أول شيء أنا أعترض على حذف نكي اللي هو ae_dxb
ومابا أكتب في الخاص بكتب في العام والسبب اللي أنكتب عن ae_dxb
اذا طاح الجمل كثرت ساجينه وصدق يعني الموقف اللي صار موقف غريب فعلا والعضو اللي ماصدق
وأفتك مني أقوله هو بعد تيه حالات نفسيه ساعات وعندي دليل بس خلها مستوره
وكان المفروض في الشهر الكريم ينشل البلوك حتى ماسولي بلوك لا
النك أنحذف من جذوره من قاعدة البيانات وانا ماكنت ادري ساعتها ان شيء عضو متوفي
وحصل سوء الفهم وماصدقوا بعض الاعضاء استغلوا هذا الجانب ياما انفتحت مواضيع بشكل مشابه
ومحد قاللهم شيء اشمعنه انا يعني عادي مب مشكله النك شيء غيره وايد
أكره شيء عندي اللي يستغل زلات وهفوات غيره
حتى التسجيل موقف في المنتدى
شو السالفة حالة طوارىء !!!
واذا تبا تحذف هذا النك احذفه من جذوره بعد انا ماتهمني نكات
ولاتهمني الشهره ولاتهمني عدد المشاركات ولاتهمني المسميات
اذا عندي راي بوصله بوجودك والا بوجود غيرك والا بنكي والا بنك ثاني
همي مب لفت الانظار بس فيه ناس عندهم سلطه وبدال مايساعدون الناس وطبعا هذا سبب
منحهم الصلاحيات يقومون يسلطون على غيرهم
يضرب بسيفه عشان على كيفه
المفروض الدنيا رمضان والنفوس تهدى وانا ماشوف حد هادي
في المنتدى كل واحد يتريه الثاني يكتب كلمه عشان يعارضها
القصد من الموضوع تبرءة ذمه لا اكثر ولا اقل
وبعدين هذا المنتدى للاسف الشديد فيه بعض الحفارين مابا أكمل
زمنا هذا كثرت فيه المبررات لممارسة الظلم
رمضان كريم
أكثر الأعضاء أحتراما في المنتدى العضوات
والله مره عضوه غلطت على عضو
أنا قلت خلاص جنت على عمرها يابند يابلوك
بس الكبير شو بتسوين راقد في سابع نومه ويت مشرفه ومسحت ردها
والله لو انا كاتب هذا الكلام بتشوفون موضوع مثبت فوق بعنوان محاكمة العضو
ومره عضو يقولي ليش تشكرني وتكتب ردود في موضوعي انا متعود على ردود ناس معينين!!
معلش ياخوي نحن بعد ملاحظين تصرفات بعض الأعضاء
وهاي أطباع الناس تلقى الزين والشين
لكن في النهاية المفروض ما توصل الى أني أضر غيري وأفتن عليه عسب
يا أنا يا هو في المنتدى
أنا كـ عضو شو اتريا من أعضاء المنتدى غير أنهم يحترموني ويقدروني
الله يهدي الجميع ..
مب هذا الغرض من هذا الموضوع
بس حبيت أقول راي أفضفض شوي عشان يكون فيه وعي أكثر
مـن عاشر قوم اكثر من اربعيـن يوم اصبح مثلهم
الإسلوب حتى تغير والسبب العدوى
والبعض ميلسين بس يتفننون في طولة اللسان ومنو يسكت الثاني
هو على حق والا باطل مب مهم
أسكته يعني أسكته
حتى أستوا فراق البعض للبعض الآخر عيد
وظهرت القطيعه
السلام عليكم ورحمة الله وبركاته
نرجو اعادة العضو ae_Dxb مع أن معرفتي فيه كانت منذ بداية حذف عضويته
والموضوع اللي نزله .. موضوع عادي صحيح أنه بالغ نوعا ما لكنه ما ضر فيه إلا نفسه
يمكن لو كان فيه تعدي على عضو أو اساءة لعضو آخر ما بنتدخل لكن الموضوع كان عنه هو شخصيا
ويمكن كان يحب يعرف غلاته في المنتدى ليس إلا …
فياريت تتكرم عليه الادارة باسترجاع عضويته وعفا الله عما سلف ..
وادارتنا حكيمة ما شا الله وتميز بين العضو المتعمد بالغلط والعضو المميز
والعضو ae_Dxb خذ جزاه وزيادة ..
والله شيء ناس ماعرف كيف أقوللكم أطباعهم
غريبه عجيبه
تكتب موضوع على العام يطرشلك رسالة على الخاص
لاتخاف بوقف في صفك
انا مايهمني حد يوقف في صفي أنا أحط
النقط على الحروف
وبس
ولا أتريه حد يسوي وياي مقابلات
أنا سويت وأنا سويت
مداح نفسه يباله رفسه
مشكله جنون العظمه
والله هذا المرض النفسي مصيبه يخلي الواحد يشوف نفسه أنه فوق الناس
وهو لايكش ولاينش
كبييييييييير
الكبـر لله
شيء ناس والله ياهم أمراض نفسيه والسبه المنتدى
اللي فيه الضغط والنرجسية وغيره
و النرجسي يهتم كثيرا بمظهرة و أناقته و يدقق كثيرا في أختيار ملابسه و يعنيه كيف يبدو في عيون
الأخرىن و كيف يثير أعجابهم, و يستفزه التجاهل جدا و يحنقه النقد ولا يريد أن يسمع إلا المديح و كلمات
الأعجاب