السلام عليكم
نظرا للأقبال والمشاركة الكبير لموضوع ايجابيات وسلبيات
اللكزس 570 والاستيشن اليديد دمجت موضوعين في واحد لسهولة الوصول الي الموضوع واهميتة لكثير من الاعضاء
اشكر العضو النشيط المتميز صاحب الموضوعين
العضو
74407
السلام عليكم ورحمة الله وبركاته
الكل يعرف الكزس الفورويل LX 570 وفي هذا الموضوع نبا نطرح شو (ايجابيات وسلبيات) هالسيارة من حيث الشكل والسعر والسيرفس والمشاكل الي تصادف مستخدميها ومن حيث الثبات والهدوء على الطريق و التقنيات لي فيها و هل قاصرنها شي المصنع نسى يضيفه فيها
يعني باختصار نبا تقييم شااامل عنها
الي يحب يشارك يتفضل يقول رايه عشان الكل يستفيد من هذا الموضوع
مافيك حيلة يالمهيري ههههههههههههههههههههههههههههههههههههههه
هيه صح نسيت اقولكم بعد
هذا سعر الـ 570 من المصنع شوفوا كم !!!
76000×3.68= 280 الف <– والفطيم يبيعها 100 الف اكثر ..!
لو يبيعها 50 الف اكثر بعد نمشيها بس 100 وايد الصراحه
لو حد يشتكي عند المكتب الاقليمي ويقولهم عن الاسعار لانه ظلم اللي يسويه الفطيم
ومب بس الفطيم كل الوكالات جيه بس مانقول غير حسبي الله ونعم الوكيل
مشكلتكم تقولون عنها غاليه ليش؟ لانها لكزس ومصنوعه في اليابان
لو كانت نفس السياره ونفس الشكل والمواصفات بس شعار بي ام وراها بتقولون تستاهل سعرها
ليش نظلم السياره ..؟
مواصفاتهاا تتقارن مع الالماااني
ليش تقولون اكس 5 او كايين ..!!! يوم يكونون من نفس الفئه بعدين ارمسوا
بعدين خلونا نكون واقعيين وبكل صراحه الاكس 5 سوااقتهاا مب مريييحه وانا سقت اكس 5 واكس 6 بعد وبورش كايين توربو 2009 مب مرييحه شرات اللكزس في المدينه
وديزاين اللكزس من دااخل احلى ملايين المرات عن الاكس 5
عموماا ماابا اقارن سيارات من فئات مختلفه
هاتولي سياره بنفس حجم اللكزس وقارنوهم بالمواصفاات والمكينه والاعطال وعقب قولوا ماتستاهل
بتقولون انفينيتي Qx65 بقولكم اللكزس افخم مليون مره اركبوا في السيارتين واحكموا
بتقولون كاديلاك اسكاليد صح انها فخمه وقويه بس اللكزس افخم وخرابتهاا اقل ونقدر نقول معدومه جدام الكاديلاك
بتقولون مرسيدس Gl500 بقولكم المرسيدس من ناحية الشكل احلى بس الفخامه تنحاز للكزس ولو ان المكينه متساويه في القوه اللكزس 5.7 381 حصان والمرسيدس 5.5 388 حصان
عموما يبقى اللكزس لكزس افخم سياره في فئتها وقارنوا مبيعاتهاا بـ مبيعات السيارات الثانيه واحكموا
مبروك يا زايد
الموتر ازقرت بس الصراحه احس ما فيها عزم وايد انا عندي شراتها سوده 2009
الغالي من وين ماخذ الرنقات وكم سعرها الصراحه شكلها دلع
بس الموتر عندي عليه ملاحظة لما اتي جريب الموتر ما يفتح مع ان اللكزس من اتي صوبها تفتح الباب
والسموحه