السلام عليكم ورحمة الله وبركاته —- هذا الموضوع للتنبيه والتحذير — علماً بأن مب كل المدارس فيها ما حدث معاي ومع بنتي بالاخص……
بنتي تدرس في احد المدارس الخاصة وصار لها موقفين…
الاول…دخلت المدرسة الصف وكتبت ميري كرسماس على السبورة …. واغنية تخص عيدهم …وقالت للبنات في الصف انه البنيه اللي ما تحفظ هالاغنية ما بتحصل علامة كاملة…الحمدلله بنتي خبرتني عن الموضوع..اتصلت بالمديرة وخبرتها انه اذا ما صار تصحيح للموضوع بيشوفون الخبر في الجرايد الرسمية … طبعا مضى يومين…وسارت المدرسة الامريكية للصف ومسحت اللي كتبته واعتذرت … وخبرت البنات انها حسبت عيد الاضحى هو نفس عيدهم …. المشكلة انه بنتي لو ما خبرتني كان الموضوع مر … ولا حد وقفهم عند حدهم….
الموقف الثاني…دخلت مدرسة الsocial science وهي بريطانية …ما اريد اعيد اللي قالته كله…. ولكن محتواه كان إيقاع فتنة ما بين الامارات السبع وخاصة ابوظبي ودبي … والشي الثاني اللي قالته ينزل من قدر بعض القادة العرب (هذه ممكن نطوفها لان اللي ذكرتهم يستاهلون) … والشي الاخير اللي ما تحملت اسمعه هو التعدي على الاسلام والمسلمين … وهنا كانت القشة اللي قصمت ظهر البعير …. كتبت رسالة للمديرة … وقلتلها انه اذا ما انهوا خدمات هذه المدرسة … راح اتقدم بشكوى…واسحب اليهال من المدرسة…اتصلت المديرة وهي انسانة محجبة ومحترمة … وقالت لي التالي : تم ايقاف المدرسة عن التدريس ، ومنحها شهرين (يعني لين نهاية السنة الدراسية في شهر 6) وتأنيبها من قبل الادارة…. وإجبارها على تقديم اعتذار للصف …. وخاصة بنتي لانها ردت عليها في الصف وقالت لها … ان الاسلام هو الدين الصحيح حتى لو حاول الغرب كله تغيير هالمفهوم عندنا……وقالتلها المدرسة اسكتي ولا تردي علي ….
المهم …. الغرض من اني اقول هالاشياء … حتى تكونوا انتم على دراية بالاشياء اللي تصير في مدارس عيالكم … أسألوهم شو يدرسون … وشو يقولو المدرسين يومياً عن الاسلام والمسلمين… ترى بعض المدرسين والمدرسات يستغلون وضيفتهم لتمرير رسائل للعقل الباطن … وهدفهم الرئيس ليس التدريس بقدر ما هو التبشير ….
واسمحولي على الاطالة
الله المستعان على اللي نسمعه ونشوفه بعيونا شي مايتصور
نصيحه للجميع أعتقد أنه مافي داعي عيالكم يدرسون في هالمدارس التعبانه لأنه مافي داعي لدراسة المنهاج البريطاني أو الامريكي أو أي كان لأنه في النهايه لما بتخرجون من مدارسهم أكيد أنهم بخدمون بلادهم مابروحون يخدمون الجماعه لي إنذكروا في بلدانهم
وبلادنا الحمد لله عربيه وليستـــــــــــــــــــــ english مع تحياتي للجميع وأرجوا الأخذ بالنصيحه
اخوي عليك بمجلس ابوظبي للتعليم لو كانت المدرسة في ابوظبي علشان يعرفون كيف يتصرفون معاهم لانه تم انهاء خدمة مدرس امس بسبب تطاوله على الدين الاسلامي ووصف الكعبة بانها احد الاصنام
صدقت والله
انا عن نفسي ادرس اولادي بمدرسه عربية واهم شي يكون المدرسين عرب مو اجانب لان الواحد يخاف على عياله من الانحراف الفكري لان عادات وتقاليد العرب غير عن الاجانب ولاتقولون مدارس انكليزي ومنهاج بريطاني ولا امريكي انا اضن هاي صارت موضـــــــة العصر اكثر من ان تكون لغرض التعليم
شكرا على التذكير و النقاط التي لا بد لنا من الانتباه لها
خاصة في هالمدارس الخاصة اللي دائما يحبون يطبقون مناهجهم الخاصة
بارك الله فيج على غيرتج
يعطيك العافية ….
وع فكرة أي شي يتسجل بعقل الطفل صعب تمسحه إلا
إذا كنت قريب منه
رسالة أخوي جداْ مهمه