بـــــــــــــــــــوح الـــــروح …..؛

2٬582 thoughts on “بـــــــــــــــــــوح الـــــروح …..؛”

1. علموني شو أسوي في عيوني الدامعه
   عاشق وقلبي رهين في هواها من سنين
   أنتظر منها “ألو” وكل جوارحي جايعه
   متلهفه لصوتها من يسار ومن يمين
   ودي أوصل بيتهم والمسافه شاسعه
   واطلب ايدها للزواج لو أهلها رافضين
   وأعلن اني مستضيج في دروبي الضايعه
   واكتب اني مستعد للشروط ولليمين

   لعيونك اخوي الشامسي
   ابشر بقصيده تليق بالقافيه

   للحزن ساحات انا بصدري مثل ساحات القتال
   فيها الاصيله من مهاره تعُود بخيالها

   ولا يطفي حر مأبي من حرايق واشتعال
   الا الدموع الي من عيوني يهل هلالها

   لازال فيها دمعتين للفراق ولا تزال
   ذكر هنوف كل يوم احطها واشتالها

   راحت عسى مايلحقني مشارية الرجال
   تقول كني ما نخلقت من التراب الا لها

   عز الله ما نسيت افعالها بنت الحلال
   لعل ربي ما يجازيها بسوء افعالها

   اكبر جريمه تركتبها فالهوى من وسع بال
   واول ضمائيها بصدري شيدو لها تمثالها

   وشلون تهجرني وانا ماني على الهجر احتمال
   وشلون تهملني وانا ماني أطيق اهمالها

   وشلون تقطعني بسيف البعد قطاع الوصال
   وانا لو اقطع عروق قلبي ما قطعت وصالها

   وشلون ما تشتاق ما ترحم ما تذكر ما تسال
   وشلون ما تطلق ادين (ن) اقبلت بـــ غلاها

   مكسور خاطري والسؤال اعوذ من ذل السؤال
   يا منتظر من برج هاتفها يبث ارسالها

   لكن ما للادمي حيله لامن الحظ مال
   لا الميله الي فال ربي خير له فالها

   هي فقدتني من هنا وانا افتقدت الاتصال
   من يوم راحت لا رسايلها ولا جوالها

   يا قسوة الايام والحظ الردي والاتكال
   على مقولة المواقف الزوم لرجالها

   يالله دخيلك من تردية نصيب وشين فال
   من حيرة امري ولا عندي حيلة احتالها

   انها استرخصت قدري وطاحت قيمتي والهجر طال
   قولولها تترك مكابرها وتاخذ بالها

   انا من اللي فوق فوق وهاي هاي وعال وعال
   تركد ويركد عمها معها ويركد خالها

   لاوصلت للحد هذا لانقاش ولا جدال
   تبعد وتنكف الامور دقاقها واجلالها

   لو المفارق صعب والنسيان ضرب من الخيال
   ارخيت راسي لا يروق لها ولا يحلالها

   واحفظ لها قيمة غلاها وانتظر من شمال
   ولا نستني هذه الدنيا وهذا حالها

   اما اني انساها نسى الله من نسى ذاك القبال
   ياصـب روحي صـب دلتها على فنجالها

   قولولها لا سترخصت بي درهمين اتصال
   تهدي على جمعية الصم والبكم موبايلها

   غريب الدار

2. كلمات جديده للشاعر الاماراتى

   سعادة : حمد بن سهيل الكتبي

   قصيدة : ابـــــــــــــــــــعترف

   ابعترف للدنيا وكل العيون

   اني قبل ما احبها

   ما اعرف ولا ادري من انا

   ومنهو اكون

   ابعترف

   اني لقيت بحبها

   شيء مختلف

   ابعترف اني اموت بحبها

   ابعترف وشهود قلبي وقلبها

   ابعترف اني بدون عيونها

   اضيع في شرق الحياه وغربها

   كل ما اقول الها احبك عشت عيد

   وتقول لي ما اسمع عشان ارجع واعيد

   احسها اقرب لي من حبل الوريد

   مهما اكون بعيد ولا قربها

   ….

   هي عيني ومن غيرها ما اقدر اشوف

   هي شمسي و مزني وهي احلى الوصوف

   واغلى ثلاث حروف في كل الحروف

   واجمل هديه في حياتي حبها

   ….

   هذا انا بكامل ودادي اعترف

   اني معاها صرت شخصِ مختلف

   احبها من ياء قلبي للألف

   والحب توقيعي لها ولقلبها

3. يظن البعض…

   ان وجودنا في حياتهم أمرا مسلّما به…

   فـــ يزهدون بـــنا ..؛

   ولا يخافون أبدا..

   من فكرة خسارتنا…

   هؤلاء..

   حتما..

   حتما..

   لا يعرفون قيمتنا..

   لا يعرفون حقيقتنا..

   ولا حقيقة انفسهم .. في غيابنا..

   ولا يعرفون أن فرح الحياة..

   لا يكون إلاّ بـــ القرب منّا نحن..

   وفي ظلّنا فقط..

4. كلّما بحثت عن ذاتي …

   وجــــــــــــدتـــ ك …؛

5. !
   !
   !

   .. سمي .. سمي ..

   

   !
   !
   !

   يا العيون اللي تصيب ولا تسمي

   

   منك أحب الجرح لو ما يتجارى

   

   بالعقل سمي و بالخفاق سمي

   

   رغبتين كلها يمك تبارى

   

   !
   !
   !

   إيه أحبك

   

   والغلا يسري بدمي

   

   والسهر ما قدر عيون السهارى

   

   والله إني .. ماشكيت الناس همي ..

   

   لو عظيم الحلم .. عن عيني توارى ..

   

   !
   !
   !

   أنثر ورود الغلا

   

   و تروح

   

   .. لمي ..

   

   رشفةً

   

   تروي ظما كل الصحارى

   

   ما سألت الناس عن مدحي و ذمي

   

   دايم الغيرة لها قلوب غيارى

   

   !
   !
   !

   لمي أحزان الزمن و الهم

   

   .. لمي ..

   

   يكفي .. سنين مضت و انا .. حيارى

   

   رحت .. يمك ..

   

   ليتك تروحين .. يمي ..

   

   كان شفتي كيف .. تدليل العذارى ..

   

   !
   !
   !

   حقوق التنسيق محفوظه @ كبير المستثمرين 2008

Comments are closed.