السلام عليكم و رحمة الله و بركاته
الحمد لله بدينا المشوار .. و اول موظوع لي في هالمنتدى انشالله ينجح ..
الموظوع موظوع سيايير .. طبعا شرات ما الكل عارف انه اسعار السيايير وايد مرتفعه فالبلاد … كل انواع السياير.. و انشالله انا بالتوفيق من ربي و عون الله اقدر اني اوفر لكل عظو السياره الي يباها . و اللون الي يبيه و المواصفات الي يباها و باحلى سعر يرظاه ..

والمشروع في بدايته .. و انشالله اتوفق و اكمل و افتح شركه .. و كل هاذا بتوفيق ربي و تشجيعكم لي ..
في البدايه احب اشرح الموظوع
في انواع وايده من السيايير داخله فالمشروع
بس انا ابي اي واحد يبي يتعامل معاي :
1- يطلب مني النوع الي يباه .. و بنتفق على السعر وانشالله يكون راظي .. و انا طبعا اسعاري راح تكون اقل عن اسعار السوق ..

2- يتم الاتفاق على العربون و الجزء المدفوع مقدما ..

3- اشحن له موتره .. و اول ما يستلمه يدفع باقي المبلغ ..

4- ااكد انه ما راح يدفع العظو ولا درهم غير المبلغ الي بنتفق عليه .. لا عشان شحن ولا جمارك ولا اي شي .. المبلغ المطلوب و خلاص .. بيستلم السياره كامله ..

والسيايير كلها بتكون مواصفات امريكيه .. و مستورده من امريكا .. .. .. انا حاليا في امريكا .. و عشان جي باديين البزنس هاذا ..

الطلب راح يكون على حسب ما تبون .. اي نوع من المواتر ..

مزراتي
مرسيدس
بي ام .. اي شي في خاطركم انشالله يكون متوفر ..

السياره الي بييبها لكم راح يكون معاها تقرير يثبت انه ما فيها اي حوادث .. من كار فاكس ..

الشحن مع التامين و تقريبا بياخذله 4 اسابيع من وقت الشراء لين وقت وصول الموتر لين باب بيتكم J
انا بحاول اني آخذ طلبات محدوده عشان ماريد ولا شي يتاخر ولا شي يكون ناقص وكل شي يكون على اكمل وجه
اتمنى من الاخوان التشجيع و التعاون .. و ربي يوفق الجميع ..
تحياتي …

One-person

446 thoughts on “&&&&&&&& الي يبـي يشتري سيارة .. طلبات السيارات من امريكا.. ( سيارات للبيع ) &&&&&&”

  1. السلام عليكم

    مشكور على الموضوع

    أبغي أسأل بخصوص البيك أب هايلوكس تويوتا 2008 – 2009

    إلى في أمريكا مواصفاتة
    6 سلندر
    سعة 3.0

    هل في امكانية تعرف سعرة

    وشكرا

  2. يزاك الله خير اختي على مجهوداتك الطيبه وعلى تواصله الدائم مع الجميع ….. بخصوص البقي ماياني شي لين الحين وانا اتري اذا هب حق الموسم هذا نستعد للموسم الياي…. اما بخصوص الجمس سعره وايد غالي والفرق بينه وبين الخليجي بسيط …

    وشكرا على التواصل

  4. هلا اخوي

    ماشي اخوي 2009 ..

    جيكت لك الفين و ثمانيه ..

    تقريبا في حدود 135 الف درهم شامل كل شي

    تحياتي

    السلام عليكم

    اختي جزاك الله خير على اهتمامك وحسن ذاتك لك كل التقدير.

    ارجو التكرم بتوضيح مواصفات السكويا 2008 الموجوده

    *اللون لؤلؤي بيج من الداخل
    *فور ويل
    *5.7اماكينه
    *المقاعد للصف الثاني 3 مقاعد
    *نفقيشن
    *جنوط20المونيم
    *فتحه
    *االفئه ستاندر اولمتد اوبلتونيوم

    تحياتي

Comments are closed.