ندخل فالموضوع
عندي ملاحظات على بعض التجار في النت
وموجودين في المنتدى ..
بخصوص المبالغة في اسعار السلع والبضائع
ملاحظها في شغلتين
الاولى
البعض يعرض سلعه موجوده في السوق حتى في البقالات موجوده
مثلا فالسوق سعرها 130 ويبيعها فالنت بسعر 200درهم
تراني بضرب خط وبحولك الفلوس من الانصاري وعقب بسير
ادفع تقريبا 30 درهم للتوصيل
ياخي خذلك فايده بسيطه مب تدبل السعر والمشكله سلعه موجوده
ومتوفرة بكثره 
والثانية
السلع اللي مب متوفرة في الدولة
وخصوصا العطور
هنية الاستغلال والجشع اشوفه
ايي سعر العطر مثلا 500 درهم ويبيعه هنية ب 1200 او 1000 درهم
ليش ياخي خذ فائده عشرين بالامية ثلاثين بالامية
مب امية بالامية او اكثر 
ترا الناس تروم تشتري من النت وفيه تجار يشترون للاعضاء من النت
بعمولة بسيطة لا تذكر ..
صحيح اللي يبغي يشتري يشتري بكيفة
واللي ما يبغي بعد بكيفة محد يضربة او يجبره يشتري ..
بس انتو فالنت ما عليكم ايجار محل ولا فاتورة كهربة ولا ايجار مخزن
و و و الخ
ليش الاستغلال والطمع
المفروض هنية نحصل اسعار اقل عن اسعار السوق
لان مثل ما قلنا ماعليك ايجار وكهربة و و الخ
ادري اني بحصل معارضة كبيرة
لكن شي فخاطري وحبيت افضفض
ويمكن يوافقني البعض
مرحبا ياخوي محمد
لاتلومهم والله كثر السلع المقلده وانا خوك
النعول الله يعزك وتقليد والساعات والشنط والكمبيوترات و و الخ
انا مره اشترت ساعه واونه سعرها فالسوق 8000وفيها الماس
بعد شهر طاحت الفصوص ودخلها الماي ..
والضمان في امريكا
ما يسوى عليه اطرشها امريكا كم الشحن وكم وكم ..
المفروض الواحد يقدم الضمانات انها اصلها ويتوكل على الله
والله بيرزقه
التاجر المسلم ذو شفَقَة وعَطف بإخوانه المسلمين، لا يغالي في الرِّبح، ولا يبالغ في التكسُّب، ولا يرهق كواهل إخوانه ، فعَن جابر بن عبد الله رضي الله عنهما أنَّ رسولَ الله (عليه الصلاة والسلام ) قال: ((رحِم الله رجلاً سمحًا إذا باع وإذا اشتَرى وإذا اقتَضَى)) أخرجه البخاريّ
والله كلام اخوي محمد الشحوح صح مليووووووووووووونين بالاميه
انا عرضت الايفون 4 جي بـ2200 درهم ولا بغوووه وقالو اني نصاااب وحرامي
وخذفوو موضوعي .. ورديت نزلته بـ2800 ويا كثر الي طلبوو
لين ما ياني واحد وبلغ علي وخرب كل تجارتي الله يسامحه ..
بس صدق لو حد ينلام عقول هالبشر الي ما يعجبهم العجب .. ولا الصيام ف رجب
وعن تجربه انا ما الوومك ولا غيره بس لوم هالناس
وعسى ربك يهدي الجميع ان شاء الله ..
انا معاك في كل كلمه قلتها بس استغرب في قانون بالمنتدى يقول عدم بخس الاسعار ّ! انزين اذا سعره دبل السوق !!
هذا يسمى استغلال واضح المفرض تكون هناك حمايه للستهلك في المنتدى
صح كلامك محمد الشحوح , واضم صوتي لصوتك
ما بتحصل معارضة شيخي
كلامك صحيح
بس اخووي انا تاجر
مرة بعت شي ارخص من السوووق
تدري شو كانت ردة فعل المشتري ..؟
اكــيد هب اصلي مع انه اصلي
قلتله ياخي ترى هاه سعرة وانا ماعندي اجار او كهرباء
قال اظن تقليد
وانا أكد له بأنه اصلي
ما حصلت اقبال
المرة الثانية عرضت نفس الغرض ولكن دبل السووق
اقيس نبض الشارع
تدري حصلت زبائن بالهبل
عسب جي لا تلووم التجار لووم عقوول العرب