السلام عليكم ورحمة الله وبركاته ،، بعد غياب لاكثر من يوم اعتذر عنه بسبب اوضاع السوق الواضحه جدا بالتذبذب الصريح ،، واللي هو فقط فرصة للمضاربين المحترفين ،، ولا كان في سهم واضح وامن غير ديار ،، والحمدلله الكل خذ نصيبه منه والتوصيات كانت من السبعينات ،، ولازلت اكرر التوصية كتجميع منظم وبكميات متزنه ومعقوله ،،
نمر اليوم مرور مختصر على بعض اهم الاسهم ،، في السوقين ان شاء الله ،، على ان نعود لنفس اسلوب الموضوع بعد تداولات الاحد ،، واتمنى ان كان فيه ملاحظات على الموضوع من قبلكم اخواني ما تبخلون علي سواء سلبية او ايجابية ،، وتاكدوا ان الادارة متابعة بشكل يومي للموضوع وهذا شرف كبير لي ،،
ملاحظه : قبل البداية هناك فرق يجب تمييزه جيدا ،، ان هناك نقاط مقاومة ونقاط دعم ،، ولكن هناك ايضا نقاط تستى نقاط ” شراء ” ونقاط ” بيع ” وبنظري هناك فرق اتمنى ان يكون واضح !
اعمار : اغلق السهم يوم الخميس ،، على سعر اكثر من رائع ( 13.90 ) وهي اعلى من ثلاث مقاومات ” ورتنا الويل في اخر اسبوعين ” وهي على التوالي 13.50 ،، 13.75 ،، 13.85
السهم يوم الاحد عليه اختبار المقاومة ( النفسية 14 ) ثم المقاومة الفنية وهي بصراحه اراها نطاق يبدأ من 14 وحتى 14.20 ،، الخروج اعلى منها في اول اول ساعة والبقاء اعلى من 14.20 نستطيع القول بأننا مقبلون على عودة الحياة لإعمار ،، ان شاء الله ،، ( رغم انها عادت نسبيا بعد مرض 13.10 ) !!
اخيرا بالنسبة لاعمار رحلة الهبوط ( لاقدر الله ) فهي معروفة ،، ومللنا منها طوال الاسبوعين الماضيين تقريبا ،، ونذكر للمرة العاشرة بعد المائة ،، واويح نفسي لو كسرنا 13.10 !!
املاك ،، يقف على دعم 4.60 ،، لديه مقاومة اولية اعتقد انه قادر على تجربتها مع افتتاح يوم الاحد وهي 4.72 وحدودها حتى الرقم 4.75 ،، تجاوزه يؤهلنا مباشرة ان شاء الله للرقم 4.88 وقد سقط من عنده السهم اكثر من مره ،،وللعلم هناك مطبات كثيرة سنراها حتى نصل للرقم 5.20 بوجهة نظري المقاومة الاصعب التي بعدها سنفكر ويحق لنا وبقوة في الرقم 6 !!
الهبوط ايضا معروفه مراحله ومسيرته ،، ونقطة الشراء في مناطق 4.50 و 4.45 اسفل منها لا قدر الله قد تعيدنا للوراء كثيرا ،،
اياك ،، تسير على نهج امها ” الغوله ” املاك ،، واي استفسار انا حاضر ،،
الملاحة ،، لديها مقاومة عنيده نوعا ما تحتاج لسيولة وتدفق اعلى من المتوسط لاختراقها وهي 1.78 التغلب عليها يؤهلنا للنقطة 1.82 ثم مقاومة القمة التاريخية ،، 1.84 ،،
ملاحظه : السهم فقد جزء من سيولته لصالح العربية للطيران ،، يرجى مراجعة تداولات الاسبوع الماضي والانتباه لحجم التداولات حيث كانت الملاحة اقوى من العربية ” نسبيا ” ،، ولكن ما دامت الحجوم اعلى من 100 مليون فالامر جيد جدا ،،
دبي الاسلامي ،، تخلص من عقدة 10,55 ،، وحاليا ارى انه عند عنق الزجاجه ،، الاغلاق جيد 10.75 امامه حاليا نطاق مقاومة قوي جدا حتى يصل الى بر الامان ( 11 ) وما فوق ،، وارى انه لابد ان يصل اعلى من 11.20 حتى يكون الامان والاطمئنان اكثر ،،
ديار ،، نجمة الاسابيع الماضية ،، هي ماضية في طريقها للثبات اعلى من 3 ،، بطبيعة الحال وبناء على الاغلاق الجيد سنجرب الاحد الرقم 3 والمقاومات هنا كثيرة ولكن كلمة السر باختصار ( الوصول الى القمة التاريخية 3.08 قبل نهاية الساعة الاولى من التداول تعني الاحتفاظ بالسهم وبقوة !! )
اخيرا ،، سهم السوق ،، سهم العجائب والغرايب فمن يتوقع ان يصل السهم من اقل من درهمين منذ اقل من عام ،، الى 7 دراهم !! اعجوبة حقا ! ،،
نقاط الشراء اسفل من 6.85 ممتاز جدا جدا ،، الخروج قبل 7 دراهم للمضارب ،، اما في حال اخترق 7 في بداية التداولات تبشر بمواصلة رحلة ” الهبل ” !!
