السلام عليكم ورحمه الله وبركاته
صبحكم الله بالخير والعافيه و النور و السرور
اليوم قلت بحط موضوع
تجربه لي اول مره طبعا انتوا عايشين هاي التجربه كل يوم
الله يسلمكم انا دومي اسمع عن زحمه الصبح لين الدومات من الشارجه لين دبي
و معانه ربعي و الي اعرفهم
اليوم الله يسلمكم
كان عندي كورس في دبي مال الشغل لمده اسبوع
خخخخخ اول مره يطلع لي كورس موب مصدق …خخخخ عن الحش يالله مناك
سالت الشباب متى اطلع
الكورس مالي الساعه 8 …. على شارع الشيخ زايد
وانا من الشارجه
الي يقولي اطلع الساعه 5 و الي يقولي اطلع خمس الا ربع
وواحد متحمس ايقولي شل برنوصك و ارقد عند باب العماره الي فيها الكورس
قلت يمكن يبالغون
طلعت الساعه 6
اول ما طلعت عند شارع بيتنا جان اشوف زحمه سيارات صف طووووووووووووووووويل اتقولون قطار بمبي خيبه
توني اقول يا فتاح ياعليم
جان اناقز من فريج لين فريج شرده من الزحمه
اول ما ما وصلت شارع الوحده قلت خلاص
شردت من الزحمه
جان اشوف جدامي
ول ول ول شو هاي الزحمه من شارع الوحده لين دبي
السيد واقف
اطالع الساعه اشوف وصلت سبع واربعين
جان ارد مره ثانيه لين البحيره
قلت ماشي الا صوب البحر و بعدين سيده لين دوار الكتاب
و بعدين شارع الامارات……….
جان اطيح في زحمه شارع الامارات
الزحمه لين معسكر فلاح
وكل واحد محرج
هذا يلف على الثاني و الثاني يلف على الثالث
غرشه الماي خلصت و انا ابلع ريجي كل مره
الي محرج والي مطلع ايديه والي يسحب شعر راسه
خخخخ
اونه بي الكورس اول واحد
مادري ليش اتخيلت لو سيارتي تتحول هوليكبتر خخخخخخخ
المهم
دخلت الصناعيه و اتعلقت في الزحمه
حتى الدروب السريه الي اعرفها في الصناعيه زحمه
اخر شي اتصلت في صديق ( الاستعانه بصديق ))
اول شي قرضني قرض. وعطاني محاضره ليش ما سمعت كلامه…..قهر طلع حرته فيني
وقالي اطلع على درب دبي العابر
وصلنا درب دبي العابر
ماشاء الله اتقول داخلين سباق
كلهم يسرعون
شباب بنات شياب
كلهم ريس واحد
مادري عشرين رادار
ودخلت كم زحمه لين وصلت الكورس
الساعه 10 و نص خخخخخخ
وصلت وانا اعصابي خلاص
لفيت على عشرين واحد
و لفوا علي كثرين
كنت في البدايه اقول افكر بطلع من دوامي
وبدوام في دبي
الحينه خلاص غيرت راي
استحمل رقله الطياره
و لاحرق الاعصاب في الزحمه كل يوم
الحينه عرفت ليش نص ربعي
من الساعه 9 يرقدون من وقت اتقول دياي
والي عصبي
والي ريلوه منتفخه من الويع
من كثر ما يدح بريكات
الله يعينكم و الله على الزحمه
باجر بنش من الساعه 4 الفجر ان شاء الله
بلعوز دياي بيتنا اول شي و بتوكل على الله
وبفلع القطو الي يدوم يرقد على سيارتي
حبيت اشارككم في تجاربكم اليوميه
خخخخخخخخخخخخ
بس احلى شي في الموضوع اني كليت السندويشات كلها مال الكروس الجماعه داخل و انا احش في السندويشات
شررررررررررررررررررررررده
شكلي بشتري سيكل بتان احسن لي
تحياتي لكم
اخوكم
جي تي ار
الله يعين
ورانا بعد قصه للعوده
شكلي برقد فوق العماره لين نهايه الاسبوع
شررررررررررررررررررررررررررررررررررررررررررررررررر ررررده
عاش اخونا باسويد ,, عرفت تستغل وقتك ,, مب شرات بعض الناس
اكل و أكل واكل واكل ,, اخاف مسوي بوفيه ف السياره لكل حاله عصبيه وجبه خاصه
هههههههههههههههههههههه
الله يعين الألأف
وبصراحه لا بد يكون حل
فتح عبرات مائيه من الشارقه و عجمان وام القيوين لدبي
البدء بمشروع متر او القطار بين دبي والشارقه
ثالثا لو يتم ايجاد قانون بأن يتشارك الناس بالسيارات
رابعا وهو اسهل الحلول
تغيير اوقات البدء في الدوام
مثلا المدارس تبدأ السابعه
الموظفين في الوزارات والدوائر الحكوميه الثامنه
القطاع الخاص التاسعه
بيكون سهل للناس
وهناك بصيص امل
حيث انخفاض الإيجارات يساهم في سكن الناس بدبي و يقلل من الزحمه
و بصراحه
منظر الزحمه بين دبي والشارقه غير حضاري
صراحة قصة مؤثرة
خخخخخخخخخخخخخخخخخخ
تعرف يا اخوي انا من اهل العين بس تعرف شو اسمي شارع الامارات
شارع صبر ايوب
لان صدق اذا ما عندك صبر ايوب
اكيد بينقع لك عرج
واحيد مرة كنت لازم امر من شارع الامارات فشو سويت
شليت الريوق مالي والجريدة والحبيب منزل الجامة لين النص ومستمتع بالجو
وصدقني ما ضاع الوقت قريت الجريدة
توووووووووووووووووووووووووووووبه خلاص
بقولهم يعطوني كورس في موزمبيق خخخخخخخخخخخ
ياربي
القطو وراي وراي وين ما ا سير
خخخخخخخخخخ
وانا داخل شفت قطووووووووو يضحك علي عند باب العماره خخخخخخخخخخخ
وانا طالع بفلعه
خخخخخخخخ
اظن من باجر ماشي بووووووووووووووووووقيه
كل مني
شررررررررررررررررررررررده
.
هههههههههههههههههههههههههههههههههههههههه
يحليلك يا بو القطاو ,, هاذا درس لك عشان مره ثانيه ما تدح على صدرك وتقول انا سداد والدرب ما يباله شي
اسمع من مجرب ولا تتعنتر هههههههههههه
اهم شي وصلت بالسلامه وعليك بالعافيه ,
” دام من اول يوم دح سندويجات ” عيل الله يعين عقب اسبوع ,, بشرنا كم بيوصل عداد الميزان