&&&&&&&& الي يبـي يشتري سيارة .. طلبات السيارات من امريكا.. ( سيارات للبيع ) &&&&&&

446 thoughts on “&&&&&&&& الي يبـي يشتري سيارة .. طلبات السيارات من امريكا.. ( سيارات للبيع ) &&&&&&”

1. هلا اختي

   بخصوص الكورفيت

   على فكرة سعرها وايد غالي

   من اسبوعين بعت موديل 2001 ب 68000 !!!

   يعطيج العافية

2. مشكوره اختي على اهتمامك للموضوع والمهم انا ماعندي اي فكرة عن الاسعار بالضبط وما محطي اي سعر ببالي وعلشان جي انا سألتك
   المهم ان بسهل عليج المهمة وعطيج المواصفات

   Toyota Tundra كبينة وحدة موديل 2009 ابيض اللون
   فور ويل
   جير اتوماتيك ويكون تحت مب في السكان
   شبك امامي
   كروم في المدعامية الامامية والمدجار الخلفي والدواسات

   اذا اتكرمتي ابغي اعرف السعر واصل الامارات على هذه المواصفات

   هلا اخوي

   سعرها بيكون قريب سعر البلاد لانها يديده….. فما تسوى عليك تتريا عسب فرق بسيط …

   و السموحه

3. لو سمحتي.. في مجال لاستيراد مواتر مكنسله؟

   أنا أدور على مرسيدس G55 أو G500 مكنسل.. أي موديل بعد 2002 ..
   
   أنا أدور البدي .. يعني حتى لو كانت المكينه مضروبه مافي مشكله..
   
   والسمووووووووووحه

   السلام عليك اخوي …

   طلبك صعب والله ….. إذا تباها صاحيه أروم أدورلك …. بس متكنسله صعب … إذا انت حصلت في النت و تبانا نشوفلك اياها ما بنقصر وياك

   والسموحه

4. 
   

   اول شىء اشكرج على ردج واسلوبج الراقي .. و يزاج الله خير وبالفعل ترتاح مع التاجر يوم يكون صريح وواقعي معاك من البداية بالأرقام ويتقبل اي استفسارات بدون حساسية

   العفو اخوي ولا يهمك .. واجبنا نحن والله .. وانت ما قصرت ما عليك زود ..

   اختي عندي كم من سؤال ..؟
   اول شىء .. ال 5% .. هذه لجمارك امريكا ولا جمارك دولة الأمارات ..؟

   جمارك الدولة اخوي ( الامارات )

   السؤال الثاني .. اختي هو مب سؤال ولا انتقاد ولا بخس .. واتمنى انك تآخذيه بحسن نية ..

   ولا يهمك ..

   عمولتكم 3000 دولار يعني تقريبا 11040 درهم .. ماتشوفينها كبيره شوي ..؟او وايد على اخوانج ؟ ولا شىء اسباب لهذا الأرتفاع ..؟

   اول شي ال 3000 هاي عمولة على متوسط اسعار المواتر .. ممكن تقل و ترتفع و هي تشمل اشيا ثانيه غير الفايده مثل الاوراق و البريد الاوراق الي رايحه فدكس و راجعه اوفر نايت يبالها مصاريف .. والجيكات و المصاريف الثانيه .. ونحن اذا شخص كان جاد ويانا و يبا الموتر خلاص .. نقدر نتفاوظ وياه و الشي الوحيد الي نقدر نتفاوظ فيه هي العمولة !! و لا نقدر انغير الشحن ولا الموتر ؟؟ يعني بختصار هو يعتمد على حسب الموتر … والشحن بعد نفس الشي .. السعر الي احطه متوسط هب نهائي .. يعتمد لو كان في شحن داخلي و لو لا .. و يعتمد على سعر الموتر . والتامين يفرق ..

   لو خبرتيني انكم تفحصون الموتر فحص شامل مثل الوكالة.. شوي بنطيع نبلعها .. بس هممم ما ادري شو اقول انا مب داخل احسد ولا ابخس اختي الكريمة بس لو تراعونا .. بتعطونا فرصة اكبر للتعامل وصدقوني الربح القليل متواصل ولا الربح الكثير المتقطع

   اخوي انا ما قلت شي .. و بالنسبه للفحص اذا اي حد طلب الفخص انسويله فحص شامل و انسلمه التقرير .. و لو ما طلب ع راحته .. و حط فبالك ها بعد ادفعه من العمولة ما ازيد ولا شي من السعر عشان الفحص ..

   اتمنى ان كلامي ما جرح اي حد .. ولا انتي يا اختي الكريمة .. بس لو عندكم معايير معينة مثل

   اذا السياره سعرها 20 الف دولار الى 40 ال دولار عمولة 1000 $
   اذا السياره سعرها 41 الف دولار الى 60 … عمولة تزيد وهكذا ..

   شرات ما قلتلك اخوي نعم موجوده هالمعايير عندي

   وهذا طبعا مثال لا اكثر ولا اقل .. اتمنى اني ما ثقلت عليكم والسموحة من الجميع

   تم الرد فوق فالاقتباااس

   باللون الاحمر

   لا ولا يهمك بالعكس والله مستانسه من اسلوبك الراقي فالتعامل .. و الله يكثر من امثالك يارب

   وتقبل فايق احترامي و تقديري ولو عندك اي استفسار انا حاظره

   تحياتي

5. 
   

   انا الي طلبت الكورفيت موديل 98 او 99 او 2000

   انا امس شيكت مع الجمارك وعندي ربيعي يشتغل في جمارك دبي

   قالولي عادي مافي مشكلة دخول السيارات القديمة وقرار منع دخولهم ما وصلهم ولا ياهم شي رسمي

   والنقطة الثانية هي نقطة الدفع

   اذا كانت السيارة نظيفة من كل النواحي وسعرها مناسب
   وفي ضمانات على الموضوع اكيد راح ادفع المبلغ كامل لاخوج مافي مشكلة

   انتظر ردج

   يعطيج العافية

   يا مرحبا اخوي

   اسمحليه ع التاخير ..

   لقيت لك وحده سودا نظيفة ..

   وهاي صورها

   ماشيه 112 الف مايل .

   اسود من داخل

   موديل 1999

   سعرها شامل كل شي .. 79 الف درهم ..

   

   

   

   

   

   

   انتظر الرد .. و الراي فالسعر ..
   وانشالله ما نحتلف

   تحياتي

Comments are closed.