اشتري لكزس 430 وارد امريكا شو الاشياء الضرورية الي لازم ابدلها ( الفزعه )

5 thoughts on “اشتري لكزس 430 وارد امريكا شو الاشياء الضرورية الي لازم ابدلها ( الفزعه )”

1. نفس ماقالوا الاخوان

   وعندك ميكانيكي شاطر فاللكزس ورخيص انا بنفسي اصلح عنده ويوم اسير عنده ماشوف غير لكززسات يصلح

   كراج رملة الصحراء فنفس الشارع اللي فيه مغسلة الزعيم ومحل العزبة وسكراب البلوشي بس من الناحيه الثانيه

   الفورمن ميرزا لاتكلم غيره الباقين مايفهمون عربي وايد لكن شغيله

   0503315870

   وبالتوفيق ومبروك عليك الموتر ان شالله

2. أخوي الأشياء اللي لازم تبدلها :

   1-تايمنج بيلت (timing bitl) وهو سير موجود داخل المكينه مرات ينقص من الحراره عندنا وينفد المكينهز

   2-سير الكينه الخارجي وهو السير العادي و سير المراويح

   3- الفلاتير فلتر المكيف و فلتر المكينه

   4- فلتر الزيت

   5- الفيول بمب مهم لازم تبدله عشان تعدل الصرفيه والتقطيعه

   6- تنظيف الأنجكترات عشان تكون لامكينه نظيفه وتفتح لك

   جرب نصيحتي والله ماتندم ترى لي عشره طويله مع ال430 ^^

3. موفق بإذن الله … لك مني أجمل تحية .

4. التواير حطلك بريجستون او يوكوهاما لازم لانه تواير الوارد يكون مخصص لاوروبا والجو عندنا غير
   واحسن كراج يبرمجلك ويضبطلك الموتر التكنولوجيا اليابانية بس سعرهم نار بس هم تخصصهم تويوتا وبس
   ومبروك عليك الموتر

5. لو ماكانت السياره مجيكه قبل ما اتيي فالاشياء اللي لازم تنتبه عليها كالتالي:

   1- التواير حالتهن ok؟
   2- السفايف ok؟
   3- الدرامات يبالها خراطه ؟
   4- ماي الرديتر
   5- بلكات يبالها تبديل ؟
   6- برمجه الشاشه للخليجي ؟
   7- ميزانيه للرود والتواير

   بالنسبه لقطع الغيار عندك القمر الساطع ونجم العين تلاقيهم فنفس منطقه كراج الماسيه الجديم.

   وان شاء الله باقي الاعضاء يفيدونك اكثر

Comments are closed.