في يوم من الأيام ونحن يالسين في الصالة دخل علينا اخويه خايس دم
من فوق لين تحت
زغنا من وين هالدم مضارب ويا منو
وخبرنا شو صار
الله يسلمكم وهو راد من الدوام صادف حادث على شارع الامارات
نزل من السياره شاف الناس متكودين عليه
والريال كان ينزف ومحد رايم يسوي شي
عاد هو ما اتحمل هالمنظر اصظر انه يشله
مع انه وايدين حذروه وانه بيتحمل مسؤولية كبيرة
قال عادي عاندهم وشله
والحمدلله وصله المستشفى وتلاحقوا عليه
وقاله الدكتور اذا شوي اتأخرتوا عليه جان بيروح فيها لانه حالته خطره
ومن هاك اليوم صارت علاقته طيبه مع اهل الولد
ولين أحين ابو الولد يشكر فيه
**************************
سؤالي,,,,
اذا كنتوا في مكانه وشفتوا حادث هل بتكونون من المتفرجين والا من المسعفين؟!
وشو رايكم في اللي سواه؟
للعلم هاي مب أول مرة يشل مصابين
شـكــ وبارك الله فيك ـــرا لك … لك مني أجمل تحية .
الله يرحمه ويغمد روحه الجنه ياربيه
آبوج مامات يوم انه ياب بنيه حشميه ^_^ الله يخليج اخوانج وعمومتج
__________________
قصدج الآتصال بشرطه يا عبق الورد ههههههههه الآسعاف ما بيدرووبج هههههههههههه بذكرج بآرقامهم الشرطه 999 ههههه الله يوفقج ياربيه
^
^
ما شاء الله عليك اخوي الريايل عندهم قوة تحمل في مثل هالمواقف يزاك الله خير ع موقفك البطولي دامك تعرف في الانقاذ
انا للاسف فاشله في مثل هالمواقف اكبر دليل انه يوم توفى ابوي من 5 شهور كنت بس يالسه اشوفه قدامي وما اعرف اسوي شي لين يا يارنا وقالي دقي للاسعاف (الله يرحمه) >>> لانه بمجرد نظره عرف انه ميت وانا كنت اهزه عبالي حيي
يزاك الله خير اخوي والله يحفظه لكم اختي راعية الموضوع