السلام عليكم و رحمة الله و بركاته
الحمد لله بدينا المشوار .. و اول موظوع لي في هالمنتدى انشالله ينجح ..
الموظوع موظوع سيايير .. طبعا شرات ما الكل عارف انه اسعار السيايير وايد مرتفعه فالبلاد … كل انواع السياير.. و انشالله انا بالتوفيق من ربي و عون الله اقدر اني اوفر لكل عظو السياره الي يباها . و اللون الي يبيه و المواصفات الي يباها و باحلى سعر يرظاه ..

والمشروع في بدايته .. و انشالله اتوفق و اكمل و افتح شركه .. و كل هاذا بتوفيق ربي و تشجيعكم لي ..
في البدايه احب اشرح الموظوع
في انواع وايده من السيايير داخله فالمشروع
بس انا ابي اي واحد يبي يتعامل معاي :
1- يطلب مني النوع الي يباه .. و بنتفق على السعر وانشالله يكون راظي .. و انا طبعا اسعاري راح تكون اقل عن اسعار السوق ..

2- يتم الاتفاق على العربون و الجزء المدفوع مقدما ..

3- اشحن له موتره .. و اول ما يستلمه يدفع باقي المبلغ ..

4- ااكد انه ما راح يدفع العظو ولا درهم غير المبلغ الي بنتفق عليه .. لا عشان شحن ولا جمارك ولا اي شي .. المبلغ المطلوب و خلاص .. بيستلم السياره كامله ..

والسيايير كلها بتكون مواصفات امريكيه .. و مستورده من امريكا .. .. .. انا حاليا في امريكا .. و عشان جي باديين البزنس هاذا ..

الطلب راح يكون على حسب ما تبون .. اي نوع من المواتر ..

مزراتي
مرسيدس
بي ام .. اي شي في خاطركم انشالله يكون متوفر ..

السياره الي بييبها لكم راح يكون معاها تقرير يثبت انه ما فيها اي حوادث .. من كار فاكس ..

الشحن مع التامين و تقريبا بياخذله 4 اسابيع من وقت الشراء لين وقت وصول الموتر لين باب بيتكم J
انا بحاول اني آخذ طلبات محدوده عشان ماريد ولا شي يتاخر ولا شي يكون ناقص وكل شي يكون على اكمل وجه
اتمنى من الاخوان التشجيع و التعاون .. و ربي يوفق الجميع ..
تحياتي …

One-person

446 thoughts on “&&&&&&&& الي يبـي يشتري سيارة .. طلبات السيارات من امريكا.. ( سيارات للبيع ) &&&&&&”

  1. السلام عليكم

    اختي عشان ما اتعبج وايد ابا اعرف بس سعر اللكزس IS-F

    الي نفس الـ is300 الموجوده عندنا بس هاي اتيي 8 سلندر واقوى شوي معا زوايد

    المهم بغيت اعرف سعرها واصله الامارات كم تقريبا

    وتكون موديل 2008 او 2009

    مش مشكله سواء مستعمله او زيرو

    والسموحه

  2. راف 4 كوبي اللون أسود فورويل وسعر حلو

    كم بيكون أخوي

    اخوي ما حددت السنه

    بس ماتوقع تفرق وايد الراف فور اهنيه في امريكا ما تستاهل يعني تدفع عليها شحن و جمارك ..

    عطني السنه والموديل ..

    انتظرك اخويه

  4. أخوي لو سمحت بغيت اعرف سعر المرسيدس s550 2007 أبيض
    واصل الامارات
    وشكراااااااااااااا

    السلام عليكم

    مرسيديس اس 550
    اسود من داخل بيج ..
    ماشيه 58 الف مايل
    210 الاف اخوي وااااااااااااصله البلاد ..

    هاذا ارخص موتر ممكن تلقاه بس مو لون ابيظ ..

    وهاي ارخص بيظا موجوده ..

    ماشيه 64 الف مايل تقريبا

    من داخل رمادي غامج

    سعرها 225 الف واصله البلاد شامله كل شي ..

    وهاي بيظا من داخل بيج ..

    ماشيه 29 الف ميل تقريبا

    والسعر ياخوي

    236 الف تقريبا شاااااااااااامل كل شي ..

    وانشالله ما نختلف ..

  5. كيف تشوفين اسعار المواتر في امريكا هل هي ثابتة ام في نزول مستمر
    وبالتوفيق في التجارة

    هلا اخوي ..

    هيه اخويه نزلت شوي الاسعار .. لاكن ها شي طبيعي لانه كل فترة تنزل اسعار المواتر لانه في مواتر يديده تطلع و الموتر يمشي اكثر و يجدم !

    لاكن ما في مواتر ببلاش شرات ما الناس يسمعون فالاشاعات ..

    الشي الي صدق في نزول مستمر البترول .. ياسلام كان 4 دولار صار 1 بوينت 7

    وانشالله ينزل زياده البترول

    والسموحة اخوي

Comments are closed.