسموحه منكم
الله يوفقك في دراستك ونا قبلك كن هناك وخلصت الحمد لله
السيارات الامريكيه ماعليهن كلام وانا اركب المكاين الامريكيه على النياسين