السلام عليكم و رحمة الله و بركاته
الحمد لله بدينا المشوار .. و اول موظوع لي في هالمنتدى انشالله ينجح ..
الموظوع موظوع سيايير .. طبعا شرات ما الكل عارف انه اسعار السيايير وايد مرتفعه فالبلاد … كل انواع السياير.. و انشالله انا بالتوفيق من ربي و عون الله اقدر اني اوفر لكل عظو السياره الي يباها . و اللون الي يبيه و المواصفات الي يباها و باحلى سعر يرظاه ..
والمشروع في بدايته .. و انشالله اتوفق و اكمل و افتح شركه .. و كل هاذا بتوفيق ربي و تشجيعكم لي ..
في البدايه احب اشرح الموظوع
في انواع وايده من السيايير داخله فالمشروع
بس انا ابي اي واحد يبي يتعامل معاي :
1- يطلب مني النوع الي يباه .. و بنتفق على السعر وانشالله يكون راظي .. و انا طبعا اسعاري راح تكون اقل عن اسعار السوق ..
2- يتم الاتفاق على العربون و الجزء المدفوع مقدما ..
3- اشحن له موتره .. و اول ما يستلمه يدفع باقي المبلغ ..
4- ااكد انه ما راح يدفع العظو ولا درهم غير المبلغ الي بنتفق عليه .. لا عشان شحن ولا جمارك ولا اي شي .. المبلغ المطلوب و خلاص .. بيستلم السياره كامله ..
والسيايير كلها بتكون مواصفات امريكيه .. و مستورده من امريكا .. .. .. انا حاليا في امريكا .. و عشان جي باديين البزنس هاذا ..
الطلب راح يكون على حسب ما تبون .. اي نوع من المواتر ..
مزراتي
مرسيدس
بي ام .. اي شي في خاطركم انشالله يكون متوفر ..
السياره الي بييبها لكم راح يكون معاها تقرير يثبت انه ما فيها اي حوادث .. من كار فاكس ..
الشحن مع التامين و تقريبا بياخذله 4 اسابيع من وقت الشراء لين وقت وصول الموتر لين باب بيتكم J
انا بحاول اني آخذ طلبات محدوده عشان ماريد ولا شي يتاخر ولا شي يكون ناقص وكل شي يكون على اكمل وجه
اتمنى من الاخوان التشجيع و التعاون .. و ربي يوفق الجميع ..
تحياتي …
One-person
اخي الكريم السلام عليكم
ارجو التكرم بالبحث لي عن تايوتا سكويا 2009 ماكينه5.7 (4*4 دبل)اللون ابيض من الداخل بيج المراتب للصف الثاني مشبوكه اي سعة 3راكب فتحه لايتجاوز العداد اكثر من 15000 ميل غير مصدوم او غرقان او اي اضرار اخرى واصل للسعوديه ان امكن او الامارات اذا تعذر للسعوديه .
لك كل الشكر والتقدير
السلام عليكم
السياره الي طالبتنها اختي باتشيه اسمها Shelby Mustang GT 500 موديل 1969
وهي سياره خاصه لفلم Gone in 60 seconds واظن اني شايفنها معروضه للبيع بس سعرها كان فوق
المهم لو حاب اطلب ال BMW 750 Li 2009
اليديده , سعرها في موقع الBMW على 100 الف دولار ولا شي جي , ولو حاب اطلبها متى يمكن توصل و لو في إمكان ان تكون مواصفاتها خليجيه
و السموحه و انتظر الرد
هلا اختي
من وين يايبه الصور انتي اختيه
عشان اتسهلين علي البحث
__________________
اختي ممكن تسئليلي عن هالسيارة
هي معروضة للبيع في امريكا و هي سيارة كلاسيكية قديمة معروفة و غنية عن التعريف في امريكا
بس حبيت اعرف سعرها ،، و اذا طلع سعرها حلو اخوي بيطلبه منك ،،
و هاذي صور السيارة ، بس يا ريت لو تحصلها بالضبط ،، لان اخوي يقول متاكد معروضة في امريكا نفسها بالضبط
.
يا ريت يكون الرد في اسرع وقت //
سعر السيارة بليز
و السموحة
و بالنسبة للميزانية ما يهمج ،، الميزانية مفتوحة بس بغيت اعرف السعر لو سمحتي
هلا اخوي ..
اخوي على كم تتوقع القاها لك .. كم رينج السعر مالك ..
انتظر الرد
__________________