سنعود ان شاء الله لمتابعة اهم اسهم سوق أبوظبي ،،
شكرا اخت بشاير الخير والاخ بو عبد الرحمن ،، صدقوني انا بغيت اوقف هالموضوع بسبب الازعاج المتكرر من قبل ثلة قليلة من الاعضاء اللي ياعساني كتبت توصية تلقاهم في كل موضوع عقولهم كلمة تغص في حلجك ولا تقدر تكتب شي ،، عادي تلقاه في اي موضوع سواء يخصه والا ما يخصه يدخل يمدح محلل معين ،، ويعق لك كلمة ( احسن عن اللي يعطون توصيات بدون شارت ) جمله في الفترة الاخيرة صرت اقراها في اليوم خمس او ست مرات ونخبر الاخوة في الادارة لاني وعدتهم ما احتك فيهم ومع هذا ما لقيت اي تجاوب الا من قبل واحد والا اثنين من الاخوة في الادارة ،، طيب لمتى ؟؟
صدقوني استمعت لاكثر من نصيحه بإني اتجاهلهم ، ولكن كل ما تجاهلتهم يزيد الوضع ،، ومنو يقدر ياكل في صحن ملوث بالسم ولو قطره واحده فقط ؟ مهما كان هالصحن فيه ما لذ وطاب ؟؟؟
والغريب والطريف انهم يعرفون ان الشارت مب كل شي وبدال المره الف مره يخيب الشارت وينجح قارىء السوق وفوق هذا يعرفون اني انسان احترم الشارت وادرسه دراسه مستفيضه ،، ويعرفون وجربوني مئات الاعضاء والزوار بالتوصيات ونسبة الخطأ فيها ما تجاوزت 2- 5% !! ،، فليش يتصرفون هالتصرف ،، محد يعرف !!
عموما فرصة للاخوة في الادارة يقرون كلامي هذا ،، وكل الشكر لهم على مجهودهم الخرافي اللي لايمكن اغفاله اطلاقا في منتدى ” مالي ” فيه من المخاطر والدسائس والمكائد ما لا يعد ولا يحصى ،، فعسى الله يقويهم ،،
لكن اكراما لكم وقدركم فوق الراس والعين واكراما لعدد 28 عضو وزاير في الموضوع حاليا ،، حاضر ومن عيوني نعطيكم ان شاء الله رؤية مختصره ليوم الغد واسأل الله العلي القدير التوفيق فيها ،،
بنسرد بعض النقاط الهامه لمسيرة الغد ،،
– في بداية لحظات الارتداد من ايام ،، سألني احد الاخوة هل تتوقع ارتداد بوظبي ام دبي قبل ؟ فكان الجواب أبوظبي ،، واعتقد شفنا اليوم هذا على ارض الواقع بل ان بشائر الخير بدأت من بوظبي قبل دبي بمراحل ،، بالتالي ارى ان غدا نسبة المخاطره في سوق أبوظبي اصبحت اكثر من سوق دبي ( اتكلم عن نسبة ومش تأكيد ) رغم اني ملاحظ انه صانع السوق هالمره اختلف او استراتيجيته اختلفت !! ( همسه : لم تنتقل اليوم السيولة من ابوظبي الى دبي عندما ارتد دبي !! )
– سوق دبي حاليا عنده نقطة مقاومة لا يمكن اغفالها اطلاقا حتى لو كانت النية صعود لابد ان نحترم هالنقطة واللي هي ( 5550 مميز عشان اخونا سولدر
) يعني حوالي 90 نقطة ( بالنسبة لسوق دبي ولا شي ) ،، بالتالي انا ما اقول لكم بيعوا قبلها هذا شأنكم وحسب ظروف شراءكم ،، لكن على الاقل ارجوكم لا تغامرون وتشترون مهما شفتوا مغريات في السوق في بعض الاسهم ،، ارجوكم ،، على الاقل ،،
– لاحظنا بوضوح ايجابية بعض الاسهم عن الاخرى في السوقين مثل الدار وصروح وراك ودانه واغذية واركان في بوظبي ( والله كل اسهم بوظبي ايجابية كانت
يعني بوظبي الاسلامي سوبر ايجابي وحتى الواحه قليل وتلمس لمت اب ) واغذية ،، بصراحه عيني عليه بارده سوق بوظبي ،،
لكن اشوف الايجابية مستمرة في الدار وصروح ودانه وراك اكثر من غيرها ،،
لذلك بنفصل هالاسهم عن طريق المقاومات القادمة في طريقها ،،
الدار العقارية ،، اكثر الاسهم تميزا في فترة الشهرين الماضيين ،، عنده مقاومة صلبة جدا في حدود 10.75 يفضل التخفيف عندها ” بشرط ” الافتتاح اقل منها ،، بمعنى انه لابد ننتظر افتتاح السهم ونقرأ الجاب بين سعر اغلاق اليوم وافتتاح باجر ،، فاذا كان اعلى او عند 10.75 فتنتقل المقاومة تلقائيا الى 10.90 ،، اما اختراقها فالنية لا محاله القمة التاريخية الاخيرة 11.30 ،،
