السلام عليكم و رحمة الله و بركاته
الحمد لله بدينا المشوار .. و اول موظوع لي في هالمنتدى انشالله ينجح ..
الموظوع موظوع سيايير .. طبعا شرات ما الكل عارف انه اسعار السيايير وايد مرتفعه فالبلاد … كل انواع السياير.. و انشالله انا بالتوفيق من ربي و عون الله اقدر اني اوفر لكل عظو السياره الي يباها . و اللون الي يبيه و المواصفات الي يباها و باحلى سعر يرظاه ..

والمشروع في بدايته .. و انشالله اتوفق و اكمل و افتح شركه .. و كل هاذا بتوفيق ربي و تشجيعكم لي ..
في البدايه احب اشرح الموظوع
في انواع وايده من السيايير داخله فالمشروع
بس انا ابي اي واحد يبي يتعامل معاي :
1- يطلب مني النوع الي يباه .. و بنتفق على السعر وانشالله يكون راظي .. و انا طبعا اسعاري راح تكون اقل عن اسعار السوق ..

2- يتم الاتفاق على العربون و الجزء المدفوع مقدما ..

3- اشحن له موتره .. و اول ما يستلمه يدفع باقي المبلغ ..

4- ااكد انه ما راح يدفع العظو ولا درهم غير المبلغ الي بنتفق عليه .. لا عشان شحن ولا جمارك ولا اي شي .. المبلغ المطلوب و خلاص .. بيستلم السياره كامله ..

والسيايير كلها بتكون مواصفات امريكيه .. و مستورده من امريكا .. .. .. انا حاليا في امريكا .. و عشان جي باديين البزنس هاذا ..

الطلب راح يكون على حسب ما تبون .. اي نوع من المواتر ..

مزراتي
مرسيدس
بي ام .. اي شي في خاطركم انشالله يكون متوفر ..

السياره الي بييبها لكم راح يكون معاها تقرير يثبت انه ما فيها اي حوادث .. من كار فاكس ..

الشحن مع التامين و تقريبا بياخذله 4 اسابيع من وقت الشراء لين وقت وصول الموتر لين باب بيتكم J
انا بحاول اني آخذ طلبات محدوده عشان ماريد ولا شي يتاخر ولا شي يكون ناقص وكل شي يكون على اكمل وجه
اتمنى من الاخوان التشجيع و التعاون .. و ربي يوفق الجميع ..
تحياتي …

One-person

446 thoughts on “&&&&&&&& الي يبـي يشتري سيارة .. طلبات السيارات من امريكا.. ( سيارات للبيع ) &&&&&&”

  1. شايق جيب اس ار تي 8 موديل 2008 معروض فى الاي باي بـــ 35 الف دولار لكن العروض المقدمه ما زادت على 20 الف…

    كيف ممكن تجيبه لي و باي سعر ؟

    ما فهمت قصدك اخوي !!!!!!!!!!!!!!!!

    __________________

  2. السلام عليك اخويه ..

    الاختيار الثاني الي لقيته لك .. غير هاييج الي لقيت لك اياها ..
    وارخص شي لقيته بالمواصفات الي تريدها ..

    مافيها حوادث ولا شي ,, و للتاكيد اخويه اي موتر احطه فموظوعي ما فيه حوادث ولا غرقان ولا شي

    لقيتلك اياها واصله لين عندك

    252 الف درهم .. يعني اغلى عن هايييييج و هاييج سعرها وايد حلو

    الي عايبتنك اول شي ..

    وما لقيت ارخص عنها ..

    وبالمواصفات مالتها ..

    وهاي الي لقيتها تقدر اتشوف صورتها ..

    والسموحة اخويه الراي رايك ..

    انتظر الرد

    السلام عليكم ورحمه الله وبركاته

    يعطيج العافيه على هذا المجهود الرائع

    بصراحه تظل اسعارج ارخص عن الي موجود عندنا بالامارات

    طبعا انا طالب منج S550 ابيض من الداخل بيج والمواصفات فل ابشن موديل 2007

    وسعرج ممتاز الصراحه بس عندي طلب بسيط

    ابي اعرف كم سعر السياره S550 AMG ابيض من الداخل بيج موديل 2007 او 2008

    اذا كان مقارب لسعر السياره حصلتيها لي راح اخذها ولو حتى اغلى بشوي المهم نظافه السياره

    انتظر ردج مع الاسعار وصدقيني اسعارج ممتازه جدا

    وربي يعطيج الصحه والعافيه

    __________________

  3. آخر 4 ردود برد عليكم باجر ..

    شكرا التواصل و سوري عالتاخير

    تم الرد ع كل الرسايل فالخاص ..

  4. ممكن سعر سيكويا طبعا هذي التويوتا الجديد

    المشابه للجمس حق العائله

    طبعا فول ابشن 2009 على الخاص لو سمحتوا

  5. هلا اخوي

    لقيت لك وحده بيظا موديل 2006 3 بوينت او

    110 الاف

    لكن ما لقيت ولا وحده 4 بوينت 8 !!!!!!!!!!

    القى 4 بوينت 4 !! مادري لو هو نفسه الي اتريده او لا

    انتظر الرد

    لا مب نفسه معقوله ماشي 4.8

    __________________

Comments are closed.