السلام عليكم
يا جماعة خلونا نسوي هذا التجمع علشان نأزر بعضنا البعض لين ما ربكم يفرجها ان شاء الله
انا اشتريت في استوديو في برج الهلال وخذيت القدم على 600 ودفعت لهم تقريبا 67الف درهم حتى الان واتصلت اليوم وقالوا بعدنا ما حطينا طوبة والاجراءات تأخذ وقت والمحصلة يعني حامض على بوزي والاجراءات في هيئة التنظيم وقلت لهم ياللي ما اتخافون ربكم انا اشتريت علشان ادور لي دخل ثاني وانتوا اتقولون لي بعدنا ما سوينا شيىء والمشروع بيتأخر يعني من التسليم 2011 حتى وحطبة ما ادري وين بس سلمت امري لله؟
2- مشروع الراشد اشتريت في برج الراشد 1 ودفعت حول 148 الف درهم ولين الحين محلك سر المشكلة الراشد كمن مشروع اموقف ولما سألت هيئة التنظيم قالوا لي الراشد ما جاءهم علشان يسوي له حساب ضمان مب حرام معقولة هذا ؟ يعني فلوسنا راحت في شربة ماي ويوم قلت لهم اريد انسحب وارجع الشقة قالوا لي راح نخصم يمكن 10 او 30 % مب حراااااااااااااااااااااااااام عليهم ؟ ربي وكلت لك امري
اللي عندهم تجارب ياريت كل واحد يكتب لنا وانصبر بعضنا البعض وربكم يسهل الله امين
مع شكري وتقديري لرحابة صدركم
اختكم
ام عيسي
السلام عليكم ورحمة الله وبركاته
بالنسبه لموضوع الراشد اللي في دبي….. هو في صديق قالي انه راح هناك وحاول يتفق معاهم لاكن لم يصل الي حل. وهو اكد لي انهم شركة الراشد.
اما بالنسبه للراشد كشخص … هناك اقاويل بتقول انه في الامارات واخري تقول انه في السعودية وهذا هو الراي الارجح..
ولماذا تلقي الشرطة القبض عليه؟؟؟ كل الدعاوي المرفوعة كلها دعاوي مدنية.
اتمني من الله ان يجعل لكم مخرجا من هذه الازمة ان شاء الله
السلام عليكم
الاخ بلال انت متاكد ان الراشد اللي في دبي هو نفسه صاحبنا
وسؤال كونك محامي كيف هو الوضع القانوني للراشد كشخص؟ لماذا لا تلقى الشرطة القبض عليه بناء على البلاغات المقيدة ضده؟
تحياتي
ام عيسي
محدش راح يا جماعه واللا أيه ؟؟؟؟ بجد دي شركة الراشد و لا تشابه اسماء ولا ايه ..كل سنه و انتو طيبين..
السلام عليكم ورحمة الله وبركاته
انا جايبلكم عنوان شركة الراشد الجديد
دبي – شارع الشيخ زايد – شارع المطاعم – البرج الابيض white tower – البناية اللي تحتها KFC
قريب من فندق فارمونت– بناية راشد في الجهه المقابلة
اتمني من الله انكم تتوصلوا لحل معاهم –
ارجوا منكم ان تتواصلوا معي عشان اعرف توصلتم معاهم لايه
الله يعين الجميع
نسأل الله في هذا الشهر المبارك أن يرد المظالم الى اهلها وينصر جميع المظلومين ويفرج كربهم
اللهم أمييييييييييييييييين