السلام عليكم و رحمة الله و بركاته
الحمد لله بدينا المشوار .. و اول موظوع لي في هالمنتدى انشالله ينجح ..
الموظوع موظوع سيايير .. طبعا شرات ما الكل عارف انه اسعار السيايير وايد مرتفعه فالبلاد … كل انواع السياير.. و انشالله انا بالتوفيق من ربي و عون الله اقدر اني اوفر لكل عظو السياره الي يباها . و اللون الي يبيه و المواصفات الي يباها و باحلى سعر يرظاه ..

والمشروع في بدايته .. و انشالله اتوفق و اكمل و افتح شركه .. و كل هاذا بتوفيق ربي و تشجيعكم لي ..
في البدايه احب اشرح الموظوع
في انواع وايده من السيايير داخله فالمشروع
بس انا ابي اي واحد يبي يتعامل معاي :
1- يطلب مني النوع الي يباه .. و بنتفق على السعر وانشالله يكون راظي .. و انا طبعا اسعاري راح تكون اقل عن اسعار السوق ..

2- يتم الاتفاق على العربون و الجزء المدفوع مقدما ..

3- اشحن له موتره .. و اول ما يستلمه يدفع باقي المبلغ ..

4- ااكد انه ما راح يدفع العظو ولا درهم غير المبلغ الي بنتفق عليه .. لا عشان شحن ولا جمارك ولا اي شي .. المبلغ المطلوب و خلاص .. بيستلم السياره كامله ..

والسيايير كلها بتكون مواصفات امريكيه .. و مستورده من امريكا .. .. .. انا حاليا في امريكا .. و عشان جي باديين البزنس هاذا ..

الطلب راح يكون على حسب ما تبون .. اي نوع من المواتر ..

مزراتي
مرسيدس
بي ام .. اي شي في خاطركم انشالله يكون متوفر ..

السياره الي بييبها لكم راح يكون معاها تقرير يثبت انه ما فيها اي حوادث .. من كار فاكس ..

الشحن مع التامين و تقريبا بياخذله 4 اسابيع من وقت الشراء لين وقت وصول الموتر لين باب بيتكم J
انا بحاول اني آخذ طلبات محدوده عشان ماريد ولا شي يتاخر ولا شي يكون ناقص وكل شي يكون على اكمل وجه
اتمنى من الاخوان التشجيع و التعاون .. و ربي يوفق الجميع ..
تحياتي …

One-person

446 thoughts on “&&&&&&&& الي يبـي يشتري سيارة .. طلبات السيارات من امريكا.. ( سيارات للبيع ) &&&&&&”

  4. في البداية نتمنى لك التوفيق

    وياريت توضح لنا نوع السيارات التي تراها مناسبة لبيئة الخليج .. وانا على استعداد تام لمساعدتك طالما المسالة في كسب .. والتجارة شطاره والله الموفق

    السلام عليك

    شكرا على مرورك اخوي ..

    في وايد انواع من المواتر .. و ما تفرق البيئه على نوع الموتر .. يعني عن الجو ترى امريكا نصها حر و شرات البلاد مناخهم ..

    بس في سيارات تفرق اسعارها عن البلاد اكثر عن غيرها .. يعني مثلا ال 2009 ما في فرق وايد فالسعر .. لانك تدفع عليها ظريبه في امريكا قبل ما تشحنها

    اما باقي السنوات ماله داعي ظريبه .

    السيارات الالمانيه هي الي انا احسها فيها اكثر فرقيه مثل المرسيدس .. و غيرها ..

    والله الموفق .. ما تقصر اخوي ..

  5. لو سمحتي خلي الرد على الاستفسارات على العام وليس الخاص علشان تعم الفايده على الجميع من خلال الاجابه على الاستفسارات

    اهلين اخوي ..

    انا مشكلتي لو رديت على العام بتصير لخبطه و الي سال يدور على الجواب و جيه

    فاشوف انه اسهل حل العظو الي يستفسر يتواصل على الخاص

    وانشالله ارد على كل استفسارات الناس

    شكرا على المرور

Comments are closed.