السلام عليكم ورحمه الله وبركاته
صبحكم الله بالخير والعافيه و النور و السرور
اليوم قلت بحط موضوع
تجربه لي اول مره طبعا انتوا عايشين هاي التجربه كل يوم
الله يسلمكم انا دومي اسمع عن زحمه الصبح لين الدومات من الشارجه لين دبي
و معانه ربعي و الي اعرفهم
اليوم الله يسلمكم
كان عندي كورس في دبي مال الشغل لمده اسبوع
خخخخخ اول مره يطلع لي كورس موب مصدق …خخخخ عن الحش يالله مناك
سالت الشباب متى اطلع
الكورس مالي الساعه 8 …. على شارع الشيخ زايد
وانا من الشارجه
الي يقولي اطلع الساعه 5 و الي يقولي اطلع خمس الا ربع
وواحد متحمس ايقولي شل برنوصك و ارقد عند باب العماره الي فيها الكورس
قلت يمكن يبالغون
طلعت الساعه 6
اول ما طلعت عند شارع بيتنا جان اشوف زحمه سيارات صف طووووووووووووووووويل اتقولون قطار بمبي خيبه
توني اقول يا فتاح ياعليم
جان اناقز من فريج لين فريج شرده من الزحمه
اول ما ما وصلت شارع الوحده قلت خلاص
شردت من الزحمه
جان اشوف جدامي
ول ول ول شو هاي الزحمه من شارع الوحده لين دبي
السيد واقف
اطالع الساعه اشوف وصلت سبع واربعين
جان ارد مره ثانيه لين البحيره
قلت ماشي الا صوب البحر و بعدين سيده لين دوار الكتاب
و بعدين شارع الامارات……….
جان اطيح في زحمه شارع الامارات
الزحمه لين معسكر فلاح
وكل واحد محرج
هذا يلف على الثاني و الثاني يلف على الثالث
غرشه الماي خلصت و انا ابلع ريجي كل مره
الي محرج والي مطلع ايديه والي يسحب شعر راسه
خخخخ
اونه بي الكورس اول واحد
مادري ليش اتخيلت لو سيارتي تتحول هوليكبتر خخخخخخخ
المهم
دخلت الصناعيه و اتعلقت في الزحمه
حتى الدروب السريه الي اعرفها في الصناعيه زحمه
اخر شي اتصلت في صديق ( الاستعانه بصديق ))
اول شي قرضني قرض. وعطاني محاضره ليش ما سمعت كلامه…..قهر طلع حرته فيني
وقالي اطلع على درب دبي العابر
وصلنا درب دبي العابر
ماشاء الله اتقول داخلين سباق
كلهم يسرعون
شباب بنات شياب
كلهم ريس واحد
مادري عشرين رادار
ودخلت كم زحمه لين وصلت الكورس
الساعه 10 و نص خخخخخخ
وصلت وانا اعصابي خلاص
لفيت على عشرين واحد
و لفوا علي كثرين
كنت في البدايه اقول افكر بطلع من دوامي
وبدوام في دبي
الحينه خلاص غيرت راي
استحمل رقله الطياره
و لاحرق الاعصاب في الزحمه كل يوم
الحينه عرفت ليش نص ربعي
من الساعه 9 يرقدون من وقت اتقول دياي
والي عصبي
والي ريلوه منتفخه من الويع
من كثر ما يدح بريكات
الله يعينكم و الله على الزحمه
باجر بنش من الساعه 4 الفجر ان شاء الله
بلعوز دياي بيتنا اول شي و بتوكل على الله
وبفلع القطو الي يدوم يرقد على سيارتي
حبيت اشارككم في تجاربكم اليوميه
خخخخخخخخخخخخ
بس احلى شي في الموضوع اني كليت السندويشات كلها مال الكروس الجماعه داخل و انا احش في السندويشات
شررررررررررررررررررررررده
شكلي بشتري سيكل بتان احسن لي
تحياتي لكم
اخوكم
جي تي ار
الله يعين
ورانا بعد قصه للعوده
شكلي برقد فوق العماره لين نهايه الاسبوع
شررررررررررررررررررررررررررررررررررررررررررررررررر ررررده
هااااااااااااااااااااااااااااااااااااااااانت
باقي يومين وينتهي الكورس
خخخخخخخخ
حلو نشه الفجر
شي عجيب
يمدحونه الرقاد من وقققققققققققت
فديت الدوام في الجزيره
من الغرفه لين المكتب
مشي3 دقايق
لانه نشه من الفجر و لا شي
ولا قطاو يصبحون عليك من الفجر ماو وميو
تحياتي لكم
ماشاء الله افكاااااااااااااارك عجيبه
السلام عليكم ورحمة الله وبركاته
سبب المشكله يكمن في عنق الزجاجه (( جسر ناشونال ))
الطرق البديله
الصناعيه اللي اصلن هي بروحها مشكله مالها حل .. شوارع ضيقه ومكسره ومليون بيكب وباص يتحركون فيها الصبح
شارع الوحده واللي صارله كمن سنه مسكر ويوم فتحوه طلع ضيق وسيدين بس
هذي هي المشاكل .. شو رايكم نتكلم عن الاسباب
اول سبب سوء التخطيط
ثاني سبب كثرة السيارات .. ليش هالكثر سيارات عندنا في البلاد .. واغلبيتهم اجانب …
الحلول
يكبرون جسر ناشونال .. يسوون فيه اي شي .. المهم نفتك من زحمته
من رأيي الشخصي يسوون قوانيين حق الاجانب اللي بيظهر سياره
يعني يكون دخله الشهري فوق العشرة الآف درهم مثلن وغيرها من هالشروط
نبا نخفف من عدد السيارات عندنا لانه شوارعنا ماتتحمل هالكم الهائل من المركبات
ثاني شي ياخي اشتغلوا زياده ع المواصلات العامه .. في الشارجه ماشووف باصات المواصلات وايد شرات دبي
اغلبيتهم تكاسي .. شو تبوون في التكاسي مولفينهن هالكثر .. ماوراهم غير المشاكل والله
وكل واحد يرقد من وقت وينش من وقت ويسير الدوام من وقت وجابلوا المنتدى الين ما يبدا الدوام
وراعي الموضوع .. نام بكير واصحى بكير وشوف الطريق كيف بيصير وعليك بالعابر والله يكون في عونك
.
شكرا على رسم الابتسامة
من زماااااااااااااان عن سوالف وعلوم أخونا جي تي آر
خلهم يخلصون من الشوارع في الاول
قطار في الشارقة صعب ماشي مكان للشوارع فكيف للقطار
ما شي غير يسوونه تحت الارض