الله يعينك يالاماراتي والله يرحمك يازايد

39 thoughts on “الله يعينك يالاماراتي والله يرحمك يازايد”

1. ربي يسر امورك

   وحاول لو تطلع برع فبتحصل سعر ارخص

   فنفس الوقت تراجعو البلديه فبيت الوالد المهدوم

2. الحين من يقولون الرواتب بتزيد بنصيح ..

   بس ما أقول إلا الله يكون في عونكم ..

   بس يا جماعة لا تنسون ” لئن شكرتم لأزيدنكم “

   ولا تنسون ” بالشكر تزيد النعم “

   الله يبارك لكم في مالكم وعيالكم قولوا آمين

3. الرياال كلامه كله كان يرمس بخصوص الايجاارات المرتفعه , يلي ما عنده رد يليق بالموضوع احسن له لا يرد او ان شاءالله يتعرظ لنفس موقف الريال و عقب راح يعرف كيف يقط الكلام و يتفلسف , الدوله عليها واجب انها تشوف حل للأيجارات الخياليه يلي ماكله الاخضر و اليابس مو تيلس تتفرج لين تي الفاس في الراس لان كل الغلا يلي حاصل عندنا في بوظبي اهو بسبة ارتفاع الايجارات تخيلوا انا عندي عايله 15 شخص ابي فيلا ايجارها 170 الف تكفي اسرتي مب لاقي اقل واحد يقلي 250الف يعني شو رايكم افر راتبي كله في الايجار و ايلس اشحت اكل عيالي و اهلي …… يلي ايده في الماي مو مثل يلي ايده في النار يعني حتى المالك يعطوونه عذر يطرد المستاجر و يخليه يبيت في الشارع بس بعذر انه لا يملك شي دامه لا يملك ليش مأجر بيته من الاساس و انا الحينه متورط المالك مستغل هالبند و ظهر حكم اني اطلع من الفيلا في خلال ست شهور تخيلوا لو ما لقيت فيلا تكفي عددنا الكبير شو بسوي يا اني ابيت في الشارع او اخذ شقه ثلاث غرف و نسكن شرات الفيران ….. الدوله عليها واجب يا انها توفر مساكن بأسرع وقت او انها تضبط جنون الاسعاار في العقارات و كل راعي مسئول عن رعيته فلا احد يتفلسف عمر رضي الله عنه كان يخاف ان الله يساله عن نعجه عثرت في العراق لماذا لم يبعد الاذي عن طريقها و نحن هنيه نرمس عن حياة ناس و استقرار ناس …. صج والله يلي استحوا ماتوا

   اشكرك اخي العزيز انته و الاقليه الي قدرتو تفهمون قصدي

   يا جماعه الخير المساله مو مساله كم الراتب

   انا راضي باقل من راتبي بس لو ينزلون سعر الايجارات

   يعني لو راتبي 10000 و الاقي سكن ب 20000 الف سنوي موافق

   اما مثلا راتبي 10000 و اقل سكن فالسوق الاقيه 120 الف كيف هذي تحسبونه

   والبنسبه لاخواني في امارات الشماليه اقولهم انا حامد الله وابوس ايدي كل يوم وجه و عرض

   واقولكم غلطانين اذا تفكرون الواحد راتبه 25 في بوظبي يقدر ياجر واتحدا اي واحد فيكم يجي ابوظبي و يحاول يسكن والله انكم بشردون و بتعذروني انا و العديد من المواطنين و الناس

   و شكرا لجميع الاخوان
   

4. والله مـحد يضحكني إلا اللي يقولك مـن المواطن نـفسه .!!

   تشتري بيت ب5 ملاين .؟! الايجار 200 ألف في السنه ولا 100 ألف في السنه وعباره عـن قفص .. تبني بيت 3 ملاين

   والله لو قدرت توفر 10000 درهم شهرياً في السنه 120 ألف يعني حتى إيجار بيت محترم ماتيبلك .!! الجامعي ياخذ 16 ألف في دبي والإمارات الشماليه الجامعي ياخذ 8 بلكثير

   ههههه والقهـر يوم أيك واحد يقولك تصرف على البيت 5000 درهم شهرياً ليش .؟ اصرف 1000 .. لاتعطي عيالك بيزات ولا تعالجهم ترا مستشفيات الحكومه اللي يدخلها صاحي يطلع مريض .. ولا تأكلهم يوعهم

   واللي يقارنك بواحد معاشه 3000 درهم شهرياً .. أنت متعب عمرك 5 سنوات ونص فلجامعه مـع واحد ماعنده شهاده أول ثانوي .؟ شو هالعقول المتحـجره .. نحن أنقول الحمد الله رب العالمين في كل الأحوال بس مب معناته نسكت على الغلط

   كـل هذا عشان جـشع التجار ( مب كلهم للأمانه ) الله لايبارك في مالهم هاي النوعيه من السفاحين ..

   اللي ضحكني أمسات بيت معروض ب15 مليون درهم 5 غرف وملحق .. سألت الريال التسليح والصبيه مـن ذهب ولا ألماس؟

   يالله ملينا نحن مـن القوانين الأقتصاديه في الإمارات ..

   البغينه حرام .. التاجر أو المقاول أذا مايطلع مـن كل بيت مليونين أو ثلاث ونص ربح مايروم يرقد فليل .. وفوق كل هـذا المباني والبيوت أطيح فوق راسهم هالمساكين كله غش في غش ..

   والمشكله يوم يسـرقك واحد مسلم .. يحلفلك بسم الله استغفر الله وخلاف يسـرقك .. كيف يرقود وفي بطونهم مال حرام وبطون عيالهم ..

   الله كريم

   دمتم بود

5. اخوي ..انت قلت 25 ألف..

   والايتام الي يستلمون الشؤون 4500

   شو يقوووولووووون

   رحمة الله عليك يا أبويه زايد

Comments are closed.