السلام عليكم
يا جماعة خلونا نسوي هذا التجمع علشان نأزر بعضنا البعض لين ما ربكم يفرجها ان شاء الله
انا اشتريت في استوديو في برج الهلال وخذيت القدم على 600 ودفعت لهم تقريبا 67الف درهم حتى الان واتصلت اليوم وقالوا بعدنا ما حطينا طوبة والاجراءات تأخذ وقت والمحصلة يعني حامض على بوزي والاجراءات في هيئة التنظيم وقلت لهم ياللي ما اتخافون ربكم انا اشتريت علشان ادور لي دخل ثاني وانتوا اتقولون لي بعدنا ما سوينا شيىء والمشروع بيتأخر يعني من التسليم 2011 حتى وحطبة ما ادري وين بس سلمت امري لله؟
2- مشروع الراشد اشتريت في برج الراشد 1 ودفعت حول 148 الف درهم ولين الحين محلك سر المشكلة الراشد كمن مشروع اموقف ولما سألت هيئة التنظيم قالوا لي الراشد ما جاءهم علشان يسوي له حساب ضمان مب حرام معقولة هذا ؟ يعني فلوسنا راحت في شربة ماي ويوم قلت لهم اريد انسحب وارجع الشقة قالوا لي راح نخصم يمكن 10 او 30 % مب حراااااااااااااااااااااااااام عليهم ؟ ربي وكلت لك امري
اللي عندهم تجارب ياريت كل واحد يكتب لنا وانصبر بعضنا البعض وربكم يسهل الله امين
مع شكري وتقديري لرحابة صدركم
اختكم
ام عيسي
شو آخر اخبار الراشد
الله يهديه و يرد فلوسنا
انا عندي شقق مع شركه سويت هومز وصارلي اكثر من 8 اشهر مب دافع وسرت لهم وقالوا مابيغرموني ولا شي لانهم متاخرين في موعد التسليم
مافي اي اخبار عن شركة كسب العقارية
اتمنى تفيدونا ياخوان وشو اخر تطوراتهم بعد تغيير الادارة عندهم
مشكور اخوي بلال دومك ما اتقصر معانا
اخوي / ولد الامارات
انت لازم توقف الدفعات لان كل ده مش في مصلحتك, هما ما يقدروا يقدموا شكوى ضدك لان التقصير من جانبهم, لا تقلق انت اللي صاحب الحق.
حتي ولو قالوا انك متوقف عن الدفع… اكيد طبعا حضرتك دافع دفعات لنسبة بناء معينة.. ولحد الان ما في اي بناء ظهر فوق الارض.. لما يوصلوا الي النسبة اللي تساوي قيمة مدفوعاتك قولهم اكمل الدفعات.