السلام عليكم ورحمة الله وبركاته ،، بعد غياب لاكثر من يوم اعتذر عنه بسبب اوضاع السوق الواضحه جدا بالتذبذب الصريح ،، واللي هو فقط فرصة للمضاربين المحترفين ،، ولا كان في سهم واضح وامن غير ديار ،، والحمدلله الكل خذ نصيبه منه والتوصيات كانت من السبعينات ،، ولازلت اكرر التوصية كتجميع منظم وبكميات متزنه ومعقوله ،،
نمر اليوم مرور مختصر على بعض اهم الاسهم ،، في السوقين ان شاء الله ،، على ان نعود لنفس اسلوب الموضوع بعد تداولات الاحد ،، واتمنى ان كان فيه ملاحظات على الموضوع من قبلكم اخواني ما تبخلون علي سواء سلبية او ايجابية ،، وتاكدوا ان الادارة متابعة بشكل يومي للموضوع وهذا شرف كبير لي ،،
ملاحظه : قبل البداية هناك فرق يجب تمييزه جيدا ،، ان هناك نقاط مقاومة ونقاط دعم ،، ولكن هناك ايضا نقاط تستى نقاط ” شراء ” ونقاط ” بيع ” وبنظري هناك فرق اتمنى ان يكون واضح !
اعمار : اغلق السهم يوم الخميس ،، على سعر اكثر من رائع ( 13.90 ) وهي اعلى من ثلاث مقاومات ” ورتنا الويل في اخر اسبوعين ” وهي على التوالي 13.50 ،، 13.75 ،، 13.85
السهم يوم الاحد عليه اختبار المقاومة ( النفسية 14 ) ثم المقاومة الفنية وهي بصراحه اراها نطاق يبدأ من 14 وحتى 14.20 ،، الخروج اعلى منها في اول اول ساعة والبقاء اعلى من 14.20 نستطيع القول بأننا مقبلون على عودة الحياة لإعمار ،، ان شاء الله ،، ( رغم انها عادت نسبيا بعد مرض 13.10 ) !!
اخيرا بالنسبة لاعمار رحلة الهبوط ( لاقدر الله ) فهي معروفة ،، ومللنا منها طوال الاسبوعين الماضيين تقريبا ،، ونذكر للمرة العاشرة بعد المائة ،، واويح نفسي لو كسرنا 13.10 !!
املاك ،، يقف على دعم 4.60 ،، لديه مقاومة اولية اعتقد انه قادر على تجربتها مع افتتاح يوم الاحد وهي 4.72 وحدودها حتى الرقم 4.75 ،، تجاوزه يؤهلنا مباشرة ان شاء الله للرقم 4.88 وقد سقط من عنده السهم اكثر من مره ،،وللعلم هناك مطبات كثيرة سنراها حتى نصل للرقم 5.20 بوجهة نظري المقاومة الاصعب التي بعدها سنفكر ويحق لنا وبقوة في الرقم 6 !!
الهبوط ايضا معروفه مراحله ومسيرته ،، ونقطة الشراء في مناطق 4.50 و 4.45 اسفل منها لا قدر الله قد تعيدنا للوراء كثيرا ،،
اياك ،، تسير على نهج امها ” الغوله ” املاك ،، واي استفسار انا حاضر ،،
الملاحة ،، لديها مقاومة عنيده نوعا ما تحتاج لسيولة وتدفق اعلى من المتوسط لاختراقها وهي 1.78 التغلب عليها يؤهلنا للنقطة 1.82 ثم مقاومة القمة التاريخية ،، 1.84 ،،
ملاحظه : السهم فقد جزء من سيولته لصالح العربية للطيران ،، يرجى مراجعة تداولات الاسبوع الماضي والانتباه لحجم التداولات حيث كانت الملاحة اقوى من العربية ” نسبيا ” ،، ولكن ما دامت الحجوم اعلى من 100 مليون فالامر جيد جدا ،،
دبي الاسلامي ،، تخلص من عقدة 10,55 ،، وحاليا ارى انه عند عنق الزجاجه ،، الاغلاق جيد 10.75 امامه حاليا نطاق مقاومة قوي جدا حتى يصل الى بر الامان ( 11 ) وما فوق ،، وارى انه لابد ان يصل اعلى من 11.20 حتى يكون الامان والاطمئنان اكثر ،،
ديار ،، نجمة الاسابيع الماضية ،، هي ماضية في طريقها للثبات اعلى من 3 ،، بطبيعة الحال وبناء على الاغلاق الجيد سنجرب الاحد الرقم 3 والمقاومات هنا كثيرة ولكن كلمة السر باختصار ( الوصول الى القمة التاريخية 3.08 قبل نهاية الساعة الاولى من التداول تعني الاحتفاظ بالسهم وبقوة !! )
اخيرا ،، سهم السوق ،، سهم العجائب والغرايب فمن يتوقع ان يصل السهم من اقل من درهمين منذ اقل من عام ،، الى 7 دراهم !! اعجوبة حقا ! ،،
نقاط الشراء اسفل من 6.85 ممتاز جدا جدا ،، الخروج قبل 7 دراهم للمضارب ،، اما في حال اخترق 7 في بداية التداولات تبشر بمواصلة رحلة ” الهبل ” !!
