السلام عليكم و رحمة الله و بركاته
الحمد لله بدينا المشوار .. و اول موظوع لي في هالمنتدى انشالله ينجح ..
الموظوع موظوع سيايير .. طبعا شرات ما الكل عارف انه اسعار السيايير وايد مرتفعه فالبلاد … كل انواع السياير.. و انشالله انا بالتوفيق من ربي و عون الله اقدر اني اوفر لكل عظو السياره الي يباها . و اللون الي يبيه و المواصفات الي يباها و باحلى سعر يرظاه ..

والمشروع في بدايته .. و انشالله اتوفق و اكمل و افتح شركه .. و كل هاذا بتوفيق ربي و تشجيعكم لي ..
في البدايه احب اشرح الموظوع
في انواع وايده من السيايير داخله فالمشروع
بس انا ابي اي واحد يبي يتعامل معاي :
1- يطلب مني النوع الي يباه .. و بنتفق على السعر وانشالله يكون راظي .. و انا طبعا اسعاري راح تكون اقل عن اسعار السوق ..

2- يتم الاتفاق على العربون و الجزء المدفوع مقدما ..

3- اشحن له موتره .. و اول ما يستلمه يدفع باقي المبلغ ..

4- ااكد انه ما راح يدفع العظو ولا درهم غير المبلغ الي بنتفق عليه .. لا عشان شحن ولا جمارك ولا اي شي .. المبلغ المطلوب و خلاص .. بيستلم السياره كامله ..

والسيايير كلها بتكون مواصفات امريكيه .. و مستورده من امريكا .. .. .. انا حاليا في امريكا .. و عشان جي باديين البزنس هاذا ..

الطلب راح يكون على حسب ما تبون .. اي نوع من المواتر ..

مزراتي
مرسيدس
بي ام .. اي شي في خاطركم انشالله يكون متوفر ..

السياره الي بييبها لكم راح يكون معاها تقرير يثبت انه ما فيها اي حوادث .. من كار فاكس ..

الشحن مع التامين و تقريبا بياخذله 4 اسابيع من وقت الشراء لين وقت وصول الموتر لين باب بيتكم J
انا بحاول اني آخذ طلبات محدوده عشان ماريد ولا شي يتاخر ولا شي يكون ناقص وكل شي يكون على اكمل وجه
اتمنى من الاخوان التشجيع و التعاون .. و ربي يوفق الجميع ..
تحياتي …

One-person

446 thoughts on “&&&&&&&& الي يبـي يشتري سيارة .. طلبات السيارات من امريكا.. ( سيارات للبيع ) &&&&&&”

  2. اختي شوفيله رنج سبورت 2006 اللون ابيض او اسود او احمر كم بيوصل لبلاد بدون الجمارك للامارات

  3. هي ادري ترا اختلاف المسمى .. تيي عندنا cl 500 بس هي فأمريكا cl550 .. يعني نفس الشي ..

    هي الي اباها cl 550 .. بس ماشي وحده2007 عليها كت 63 ؟؟؟؟؟

  4. الصراحه اسعارج وايد حلوه .. بس عندي طلب ما عليج امر لأني والله عيزت وانا ادور ..

    ابا cl500 ويكون كت 63.. طبعا موديل 2007 عشان السعر يكون ارخص.. ابيض ومن داخل بيج..

    تسوين فيني خير اذا لقيتي شي.. والسموحه

    هلا اخوي

    بالنسبه لل سي ال 500 ما شي الموجود 600 و فوق 550 و ام ام جي
    لقيت لك هاي سي ال 600 2007

    رماديه من داخل اسود

    2007 و سي ال 550

    سعرها واصله البلاد

    313 الف درهم

    ==============================

    ماشي عدنا سي ال 500 حتى ال 2008

    لقيت لك هاي

    فظيه من داخل بيج محروق عجيب

    وسعرها 355 الف درهم شامل كل شي .

    وهاي الصوره

    والسموحة اخوي …………….

    تحياتي

    __________________

  5. انا سمعت ان اللكزس 460 بــــ 100 الف وموديل 2008 ادا تقدر تيب لي رشلي على الخاص

    هلا اخوي

    اسمحلي اقولك انه ها كلام فاظي و اشاعات من الاشاعات الي منتشره فالبلاد

    اخوي ارخص وحده لقيتها كانت ب 150 الف درهم تقريبا و ها السعر بدون ولا شي لا شحن ولا شي و 2007 هب 2008 بعد

    السموحة اخوي

    وشكرا ع المرور

    __________________

Comments are closed.