تاب والسبه ………..دلع الامارات

المهم وفي يوم من الايام طاح ع وحده مسميه عمرها دلع الامارات وضيع كل وقته معاها وتقريبا بدا يرتاح لها ويحبها

وبعدين قرر يختبرها وطرش لها رقم تيلفونه وكأن البنت ماصدقت واتصلت فيه على طول

تم يسهر معاها يسولف ويضحك واعجب اكثر شي بنبرة صوتها ، ومن كثر عذوبة الصوت رسم كل

اماله عليها بنى احلامه وياها وطبعا الشباب اكثر شي يشدهم الصوت خاصه اذا الوحده لاعبه

بالصوووت وترمس بأنعم نبره عندها

وقرر انه يشوف البنت اللي يرمسها عسب يفاتحها في الموضوع ، وكان اللقاء كالتالي :

في الموعد المحدد وقف سيارته للقاء الموعود ، واول ما ياا الوقت المحدد هو طبعا كان واصف

لها سيارته ولونها ورقمها

المهم يت وحده من بعيد تمشي وكانت متينه

فتحت باب السياره وقالها تآمرين ع شي الشيخه؟

قالت له : انا دلع الامارات

وكانت متغشيه يوم شاف متنها انصدم في البدايه بس رضى في الامر الواقع وفي النصيب المنتظر

ركبت السياره وكشفت عن ويهها هنيه خاب امله

يعني طلعت عكس عكس ماتصور

يلس بحسرته يعد الدقايق عسب ينتهي اللقاء

وبعد ما انتهى اللقاء

رجع البيت منهار ومصدوم

يلست أخته اتقوله شوفيك وبعد الحاح

قاللها الموضوع

طبعا هيه نقعت من الضحك ، وقالت له : تستاهل لانه في المسن مب كل دلع دلع ولا كل وحده كاتبه نك حلوه يعني حلوه

في النهايه الانترنت عالم وهمي

والنصيب عمره ما كان في النت والمسن

ومن هذاك اليوم وهو من الدوام للبيت ومن البيت للدوام