اخواني واخواتي السلام عليكم حبيت اطرح لكم موضوع جامد جدا” وهو حقيقه عن السيارات الامريكيه واتحدا ان يكون هناك احد معارض على كلامي. اولا” دائما” نسمع ان السيارت الامريكيه مختلفه عن السيارات الخليجيه وانها ليست جيده للاستعمال في الخليج. وان هناك نقص في السيارات الوارده من امريكا مقارنه بالسيارات الخليجيه .انا اسف هذا الكلام غير صحيح وغير منطقي وخصوصا بعد ان جئت انا شخصيا في ولاية كاليفورنيا وولاية اريزونا وولاية تكساس واكتشفت هذا :
1: الجو والله نفس الجو نفس الحر ونفس البرد يعني السياره تمشي عندنا في الخليج
2: السياره فيها مواصفات اكثر من السياره الخليجيه من ناحيه القوه والمزايا يعني السيارة الامريكيه تسبق السياره الخليجيه وفيها اشياء اضافيه .وهذا له ثمن غير محسوب من قيمة السياره !
3: السياره سعرها ارخص من السياره الخليجيه والسبب ما عندهم احتكار نفس عندنا مثلا” ابا لكزس هنا في امريكا 20 الف وكالة لكزس مب الفطيم وبهوان وبس وسبب الرخص الاقتصاد الامريكي نازل في الوقت الحالي يعني فرصه الشراء الحين
4: السياره المستعمله تكون حالتها نظيفه جدا”من حالة السيارة المستعمله في الخليج لا ويوم تيي اتبيع ايقولك راعي المعرض هاذي مب خليجيه وانا شو ابا السيارة الخليجيه المكسره على السيارة الامريكيه النظيفه
والله يا جماعه موضوع شيق لان تكتشف فيه التلاعب من اهل المعارض وخصوصا” من ناس غير مثقفين وظيفتهم في الحياة التلاعب بعقول الناس وسلب اموالهم على العموم انا عارض الموضوع لان هناك سبب وجيه يجعلني اعرض هذا الموضوع وهو ان الاقتصاد الامريكي في الحطيط وانا اقووول لاي واحد يبغي يشتري سياره سواء مستعمله او جديده اشتر سيارتك من امريكا والله انك ما بتندم ابدا” نصيحه مني لاخواني واخواتي اعضاء المنتدى .كل شي حلو وممتاز في السعر والمواصفات وقوة تحمل السياره للطقس وتضاريس الخليج بس المشكله هل تستطيع ان تصبر شهر لين توصل سيارتك ؟ اذا نعم اذا” امريكا لانها فرصه الكل مديون ويبغي يبيع . انا طالب في امريكا ادرس تجارة وحبيت افيدكم في هالموضوع اخوكم الياسي
الطاهر كلامك ما يزعل ولا يحتاي انك تستسمح يا خوي انا اقصد ان المواطن احق بجميع اشكال النشاطات الي في بلادنا ومافي مشكله اذا الوافدين يعملون لدينا كموظفين وافكارهم اتكون لنا وليس علينا وان خير البلد ايتم فيه مب يصدر الا خارج الدوله اعطيك مثال بسيط تعرف ان نص ميزانية الدوله يذهب الى ايران والهند نص ميزانية الدوله على العموم ارائك و وجهة نظرك مهمه ومقبوله وانا اسف اذا كلامي كان جارح ولاكن الحقيقه ان خير البلد للوافدين وليس للمواطنين انا شفت زلامات في امريكا في مزادات السيارات يشترون كميات هائلة من السيارات ويصدرونهن الى الامارات ويظربون فوائد كبيره على المواطنين لان اغلب الناس تشتري من المعارض وهذا الشي يزعل ليش ما يكونون اولاد البلد هم الي يشترون ويصدرون ويبيعون ليش مش ابن البلد هو صاحب الكفتيريا والبقاله والصيدليه وكل شي والوافد مجرد موظف او عامل بخبرته وذكائه يتقاضى راتب مع نسبه بيكون احسن لا في غلاء في الاسعار ولا في تحويل مبالغ خياليه الى خارج الدولة لدول اخرى هذه وجهة نظري
السلام عليكم
اخوي موضوعك رائع و كلامك ذهب و انا كان لي مرور ايجابي سابق بمضوعك و الحين اضم صوتي لصوتك بان نبدأ نتاجر و نسوي نشاطات لانة فعلا بفضل من الله ومن ثم الشيخ خليفه الله يطول في عمره ويخليه ان المواطن الاماراتي اغنى مواطن في العالم و نبغي نحافظ على هالشي و فعلا ان خير الشعوب الشعوب المتعلمة
ولكن اخوي هذا ليس لة علاقة بالزلمات و الوافدين يعني اقصد ان الوافد قد يكون تاجر و قد يكون في اغلب الاحيان مستهلك و في الحالتين يخدم المواطن لانة اذا تاجر و استورد اي بضاعة يخدم المستهلك المواطن وغيره و اذا كان مستهلك يخدم التاجر كذلك المواطن وغيرة
كذلك اخوي للعلم فقط ان جميع وكلاء السيارات يملكها مواطنين و 70% الى 80% من تجار منطقة العوير مواطنين
اعتقد اخوي انك خرجت بعض الشيئ عن موضوعك الرائع المطروح للنقاش
هذا رأي و السموحة
انا كنت عايش بامريكا لمدة 5 سنوات تقريبا…طبيعة سواقة وثقافة الامريكان تختلف عنا بشكل كبير. استخدام السيارة تكون عند الحاجة فقط نظرا لارتفاع تكاليف البترول وسواقتهم هادية والاهم من ذلك تصليح السيارات تكون بحرفية عالية..تجد السيارة عمرها اكثر من 10 سنوات ولكن نظافتها يمكن انظف عن سيارة خليجية عمرها سنتين فقط.
وتمتاز المواصفات الامريكية بجميع السيارات بصفة الامان الاضافي..وضع دعامات الامان في الابواب و airbag من المواصفات الامريكية الاجبارية حتى لو كانت كورولا!
على فكرة السيارات ذات المواصفات الخليجية لا تسجل بامريكا بسبب ضعف مواصفات الامان بها، لانها لا توجد بها دعامات الامان في الابواب..
اذكر احد الاصدقاء استورد سيارته مرسيدس الى امريكا..سمحوا له بابقاءها لمدة 6 اشهر ومن ثم عليه تسفيره من امريكا بسبب عدم ملاءمتها للمواصفات الامريكية.
السلام عليكم
انا جربت الوارد والخليجي واكتشفت ان السرعة بين الخليجي والوارد فرق من 10الى15 كم في عداد السرعة في الوارد السرعة 100% مع الgps
والخليجي اكثر من ال Gps
هلا اخوي block103 السياره الخليجيه والامريكيه نفس الشي بالظبط الا في الامريكيه فيها مواصفات زياده على العموم طريقة الدفع حول قيمة السيارة وانا بشتريها لك وبطرشها