السـلام عليـكم ورحمـه الله وبركـاته ،،
أخواني ،، خـواتي
كلكم اللى تشتغلون ،، هذا الموضوع لكم ،،
واللى بطالي شراتي // حياكم // باجر ان شاء الله بتشتغلون اقروا واستفيدوا 
أول شئ ببدأ بـ،، كاركتيــرات
والــحيـن ببدأ
أنا هالموضوع حبـيت أذكـر فئات من العاملـين ،، قسمتهم مثل ماتشوفون
// ثــلاث فئــات //
___ بس لاحظوا ويايه منو الأحسن ___ ،، و شـوف عمـرك من أي فـئة ،، ولو كنت من فئـه ثانية انا ماذكرتـها خبرنا ،،
( مع العلم ،، انا ذكرت هالفئات من الواقع اللى أنا أعيشه )
// شهـــــــــريا //
في نـاس ،، ( ربي يهديهم )
من يوصل الراتب سحبوه كلـه ووصل نص الشهـر ماشئ باقي الا 2000 او 1000 حق البترول !!!
وفي نـاس ،، ( ربي يهديهم )
من ينزل الراتب ،، سحبوا الربع تقريبا ،، صرفيه البيت هالشهر والباجي في البنـك ( مو غلط بس في شئ تراك ناسنه )
وفي نـاس ( عسى ربي يكثر من أمثـالهم )
يحاولوا يقسموا الراتب بشكـل صح ،، ينزل الراتب ( 1000 او 2000 للأم إذا موجوده ) ،، ويسحب نص الراتب يحدد نسبه صدقه و نسبه يصرف فيها ع نفسه وعياله ،، و الباجي من الراتب ( وديعه استثمار في بنك إسلامي) ،،
يوم بنتكـلم عن
// الســـــنوات //
مرت سنـه ( حول ) على نزول راتبك ،،
نـاس،،( الله يهديهم)
سير طالع حسابهم ،، بعده فاضي ع شو يزكي !!
ونـاس ،، ( ربي يهديهم )
ينسـى ( يمكن ) ،،والبعض يقول _ أنا ايمع وأيمع ،، وأخر شئ أطير فلوسي !!!_ ( الحمد لله والشكر 25 % من فلوسك بتأثر فيك هالكثـر )
ونـاس ،، ( ربي يكثر من أمثالهم )
بما إنهم حاطين وديعه ،، بيكون عندهم مجموعه من الفلوس + الفلوس اللى ممكن انها تبقي من صرفيات البيت ،، وصل النصاب ،، حسب 25 % من اللى عنده وأخرج زكـاته
والله والله ،، من الواقع اللى انا أشوفه
أشوف الفئة الثالثة ،، أكثر بركـه في الفلوس ،، يتصدق ويزكي ،، و الفلوس ماشاء الله تزيد ،،
الحيـن بتقولون شو الفايـده من الموضوع //
أبا كل حد يقرى هالموضوع يفكر بأخوانا الفقارى اللى في كل مكان ،، حاول قد ماتقدر انك تساعدهم وحط نفسك مكانهم ،،
حاول مره تسير تشتري مجموعه هدايا ،، وتسير دار رعايه الأيتام ،، والا دار المسنين فرحهم شوي ،،
حاول تسال تتخبر عن الناس الفقيره اللى في الدوله ،، لا تقول ماشئ ،، والله فيه ،،
مواطنين و وافدين
إذا انت مديـر أو مديـره // طلع قرار كـل عامل عندك يحط 10 دراهم شهريـا ،، مابيأثر في راتبه ،،
ودوه للهـلال الأحمر ( أدري مب غصب ،، بس جيه بتعودهم ع الصدقه)
ولا تنسـوا
اصرفوا على عمـاركم ،، بس لا تسرفوا ،، ( إن الله لا يحـب المسرفيـن )
ربي يبارك في رواتبكم ،، فكروا بآخرتكم قبل دنياكم
والسموحـه لو طولت
ملاحظــه :
إذا أنا غلطـانه في شئ بسالفه الزكـاه ،، بليز خبروني لني هذا اللى أنا اعرفه
و عليج السلام و رحمــة الله و بركاتــــه ..
باركـ الله فيج غناتي .. لكن النسبة 2.5 % ..
قال تعالى : (( خذ من أموالهم صدقةً تطهرهم و تزكيهم بها )) صدق الله العظيمـ ..
و يزاج الله خيــــــــر ^^
موضوع جميل وأتمنى إن الكل يطبقه لأنه أجر فدنياة وفآخرته…شكرا على الموضوع….
غلطانه النسبة هي 2 في المية بالنسبة للزكاه و مشكووره على موضوعج
2.5 % مب 25%
و سلمتي
ويزاج الله خير اختي