السلام عليكم ورحمة الله وبركاته —- هذا الموضوع للتنبيه والتحذير — علماً بأن مب كل المدارس فيها ما حدث معاي ومع بنتي بالاخص……
بنتي تدرس في احد المدارس الخاصة وصار لها موقفين…
الاول…دخلت المدرسة الصف وكتبت ميري كرسماس على السبورة …. واغنية تخص عيدهم …وقالت للبنات في الصف انه البنيه اللي ما تحفظ هالاغنية ما بتحصل علامة كاملة…الحمدلله بنتي خبرتني عن الموضوع..اتصلت بالمديرة وخبرتها انه اذا ما صار تصحيح للموضوع بيشوفون الخبر في الجرايد الرسمية … طبعا مضى يومين…وسارت المدرسة الامريكية للصف ومسحت اللي كتبته واعتذرت … وخبرت البنات انها حسبت عيد الاضحى هو نفس عيدهم …. المشكلة انه بنتي لو ما خبرتني كان الموضوع مر … ولا حد وقفهم عند حدهم….
الموقف الثاني…دخلت مدرسة الsocial science وهي بريطانية …ما اريد اعيد اللي قالته كله…. ولكن محتواه كان إيقاع فتنة ما بين الامارات السبع وخاصة ابوظبي ودبي … والشي الثاني اللي قالته ينزل من قدر بعض القادة العرب (هذه ممكن نطوفها لان اللي ذكرتهم يستاهلون) … والشي الاخير اللي ما تحملت اسمعه هو التعدي على الاسلام والمسلمين … وهنا كانت القشة اللي قصمت ظهر البعير …. كتبت رسالة للمديرة … وقلتلها انه اذا ما انهوا خدمات هذه المدرسة … راح اتقدم بشكوى…واسحب اليهال من المدرسة…اتصلت المديرة وهي انسانة محجبة ومحترمة … وقالت لي التالي : تم ايقاف المدرسة عن التدريس ، ومنحها شهرين (يعني لين نهاية السنة الدراسية في شهر 6) وتأنيبها من قبل الادارة…. وإجبارها على تقديم اعتذار للصف …. وخاصة بنتي لانها ردت عليها في الصف وقالت لها … ان الاسلام هو الدين الصحيح حتى لو حاول الغرب كله تغيير هالمفهوم عندنا……وقالتلها المدرسة اسكتي ولا تردي علي ….
المهم …. الغرض من اني اقول هالاشياء … حتى تكونوا انتم على دراية بالاشياء اللي تصير في مدارس عيالكم … أسألوهم شو يدرسون … وشو يقولو المدرسين يومياً عن الاسلام والمسلمين… ترى بعض المدرسين والمدرسات يستغلون وضيفتهم لتمرير رسائل للعقل الباطن … وهدفهم الرئيس ليس التدريس بقدر ما هو التبشير ….
واسمحولي على الاطالة
أغلب المدارس اللي فيها مدرسين اجانب يسوون هالحركات مع الطلاب
بس الاطفال ما يتكلمون
سلام عليكم ورحمة الله وبركاته
اخوي نشكرك عالتنبيه بس اخوي تصرفك كان غلط واكبر غلط انك مابلغت عنها ذي شانه حرب علينا وعلا دينا وان فصلوها من المدرسه بترد وبتسجل في مدرسه ثانيه وبتستخدم اسلوب ثاني او الناس مب كلهم يسالون عيالهم ومب كلهم عندهم الشجاعه اكثر الناس يخافون على عيالهم ومايتصرفون نفس التصرف فياريت انك ترد وتبلغ المجلس او مركز الشرطه لاتسكت خلهم يحقوقن وياهم وينتبهون بدورهم للمدارس الخاصه ويشفون افعال الاجانب الي يبونهم يدرسون عيالنا والحين المدارس الحكوميه ماسكتها شركات اجنبيه وستلم من المدرسين الاجانب ارجو انك ماتسكت وتوصل الموضوع للجهات المختصه
لا حول ولا قوة الا بالله
شـكــ وبارك الله فيك ـــرا لك … لك مني أجمل تحية .
شـكــ وبارك الله فيكم ـــرا لكم … لكم مني أجمل تحية .
اولادنا امانه في اعناقنا … لابد ان نحافظ عليها