اي كسر للنقطة 10.25 سلبي للمضارب ويفضل الخروج والانتظار عند 9.96 كنقطة اولية للشراء الخطف مرة اخرى ،، ( اتمنى التزام الدقه للاخوة مضاربي الخطف ) ،،
– صروح ،، ابنة الدار الباره ،، وبالمناسبة لو كان سهم الدار مسكر فقط ربع ساعه قبل اغلاق السوق لمت اب 10.45 ،، لا تستبعدون وصول صروح للمت اب في ظرف دقائق ( لاحظوا بمجرد وصول الدار للمت اب طارت صروح 12 فلس واكثر في ظرف دقائق فقط ) ،،
وعليه افتتاح صروح ما راح يقل عن 7.35 ان شاء الله وامامه مقامة 7.40 ( هذا رقمي وبعدها انتو كيفكم ) ،، لكن بنظري المقاومة انتقلت نتيجة قوة السهم في اخر دقائق الى النقطة 7.50 بالتالي الخروج المناسب اشوفه بين 7.40 -7.50 ،،
لكن في حال استمرت الايجابية في السهم فما استبعد 7.70 ثم 7.95 ( طبعا مش باجر لان هالنقطة اعلى من اللمت اب ) ،،
اي كسر للاسفل للنقطة 7.08 ( قمة سابقة ) يعتبر سلبي جدا للمضارب واشارة خروج مؤقتة والانتظار للخطف عند 6.80 ،،
راك ودانه توأم لا يمكن فصلهم عن بعض ،، رغم ان دانه حاولت يوم الخميس الماضي وطارت عن راك بحوالي 5 فلوس ،، لكن راك اليوم عوضت الفرق ( راقب اعلى سعر للسهمين ،، وراقب الادنى بسهولة بتلاحظ التشابه وبتلاحظ تعويض راك للفرق مع دانه يوم الخميس ،، ،،
السهم ( اتحدث عن الاثنين ) ،، لديه مقاومة قوية عند الافتتاح تماما ( 2.09 ) تخطيها والثبات اعلى منها في اول نصف ساعه ( بحور 2.11 -2.14 ) والثبات في تلك المنطقة يجعلنا في الساعه الثانية من التداولات نقترب كثيرا من الرقم 2.18 -2.20 وهناك المقاومة الكبرى اختراقها يعني مسيرة احتفالات باللمت اب ! ( يرجى مراقبة حجم التداول في السهمين لانهم من اكثر الاسهم حساسية من ناحية الكميات ) ،،
نعود بعد قليل لاسهم سوق دبي ،، وبالتوفيق بإذن الله ،،
همسه : مواضيعي انا واسلوب شرحي ربما طويل نوعا ما ،، ولكن انا هدفي التثقيف بمعنى لو تم التوصية على شراء احب ان اوضح لماذا قلت ” اشتروا ” والعكس في وقت البيع ،، وبعض الاخوة مصرين على النغزات ” اياها ” بمقارنتي مع باقي المحللين الاكارم بقول ” خير الكلام ما قل ودل ” وانا ارفض هذه النظرية لانها كالذي يعطي سمك وليس كالذي يعطي السنارة ،، وكل قارىء للسوق او محلل له اسلوبه ،، لا نعيب ذلك الاسلوب فالمحلل يريد لكم الخير بأقصر الطرق فجزاه الله كل خير ،، ولكن كلن له اسلوبه كما ذكرت
سلام عليكم
حبيت اشكر اخوي عزيز على النصايح والتوصيات
الله يجازيك الخير ويعطيك الصحة والعافية
همسة : باجر نباك في التداولات اليومية وماعليك من العذال
نبا نصايحك الحلوة يالغالي
السلام عليكم ورحمة الله
اخ عزيز وين توصياتك.. حق الي مايقدرون يدخلون المنتدى وقت التداول؟؟؟؟؟؟؟!!!!
اسهمي المفضلة (ديار ، املاك، تمويل)
شاكرين لك جهدك الطيب..
انا هامور يدلعوني قاهرهم
اقول ماعاد ابي شي ولاراح ادخل باكر واقطعها من معرفه اقول
عطني الرقم السري حقي بخربها اذا ارتفع بشتري واذا نزل ببيع
ولا اقول شكلي بشتري بالعلالي العربية وببيعها على وولفرين من تحت لانه يحب العربيه ابي اكسبه
ولا ديار عشان المحارب
تصدق عزيز
والله السوق ممتع تدري ليش
يخليك مررررررررررررررره مبسوط وودك تسوي كل شي ومرات يخليك ترقص من ضيقت الصدر
او صح نسيت اني زعلان عليك
من قدك وصلت الديره الحين بين اهلك يعني شفت نفسك يوم انك في مصر اقولك برسلك السواق يجيبلك كشري اوكي حلو اخليك تدمن عليه ومارديت علي
كل له الله لو تخليت عني
محد يموت ياصاحبي قبل يومه
جزاك الله خير وبارك الله فيك