ترضين تزوجين واحد راتبه اقل من الفين ؟

89 thoughts on “ترضين تزوجين واحد راتبه اقل من الفين ؟”

1. 2000 درهم

   طفلين بالمدرسة

   كيف بتكون حياتي يا ترى ؟

   كيس الخبز ب 3 دراهم واذا كل يوم ربطة وبخصم يومين بالاسبوع ( إجازة رسمية ) بالشهر بيكون 66 درهم

   كيلو اللحم = 20 درهم وبالشهر باخذ 4 كيلو = 80 درهم

   الديايه ب15 درهم وبالشهر باخذ 4 حبات = 60 درهم

   الخضار والفواكة والملح والسكر والشاي والحليب بالشهر 200 درهم

   كهربا وماي بالشهر 300 درهم

   بطاقة مدفوعه ومن قوم بورنه ومصروفي الشهري 30 درهم

   راح اسير مشي للدوام وارجع مشي لأن الدوام بجانب البيت

   اليهال ما ياكلون بسكوت ولا حلاوة ولا يشترون بالونات ولا العاب لأنها مضره بالصحه في نفس الوقت ممنوع اليهال يمرضون لأن المستشفى بعيد ومابا آخذ تكسي حتى ما اخسر
   اما بخصوص الدراسه فراح اعلمهم بالبيت والولد اول ما يوصل عمره 16 سنه ادخله الجيش وراتبه بيكون 15 الف والبنيه اول ما يوصل عمرها 16 سنه بخليها تشتغل بالجمعية وبيكون راتبها 4500 لين ما تعرس وتخف مصاريفها

   ما اعزم أحد ولا ابا احد يعزمني حتى ما اعزمه عقب لأن الزيارات مب مهمه
   ماشي مهرجان تسوق ولا احتفالات والتلفزيون بدون دش ولا قنوات فضائية

   كنت اتمنى ان الموضوع يكون واقعي اكثر ما انه خيالي

   والسموحه

2. اختي الكريمة اشكرج على الطرح الجيد والمؤلم في نفس الوقت

   اولا مادري شو ضروف هذا الريال لي راضي على الفين درهم عنبوة منعزل عن العالم ولا يقرى الاخبار وشو حاصل في الدولة طارت الطيور بأرزاقها وناس وصلت راتبها قراب ال 100 الف درهم شهريا وهو تام بالالفين

   وان يبى يتزوج هذا الشخص خلي يدور وحدة في نفس مستواة مايدور وحدة اعلى عنة مستوى عشان نكون واقعين وعقبها يطورون نفسهم

   ولا اختي مايصير واحد راتبة الفين يتقدم لخطبة بنت من عايلة اعلى من مستوة على الاقل البنت خلها تفكر بعيالها

   كيف بيعيشون وكيف بتكون الغيرة بين عيال الخالة عنبوة الحين ناس رواتبها عالية وتفكر بالمستقبل الف مرة

   كيف بهذا الشخص ,,,,, الحمدلله وشكر لله على النعمة الهم ثبتها علينا من نعمة ,,,,

   2000 درهم فاتورة تلفون شهريه ندفعها لشركة اتصالات فكيف بتقوم عايلة منها ,,,,

   اعرف وحدة من ربع امي تزوجت واحد من امارة ثانية هم قالولهم ان الريال شغال في التربية وعقبها تفاجأو

   ان الريال شغال حارس عاد متى بعد الزواج فحياتهم شوفي كيف صارت بعد اليهال والله انها جحيم

   المسكينة خواتها عايشين عيشة كريمة وهي تصيح الويل حتى المسكينة في رمضان لي طاف وصلت

   فيها انها اتصلت للجمعيات الخيرية انها تساعدها لا فصلت كنادير للعيد لا هي ولا عيالها ,,, والله انها تفضل

   الطلاق عن هاي العيشة لكن شو تسوي تفكر بعيالها …..

   وخلاصة كلامي ان الشخص لو بغى يتزوج خلي ياخذ وحدة في نفس مستواة لا يشوف فوق ولا يطمع

   ببنات عايشات في نعمة وانا سمعت هذا الموضوع من الدكتور طارق السويدان ,,,

3. ظل راجل و لا ظل حيطه

   

   نعم المقولة المشهورة

4. المال مو مهم والله

   اهم شي الريال يحتويج بحبه و حنانه و طهارته … وبس ..

   وهاذا رايي

   والسموحة

   مسموحة عزيزتي .. هذة الاشياء اكيد مهمه لطرفين والباقي على رب العباد

5. 1000 درهم شهريا
   يعني بحسبة لو عندي خمس ابناء = 5000 شهريا بس حق الاولاد

   لا بوي خليني عايش عزابي ابركلي الف درهم اعطيها لفقير ادخل فيها الجنة احسن لي من البزران اللي ما وراهم غير عوار الراس

   اخوي يوم بتعرس وبتيب عيال والله يرزقك فيهم ان شاء الله صدقني بتقصر على عمرك وما بتقصر فيهم وبتذكر كلامي هذا عقب ما في اغلى من العيال بس جرب ..

Comments are closed.