ندخل فالموضوع
عندي ملاحظات على بعض التجار في النت
وموجودين في المنتدى ..
بخصوص المبالغة في اسعار السلع والبضائع
ملاحظها في شغلتين
الاولى
البعض يعرض سلعه موجوده في السوق حتى في البقالات موجوده
مثلا فالسوق سعرها 130 ويبيعها فالنت بسعر 200درهم
تراني بضرب خط وبحولك الفلوس من الانصاري وعقب بسير
ادفع تقريبا 30 درهم للتوصيل
ياخي خذلك فايده بسيطه مب تدبل السعر والمشكله سلعه موجوده
ومتوفرة بكثره 
والثانية
السلع اللي مب متوفرة في الدولة
وخصوصا العطور
هنية الاستغلال والجشع اشوفه
ايي سعر العطر مثلا 500 درهم ويبيعه هنية ب 1200 او 1000 درهم
ليش ياخي خذ فائده عشرين بالامية ثلاثين بالامية
مب امية بالامية او اكثر 
ترا الناس تروم تشتري من النت وفيه تجار يشترون للاعضاء من النت
بعمولة بسيطة لا تذكر ..
صحيح اللي يبغي يشتري يشتري بكيفة
واللي ما يبغي بعد بكيفة محد يضربة او يجبره يشتري ..
بس انتو فالنت ما عليكم ايجار محل ولا فاتورة كهربة ولا ايجار مخزن
و و و الخ
ليش الاستغلال والطمع
المفروض هنية نحصل اسعار اقل عن اسعار السوق
لان مثل ما قلنا ماعليك ايجار وكهربة و و الخ
ادري اني بحصل معارضة كبيرة
لكن شي فخاطري وحبيت افضفض
ويمكن يوافقني البعض
يعطيك العافيه سرحان علي طرح هالموضوع المفيد ,, لي اكثر الأعضاء لي يشترون غافلين عنه والزوار
والله يهدي هالتجار لي مبالغهم فوق الفايده وبآسعار خياليه !!
مشكورين وبارك الله فيكم
xsvipsx
اقتراحك طيب ويزاك الله خير
والكل بيستفيد منه
والله يقويك
واتمنى من الجميع قبل ما يشترون يتاكدون من السعر خارج المنتدى
لان اغلب البضائع موجوده فالسوق وبسعر اقل ..
وعندي عتب على البعض
بعض التجار يقولون نحن نشتري البضاعه وتمر على ثلاث تجار وكل واحد ياخذ
فايدته يعني سلعة سعرها 300 درهم عند المورد يشتريها التاجر ويبيعها ب 320
على تاجر آخر والتاجر هذا يبيعها 350على تاجر ثالث والثالث هذا يعرضها فالمنتدى
ب 380 او 400 درهم ..
بالله عليكم هذي تجاره تبغي اتاجر روح للمورد الرئيسي او اطلبها من المصنع وخذ فايدة
مناسبه ليش الحوسه هذي ..
اشترها ب 300 وبيع ب 320 او 330 المصيبه بعد انهم يعرضونها بعد بمبلغ خيالي
ياخذ 300 درهم فايدة ..
الله يعينا على هالتجار من هالنوعيه …
وعندي ملاحظه بخصوص الالكترونيات فالمنتدى اغلبها ضمانها فالخارج
واسعارها رخيصه لا تقارنونها بالاسعار عندنا دوروا فالنت كم سعرها
مثل الكمبيوترات ترا ضمانها فالخارج واللي يعطي ضمان يصلحها في محل ..
مثلا كمبيوتر هنيه ينباع ب 4000 درهم نفس النوعيه اذا كان صيني او امريكي
يفرق كثير فالسعر ما فيه مجال للمقارنه بينه وبين اللي ينباع هنيه وعليه ضمان
خذوا بالكم من هالنقطه
شـكــ وبارك الله فيك ـــرا لك … لك مني أجمل تحية .
السلام عليكم ورحمة الله وبركاته
خير قليل دائم احسن من كثير منقطع
يعني شو بيستفيد التاجر او التاجرة يوم يشترون من عنده مرة وحده بسعر غالي ويروحون لغيره ويشترون نفس السلعة بسعر اقل
صح كلامكم المشكلة ان الناس يفكرون ان الغالي اصلي مب دوم ترى في اشيا واشيا
وجهة نظر من اختكم ام عبدالله والحمدلله اني بعيدة عن هالسوالف
اتفق مع الاخ xsvipsx
و خاااااااااااااااصه الاقتراح الثاني
و ياريت نلقى الاهتمام من ادارة المنتدى