%% تصوير حديقة العاب الهيلي بعدستي ثاني يوم عيد الفطر السعيد %%

السلام عليكم ورحمة الله وبركاته

ثاني يوم العيد ( يوم اعادة الذكريات الجميله ) يوم رائع حبيت اني اقضيه في مدينة العاب الهيلي

اتذكر ايام زمان ( يعني للشواب بس )

ايام التسعينات

ايام الشاحووف و قطار الموت و المهرجانات و المسابقات اللي بفلوس و المشك له انك تفوز ويضحكوا عليك

ويعطونك دبدوب قيمته المصنعيه درهمين

طبع اليوم ثاني يوم عيد

اتوقع ازدحام

جاليه هنديه

لا تحلم تلعب

عادي الهدف من الطلعه هو اكتساب مهارات اكثر بالتصوير والاهم من ذلك هو التصوير بالشتر البطيئ للعبة الصاعقه و اي لعبه دواره بسرعه فيها اضواء

تنويه : بعض الصور التقطت بالفلاش و البعض بدون فلاش فقط تبطيئ الشتر و زيادة الايزو و فتحة العدسه ، وبعض الصور غير واضحة بسبب سرعة التصوير وعدم التركيز على توضيحها وهو للتجرربة في تسريع شتر التصوير .

اولا البدايه البوابه الجديده وهي تقع غرب الحديقه وليست في اوسطها مثل البوابه القديمه جهة الاسكيت ( التزلج لغير الناطقين بالعاميه )

احد الالعاب القديمه المطوره

الاحصنه اتذكر يوم كنا اطفال كنا نستحي نركبها << من يومكم تحبوا الالعاب الخطيرة

اللعبة المفضله عند الجميع الشاحوووووووووووووف تطوير خفيف عليه و تصليحه طبعا زحمه خياليه لو اقولكم ما بتصدقوا الطابور عليه 100 متر طولياً

العاب اطفال

هذه البحيره وفيها قوارب تركبها بعشره او بـ 15 ما اذكر حلوه للرمانسين

اثنين رومانسين تحت لول

لعبة المظله تخوف الاطفال فقط

الصراحه هذه تغثي ما احبها معلق بالهواء وفوقها لفه سريعه تخليك تشوف الوان بس

الصاعقه المجنونه

الصوره اللي تحت مصوره بشتر سريع نسبيا علشان كذا ممكن نشوف شكل المركبه اللي تجلس فيها بوضوح لاباس فيه لان السرعه الخاصه بالشتر ما كانت سريعه جدا

لكن هنا كان الشتر بطيئ يعطي شكل دمج المركبات في بعض احب هذا النوع من التصوير

اطفال فرحانين بالعيد ( إيا ليت الشباب يعود يوماً ) << مب شيبه لا تصدقون

هنا تعلم طفلك المراهقه بالبانشيات و الشل عتايرين

هنا المسرح اللي هو ثري دي كان اسمها زمان السينما المتحركه ( قبل اختراع الثري دي كح كح )

سوري الشتر كان سريع فيها وما لحقة الكاميرا تفتح الصوره المهم انتوا شايفين الطابور ؟؟ كان نفسي اسوي مقابله مع اخر واحد في الطابور واقوله انت متاكد تريد تدخل هاللعبه ؟ اخر واحد يحتاج يوقف 4 ساعات يا جماعه

السيارات الاثريه لعبه قديييييييييييمه

هذا فلم رعب الصراحه بس مب لنا نحن للاطفال فقط كانوا كل شوي يطلعون صغير والدموع ارباع ارباع

المسرح بعد التجديد الصراحه رهيب

ما عليكم منه اللي تحت اونه بيت الفراعنه و المومياء كلها موميائات بايخه وماتخوف خساره فيه 15 درهم

صوره لبيت الموميات والدنيا ظلمه ما تشوف صبوعك بس قالي ممنوع التصوير قلنا اوكي

فرقه شباب عازفين

قطار الموت

نيجي للصور اللي احبها .. لعبه دواره بالاضواء على طول بطئ الشتر حق الكاميرا وصور تطلع الصوره بهذا الشكل الرائع

في احصنه و جمل للي يحبون

قطار الاطفال يا فرحتهم

معقوله كنا نركب هالاشياء ونحن صغار ؟

يتبع <<<