في يوم من الأيام ونحن يالسين في الصالة دخل علينا اخويه خايس دم
من فوق لين تحت
زغنا من وين هالدم مضارب ويا منو
وخبرنا شو صار
الله يسلمكم وهو راد من الدوام صادف حادث على شارع الامارات
نزل من السياره شاف الناس متكودين عليه
والريال كان ينزف ومحد رايم يسوي شي
عاد هو ما اتحمل هالمنظر اصظر انه يشله
مع انه وايدين حذروه وانه بيتحمل مسؤولية كبيرة
قال عادي عاندهم وشله
والحمدلله وصله المستشفى وتلاحقوا عليه
وقاله الدكتور اذا شوي اتأخرتوا عليه جان بيروح فيها لانه حالته خطره
ومن هاك اليوم صارت علاقته طيبه مع اهل الولد
ولين أحين ابو الولد يشكر فيه
**************************
سؤالي,,,,
اذا كنتوا في مكانه وشفتوا حادث هل بتكونون من المتفرجين والا من المسعفين؟!
وشو رايكم في اللي سواه؟
للعلم هاي مب أول مرة يشل مصابين
نصيحه مني للجميع : لاتستعجلون في هلآمور بتاتآ لانه آمكن تعرض غيرك للخطر اول ماتشوف حادث ونيتي تنقذ الشخص اذكر الله وقول بسم لله ولا حول ولا قوه وبعدين حاول بكل هدوء العجله من الندامه امكن يموت الشخص وتتلوم فيه انت بنفسك
نصيحه اذا حالته مؤسفه لاتحركه نهائيآ وبلغ الشرطه وبصوت هاددي جدآ وخبره مكان الحادث وانه في مصاب وحالته اذا كانت متوسطه ام خطيره فقط لا غير
آتمنى من كل قلبي لكم السلامه يارب وترجعون لآهليكم سالمين وغانمين
( لاتووموني رديت مرتين في نفس الموضوع لاني اذكر ايام دوامي يارببببببببببي شو كنت اعاني خخخ )
أنا بكون من المتفرجين في كل الأحوال لأني > امرأة
بس لو واحد من أهلي أكيد ما بأيد انه يسعفه لأنه يمكن يتسبب في وفاته
الاسعاف يتطلب مهارة في نقل المصاب وعلى الأقل الإلمام بأولويات الاسعاف
كل اللي نقدر نسويه هو الاتصال بالاسعاف ..
لكن اخوج يزاه الله خير والله يجعله في ميزان حسناته ..
جزاه الله كل خير … لا بروح عنهم مابكون من المتفرجين بس بشوف حولي ع السريع أذا شفت حد يتصل تراني بروح
وأذا انا كنت اول الناس والحادث جدامي بتطمن عليه أذا بخير بتصل في الشرطه وبخبرهم واذا مب بخير بعد بتصل فيهم
وبخليهم يستعيلووون (( يعني بعطيه تقرير كامل عن اللي سوا الحادث هل هو بخير ولا لاء وأذا الحادث بليغ ولا لاء ))
ودمتم سالمين (^________________^)
الله يجزي آخوج آلف خير
بنسبه للحوادث من الآحسن انه مايشله بصراحه بس في اوقات تقهر الآنسان وهو يشوووف ادم يسل جدامه لان في حوادث يكون فيها انسان مصاب واذا حركته بطريقه غلط امكن يموت بآسرع وقت
وفي النهايه الله يجزي اخوج كل الآجر آنقذ حياة شخص بعد لله سبحانه
ملاحظه : آخوكم كان منقذ في الآسعاف والآنقاذ لمدة 5 سنوات وطلعت من هلوضيف لاني لا ارقد شرات الخلق ولا اكل مثلم
لاكن عسى ربي يآجرني على الي كنت اسوويه واليوم اي حادث اشوفه لازم انيه اووقف لان الخبره الحمد لله موجوده
اتمنى انه ردي يكفي ويووفي
الله يجزيه الخير، ان شاء الله يكون كله في ميزان حسنااااااااااااااااااااته
واذا انا كنت معاااااااااااااااااهم اكيد بدون تردد بكون من المسعفين يالغاليه
__________________