سنعود ان شاء الله لمتابعة اهم اسهم سوق أبوظبي ،،
الله يجزيكم خير اخواني فيصل وبوخليفه ويوسف وعلوش ،، وصدقوني كل اللي اكتبه هو اللي اوصي فيه نفسي وباقي الاخوة من المقربين لي ،، لعني الخطأ لو حصل مني تراه بيضرني اولكم ،، والحمدلله على كل حال ،،
اخوي بو خليفه خلني اشوف تداول باجر على راك ودانه وبعدها ” احتمال كبير ” اقولك ان التاجر وصل بالسلامه والحقه جان تروم !!
====
نلحق على رؤية سوق دبي دام الاخوة حاضرين اكثر من 44 متواجد حاليا ،، واتمنى اني ما اكون تاخرت عليهم ،، وبنحاول نكتب بسرعه لاجل تعم الفايده ،، ( مع العلم ان البنت بدأت بالبكاء من جديد !! اللهم صبرها ،، اللهم صبرها ،، اللهم صبرها ) ولاحول ولاقوة الا بالله ،،
====
المؤشر العام هو اخطر شيء في سوق دبي ،، اما بالنسبة للاسهم منفرده فبصراحه لا ارى اي شيء مقلق في اي سهم ،، حتى سهم ” دو ” ،، صاحب اللغز الكبير اليوم ،، وسنبدأ به بعد المؤشر العام ،،
المؤشر العام غدا سيواجه نقطة مقاومة قوية ولا اريد تهويلها وتكبير تأثيرها ،، بالعكس هي نقطة مقاومة محترمه نعم ولابد ان نحذر منها نعم ولكن لا نعطيها اكبر من حجمها فكم من مقاومة اخترقناها ” ودسنا فوق راسها ” وما بالنقطة 5000 ببعيده !! وتذكرون كلكم موضوع اخونا بروكر محترف من شهر تقريبا ،،
باختصار بقولها جمله واتمنى الهوامير ما يقرونها ( او اتباع واذيال الهوامير ) ،، وهاي الكلمة بالذات للي ربحان وداخل الخميس او اليوم ( بيع قبل لا يجبرونك تبيع ) !! واضحه ؟
والله جان اخترقنا 5550 ووصلنا للساعه 12 ونص عند هالنقطة او اعلى منها بشوي او ادنى منها بشوي فما عليكم شر ومع افتتاح الخميس بتلقونها مثل الشوربة !! وجان حدث عندها جني ارباح يسلم راس صانع السوق ويعطيه الف عافيه ،،
واضحه ؟
سهم ” دو ” ،، السهم لا زال ايجابي ،، ولحد يفج عيونه ،، نعم ايجابي وبنسبة 100% ( بشرط طبعا احترام اعمار والمؤشر العام لان السهم ما يملك القوة الكافية للطيران بالطريقة الجميلة اللي شنفاها اليوم اذا عكس السوق مساره ،،
بالتالي جدامنا باجر نقطة 5.55 وحدودها ،، البقاء اعلى منها ياهلنا مباشرة للرقم 5.75 وحدودها ،، وهاي اصعب مقاومة في طريق السهم للرقم 6 ،،
اي كسر للنقطة 5.20 اعتبره سلبي ونهاية مؤقتة للحفلة ،، ( واتمنى هنا الهدوء في البيع ارجوكم ،، يعني مب تشوفونه 5.20 وتبيعيون ماركت هروله ؟ فتلقون نفسكم بايعين على 5.10 والا 5.05 ومن عندها يرتد السهم لين مقاومة 5.30 – 5.35 للتصريف !! فارجوكم انتبهوا واعتقد صارت اكثر من 100 مرة ويا كل واحد فينا ،،
سهم اعمار ،، اختراق 12.85 في بداية السوق والصعود اعلى منها يعني مباشرة الرقم 13.10 ان شاء الله الكريم ،، بعدها 13.25 والمقاومة الاصعب 13.50 ( تذكرونها كيف كانت دعم ؟ )
