حراااااااااااام ماقبلوني للشغل

47 thoughts on “حراااااااااااام ماقبلوني للشغل”

1. اللة يعينك اخوي dxb_ae

   انا كل يوم تتكرر جدامي نفس الماساة اتصل في المواطنين تعالو عندكم انترفيو و عقب ماتسويلهم مديرتي الساحرة الانترفيو تقولي call them and tell them they are rejected!
   بكل بساطة و يستخدمون اسباب سخيفة : متين, خسف, لبسة مب مرتب, ماعدنا شاغر و انا اعرف انة عندهم شاغر بس حق الوافدين.

   انا اول ما تخرجت سويت مقابلة في شركة خاصة في دبي و اوني مستانسة هاي شركة عودة تبا ناشونالز جان تقولي الفلبينية الي تسوي المقابلة كم تبين راتب؟ كنت مستحية و توني متخرجة من الجامعة قلت ما بطلب وايد قلتلها 8000 جان تقولي نحن مانعطي المواطنين ها راتب we will offer you 3000? t”7ayloo felbeenyah tgoolee bash’3lech fe bladech b 3000 mob 7aram!
   hatha o ana razah kel eshahdat ele 3endee o edawraat o 3endee shahdah jam3yah mn bara3 chee tgooly lo kent mob mkamlah dersah b kam batsh’3lnee b 500??

   و للعلم هاي شركة معروفة في دبي وكل يوم يسون اعلانات يبون مواطنين اونة

2. إتصل فيني مركز الفطيم للتدريب والتطوير وقالولي عندك مقابلة ييب وياك

   6 صورة شخصية مب 4 أو 2 لااااااا 6

   وصورة الجواز وصورة شهادة الميلاد وصورة …الخ

   سرت المقابلة قالولي نحن من دبي فيستفال وعندنا شواغر قتلهم شو الشواغر

   قالوا سكيورتي عشان إنته ماتعرف إنجليزي وايد والداوم شفتات مسا وصبح

   من 8:30 لين 5:30 ومن 5:30 لين 12:30 فليل والدوام 6 تيام في الإسبوع

   وياهم يوم الجمعة قتلهم وإنزين الراتب قالوا 4 تالاف خلال فترة التدريب التدريب

   طبعا 6 شهور وعقب فترة التدريب بيزيد 13% أو 8% ، أنا كنت متردد للوظيفة

   حتى هم قالولي عندك من يومين لثلاث تيام تفكر وسر شوف المول إسمه وتر

   فرونت في دبي فيستفال سرت شفت المكان طبعا قبل ماتخذ قراري بالقبول

   شفت المكان وايد مناسب وقريب من سكني إتصلت اليوم الثاني قتلهم موافق

   والمكان مناسب قالولي المسئوله بتتصل فيك عقب عقب ماتريتهم إسبوع

   إتصلوا فيني اليوم وقالوا ماقبلوك قتلهم السبب قالوا no English قتلهم إنزين

   قالولي مايبون أنجليزي جان تقولي ترية شوي حطت سماعة التلفون ويلست تقول لربيعتها

   شو هذا فضحتونا ويالأوادم عقب قالت لي مكتوب على الورقة جذه no English ،

   أنا اللي أبا أعرفه ليش كل هاي الشعارات اللي حاطينها في مركزهم المواطن أولا

   يعني حتى وظيفة سكيورتي ( ناطور ) وماقبلوني وأنا عندي ثانوية عامة ونسبتي 80% الله كريم

   اخوي هذه اتسميها وظيفه. زين انهم ما قبلوك ولا ورطت نفسك وياهم.
   وظيفة السكيوريتي مالها قيمه في بلادنا هي والفراش واحد لاشخصيه ولا تلبي طموحك.

   وانت حاول مكان ثاني وان شالله بتحصل وظيف افضل مليون مره.

3. ياخوي 80 في المائة وما تعرف انكليزي ؟؟!!!!

   عادي ماقالك 100% يمكن السبب انه ماياب اكثر من 80% بسبب اللغه الانجليزيه.

4. اخوي سجل في جمارك دبي او بوظبي ترا راوتبهم توووووب يبون ثانويه ونسبه زينه

5. المشكلة اذا تكلمت بغلط على كثيرين وما بفرق لاني انسان عصبي ووطنيتي زايدة . فاحسن شي اني اسكت واقرا تعليقات باقي الاعضاء . لاني اذا تكلمت بيقفلون الموضوع او بيحذفونه والسبب انا . حرام . فخل الناس تتكلم وتقول اللي في قلبها وفي خاطرها قبل لا ينفجرون .

Comments are closed.