اخواني واخواتي السلام عليكم حبيت اطرح لكم موضوع جامد جدا” وهو حقيقه عن السيارات الامريكيه واتحدا ان يكون هناك احد معارض على كلامي. اولا” دائما” نسمع ان السيارت الامريكيه مختلفه عن السيارات الخليجيه وانها ليست جيده للاستعمال في الخليج. وان هناك نقص في السيارات الوارده من امريكا مقارنه بالسيارات الخليجيه .انا اسف هذا الكلام غير صحيح وغير منطقي وخصوصا بعد ان جئت انا شخصيا في ولاية كاليفورنيا وولاية اريزونا وولاية تكساس واكتشفت هذا :
1: الجو والله نفس الجو نفس الحر ونفس البرد يعني السياره تمشي عندنا في الخليج
2: السياره فيها مواصفات اكثر من السياره الخليجيه من ناحيه القوه والمزايا يعني السيارة الامريكيه تسبق السياره الخليجيه وفيها اشياء اضافيه .وهذا له ثمن غير محسوب من قيمة السياره !
3: السياره سعرها ارخص من السياره الخليجيه والسبب ما عندهم احتكار نفس عندنا مثلا” ابا لكزس هنا في امريكا 20 الف وكالة لكزس مب الفطيم وبهوان وبس وسبب الرخص الاقتصاد الامريكي نازل في الوقت الحالي يعني فرصه الشراء الحين
4: السياره المستعمله تكون حالتها نظيفه جدا”من حالة السيارة المستعمله في الخليج لا ويوم تيي اتبيع ايقولك راعي المعرض هاذي مب خليجيه وانا شو ابا السيارة الخليجيه المكسره على السيارة الامريكيه النظيفه
والله يا جماعه موضوع شيق لان تكتشف فيه التلاعب من اهل المعارض وخصوصا” من ناس غير مثقفين وظيفتهم في الحياة التلاعب بعقول الناس وسلب اموالهم على العموم انا عارض الموضوع لان هناك سبب وجيه يجعلني اعرض هذا الموضوع وهو ان الاقتصاد الامريكي في الحطيط وانا اقووول لاي واحد يبغي يشتري سياره سواء مستعمله او جديده اشتر سيارتك من امريكا والله انك ما بتندم ابدا” نصيحه مني لاخواني واخواتي اعضاء المنتدى .كل شي حلو وممتاز في السعر والمواصفات وقوة تحمل السياره للطقس وتضاريس الخليج بس المشكله هل تستطيع ان تصبر شهر لين توصل سيارتك ؟ اذا نعم اذا” امريكا لانها فرصه الكل مديون ويبغي يبيع . انا طالب في امريكا ادرس تجارة وحبيت افيدكم في هالموضوع اخوكم الياسي
السيايير الي عندنا سياكل بالنسبه للسيايير الامريكيه
وطبعآ كل دولة تطلب المواصفات الي تباها ،، و وكلائنا و موردينا الله يسامحهم فاهمين الموضوع غلط طالبين سعر خيالي بدل المواصفات
وبالنسبه لـ كيف تعرف اذا السياره غرقانة ولا لا .؟
شوف ملابسها اذا مبللة ولا لا هههه
دعابة دعابة
اخويه الي قبلي ما قصر
والسموحة
اول شي مشكوؤوؤر ياخوي على الموضوع .. وزين انه فيه ناس تفهم ولله الحمد
وممكن انا اجاوب وارد عليك يالغالي ..؟؟!!
اول شي من تقرير الكارفاكس .. او ضمير البايع لو كان عنده ضمير اصلا ..
ثاني شي من صبغة السياره بتلقاها منفخه على الاطراف خاصه في حواف الابواب وحواف الدبه والبونيت
وعندك بعد شي .. افتح الدبه وارفع الغطا وجوف السبير والي حواليه .. بتلقى اثار ماي .. او طييين
ومنها تعرف انها غرقاااانه ..
وبعد عندك في زوايا السياره تلقى الطين متجمع ويااابس من تضرب البدي شوي خام يخر رمل وغبره هههههه
وعندك الي تكون غرقانه جوف الشاشه الصفره مال المسجل .. مستحيل تلقى الارقام شغاله عدل ( الديجيتال يعني ) بتشوفها ناقصه ومختربه .. و ودها اي مكان بيقولك لازم تتبدل لانه الظاهر ياها ماي
وجوف توصيلات السياره عند المكينه والكشافات لو فيها والليتات بتلقى الطين متجمع فيهاا بعد ..
وعندك بوكسات الفيوزات عند المكينه والي تحت الستيرنج بعد بتلقى الطين متجمع فيها ..
وان شاء الله تكون هذه اشياء فادتك يارب ..
والسموحه ع الاطاله ..
موفق بإذن الله … لك مني أجمل تحية .
شكرا على هذا الموضوع المفيد جداً
سؤال كيف تعرف اذا كانت السياره flod??!!!!!!غرقانه؟
شكرا
أخواني السلام عليكم ورحمة الله وبركاته
أخوكم جديد في المنتدى ويشرفني الانضام لكم وبصراحه لفت نظري الموضوع وأخوكم في السعودية عايش وبالتحديد في مدينة الرياض حيث أنني اشتريت قبل 6 أشهر تقريبا سيارة كامري موديل 2006 استخدام أمريكي وارد من دبي وحصلت لدي مشكلة في رديتور الماء حق السيارة وللأسف بحثت تقريبا في جميع أنحاء المملكة ولم أجده وطبعا يختلف عن الرديتور للكامري الخليجي وكذلك سير الماكينة وفحمات البريك الأمامية والمرآه الجانبية للراكب علماً بأن لونها أبيض وأرجو ممن يستطيع مساعدتي وأنا بصراحه لا أستطيع الذهاب للإمارات لإحضار هذه القطع ولأنني متأكد أنها موجوده هناك آمل منكم مساعدتي ولو بإرسالها للسعودية بعد الاتفاق على الأسعار علما بأن غطاء الرديتر مكتوب عليها هذه الأرقام OHO10 AA4422000-2941 ولأي استفسارعن رقم الشاصيه أو أي معلومات أخرى آمل منكم التواصل معي على الإيميل mmmsss1981@hotmail.com ولكم مني جزيل الشكر علما بأن السيارة متوقفه تماما عن العمل بانتظار هذه القطع. لاحرمكم الله الأجر