كسر اعمار للدعم 12.70 سيء ،، والاسوأ 12.40 ارجو عدم كسرها ،، لان السقوط بيكون حر لغاية 12.05 ،، على الاقل ،،
العربية للطيران ،، الهدف ان شاء الله ( مع الاغلاق الاكثر من رائع اليوم ) هو 1.97 ( المقاومات في طريق الدرهمين كثيرة وتوقع اي رقم يتحول لمقاومة ) هبوط السهم عن 1.84 سلبي جدا ،،
املاك ( كانت اكثر حورية رشيقة في السوق ومن عقب ما قامت تتعشى مندي وترقد صارت اثقل من دم شارون ) بالتالي جدامها مقاومات ” عد وخربط ” الاولى ربما تكون سهله 4.40 يتخطاها ان شاء الله والاصعب 4.50 ،، تجاوز هاي الاخيرة يؤهلنا مباشرة للرقم 4.63 ( الهبوط عن 4.20 كارثة بيئية للمضارب ) بالمناسبة املاك ما تملك اي شخصية تذكر امام اعمار ،، نهائيا ،، يعني لو ما يحللونها المحللين يسوون خير ،،
اياك ،، الهدف الاول ذكرناه 3.50 وهو وارد جدا مع خمس دقايق افتتاح في السوق ان شاء الله ،، بعدها نبدأ مقاومات 3.65 و 3.71 ونفس الكلام ينطبق عليها من ناحية التحليل ( رغم اني لاحظت قوة في السهم من زمان ما شفناها ) ،، يعني اياك ايجابيتها اكبر من املاك حاليا ،،
اخيرا تمويل ،، تصدرت مؤخرا قائمةى الاكثر ” هبلا ” بين اسهم سوق دبي ،، مرة حمرا دم ومره قائدة للسوق !! باجر ما استبعد الرقم 7.30 كهدف أول ان شاء الله وبعدها جايز جدا كل شيء يصير لذلك امتنع عن التعليق حاليا ونتركها لباجر ،، ( في ودي اقول اي رقم خطر لها كسره ،، لكن المشكلة انها ما تعترف بأي دعم ولا اي مقاومة في الاونة الاخيره ) ما اعرف شو ممكن يكون عليها من اخبار !!
تحياتي للجميع واعتذر على الاطالة ،، حاولت بقدر الامكان الطباعة بسرعه لاجل الفايده ،، الله يوفقكم ،،
ما عاش الي يزعل حبيبنا عزيز ….. يا جماعة بااااااااجر بإذن الله اخضر غاااااااااااااامق .
مجهود رائع جدا اخوي عزيز ( ألقلب النابض في المنتدى )
الظاهر نهاية الاسبع راح يكون شاق جدا واعدكم امر على جميع الاسهم في السوقين واي سهم ايجابي نحدد له نقاط الدخول الخروج …. تستاهلون … ما اصيكم على اخوي عزيز تراه عزيز علينا ما نبي احد يعزل الريال وراه زواج …..دعواتكم الطيبه لاخوي عزيز
الله يسعدك يهنيك ويرزقك الولد الصالح … آمين
بارك الله فيك عزيز سير الى الامام ولا تلتفت للخلف (القافله؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟)
التاجر الي رفع اركان 5 ايام لمت اب مر اشوي صوب راس الخيمه العقاريه بس 3 ايام ما نبا 5 ايام
اضني التاجر من ابوظبي و المسافه بعيده اشوي يباله كم يوم ويوصل
مشكور يا عزيز و كما نقول دائما و أبدا الخبره تقتل الشارت
و رايتك بيضاء 