أمس الصباح ولله الحمد اشتريت لي ستيشن Vx-r فل اوبشن جلد وفتحة وشاشة واسبيرين، خذتها، 230 ألف من بهوان، بحجز وضرابة، فبصراحة ما شاء الله تبارك الله ما عليها جلام، في قمة الروعة والفخامة، من ناحية سواقة وركبة حس انها غير عن الولية، حتى ان حنة المكينة اللي كانت في الأولى ما تكاد تسمعها في الجديدة، ومن ناحية العزم ما يحتاج، اخف عن الأولى، ومن ناحية الرحابة أوسح وأرحب من الداخل، وسواقتها قريبة من سواقة X5 الجديدة، وبالنسبة للبر بعدني ما طلعت فيها، لكن ناويلها على الويكند بنجربها ونخبركم عن هبتها في البر

55 thoughts on “تجربة قيادة الاستيشن الجديد 2008 – Vx-r”

  4. مبروك يا الفارس / يعطيك خيرها ويكفيك شرها ان شاء الله

    يوم الثلاثاء سرت البهوان وشفت السيارة ماشاء الله عليها ما فيها حيله بصراحه وعيبتني وصورتها بعد

    قالولي شي ثلاث أنواع حسب الي فهمته

    GX.R
    6 سلندر
    مكينتها 4.0
    نفس مكينة برادو 6 سلندر

    GX.R
    8 سلندر
    مكينتها 4.7
    مواصفاتها أقل عن vx.r

    VX.R
    8 سلندر
    مكينتها 4.7
    مواصفات أكثر اعتقد هاي الفل
    فيها نفجيشن وغيرة

    وعن 5.7 ما نزل بس كلام فاضي

    والله يا جماعة الخير روعة روعة ومن أول يوم الناس تدفع عربونها مع انها بتوصللهم بعد شهر

Comments are closed.