أمس الصباح ولله الحمد اشتريت لي ستيشن Vx-r فل اوبشن جلد وفتحة وشاشة واسبيرين، خذتها، 230 ألف من بهوان، بحجز وضرابة، فبصراحة ما شاء الله تبارك الله ما عليها جلام، في قمة الروعة والفخامة، من ناحية سواقة وركبة حس انها غير عن الولية، حتى ان حنة المكينة اللي كانت في الأولى ما تكاد تسمعها في الجديدة، ومن ناحية العزم ما يحتاج، اخف عن الأولى، ومن ناحية الرحابة أوسح وأرحب من الداخل، وسواقتها قريبة من سواقة X5 الجديدة، وبالنسبة للبر بعدني ما طلعت فيها، لكن ناويلها على الويكند بنجربها ونخبركم عن هبتها في البر
55 thoughts on “تجربة قيادة الاستيشن الجديد 2008 – Vx-r”
Comments are closed.
واياك يا أخوي، تسلم
تسلم أخويه واياك، وبالنسبة للجديد أكيد طال عمرك كله يديد، نظام التعليق مختلف والمكينة قوتها أقوى عن الأولى والبنسبة لخزان البترول صار واحد يستوعب كمية الاثنين معا، أمس عبيت بترول فل من أدنوك خصوصي بـ 170 وكتبلي في الكمبيوتر انه يمشيني 670 كم، والروعة ركبتها تحس انها أفخم بوايد عن الأولى، وأرحب
الله يعطيك خيرها ويكفيك شرها
الله يعطيك خيرها ويكفيك شرها الغالي
موفق ان شااء الله
بس خبرنا مكينتها كم حجمها وشو صرفيتها ومواصفاتها الزياده عن القديمه لو تسمح؟؟
وهل فيا شي يديد ولا بس شكل؟
مبروك اخوي ، والله يعطيك خيرها ويكفيك شرها