المواطن الخريج : راتبه 25 الف
اذا غرفتين و صاله ب 160 الف يعني 14 الف درهم شهري
طيب بقا 11 الف
الخادمه 900
اقصاد السياره 2500
مصاريف البيت 3000
مصاريف الزوجه و الابناء 2500
بقا 2100
لا تنسون الكهربا و الماي و مصاريف الاعياد و مواصلات المدارس
فوضى وللاسف ماشي رقابه
الله يعينك يالاماراتي والله يرحمك يا زايد
يخوي الغلط هب من الي يصير الغلط منا نحن
يعين شوف بقولك المواطن محتاي شي واحد بس
يفتح مخفه ويترك عنه المظاهر ؟؟
يعني شو تتوقع من عيال طالعين م نالثانويه وكل همهم السياره والبنات ؟؟؟
واخر شي يوم يكبر يقولك والله راتبي 20 او 30 الف مايكفي؟؟ طبعا مايكفي لانك بديت حياتك في الديون وعايش رفايه وماحبست حساب للمستقبل وللايام اليايه
ماعرفت تسويلك مشروع ماعرفت ترضي ربك بالفلوس وبذرتها في المظاهر واشيا مالها اي داعي
وراتبك نصه يروح ديون لاشيا مالها داعي
المفروض تسوي مشروع او بزنس صغير
عندكم مؤسسة خليفه لدعم مشاريع الشباب بس يبالها الواحد يفكر ويتخرع فكره ويدرسها ويقدم والله الموفق بلادنا فيها خير الاجانب عرفوا هالخير واستقلوا الفرص وضربوا ضربتهم وشغلوا عقلوهم والحين شوف وين صاروا
ونحن يالسين نحمل الحكومه كل شي
مايصير العيب فينا اولاا
ليش هذا الي مثلي مثله وضعه مثلي صار احسن مني واان صرت اسوا؟؟
لانه فكر وحسبها صح واستغل الفرصه الي يته وانت كنت تلعب بالفلوس وتعزم وتهدي وتخق فيها وتحمل الي بيصير لك
اخوي صاحب الموضوع الله يعينك والله يفرج همك
كلامك صحيح الايجارات غالية جداً وكلمة غالية تعتبر بسيطة
اصبر والله مع الصابرين ان شاء الله
كانت دبي قبل تضرب بأسمها واغلى من باريس وجنيف وطوكيو والان هبطت الايجارات اكثر من 50%
وابوظبي جاي لها الدور بهبوط الايجارات لان هذه توجه حكومي بضخ وحدات سكنية كثيرة في الفترة القادمة لاكن الموضوع يباله صبر شوي
اخوك ارباب
السلام عليكم ورحمة الله وبركاته
مواضيع تفتح النفـــس
اخوي .. برب .. يقولك الريال يلا يلا يوفر مره 2000 ومره 1500 !! وتقوله افتح مشروع !! سلفه وشوف كيف بيفتح مشروع !!
اخواني من فهمي لطرح اخونا انه يشتكي على حال كل مواطن مبتطىء في الحياه ..
اخواني خلونا نمشي شوي شوي
الواحد بيعرس بملغ لا يقل عن 250 الف !!! ويسكن ايجار بملغ لا يقل عن 10000 شهريا الى 13 الف .. يركب موتر ب 2000 شهريا , يآكل ويشرب مثل الخلق ب 3000 شهريا ( اذا مب اكثر ) .. يلبس ويسير ويرد .. ويتمشى ب 3000 شهريا , بتروله ( بما انه ساكن في ضواحي المدينة مب مثل الوافد ساكن على الكورنيش على حساب الشركة ) بتروله لا يقل عن 1000 الى 1500 درهم في الشهر !! وعزايم وغيره ( عرب ونشوه واخوه )
انزين .. لو نحسبها .. طبعا لا سافر ولا تمشى عدل ولا يمع ولا ولا ولا لا ( نحن مب بطرانين بس هذه دولتنا , وارضنا , وشعبنا , اذا ما تهنينا هني ! وين بنتهنا ؟ )
خلنا واقعيين .. مافي دعـــــــــــم واضح من الحكومة بخصوص السكن اتمنى ثم اتمنى تطبيق قوانين السكن تفيد المواطن
الشيخ خليفة الله يحفظه امر بتطبيق قانون شراء المنازل وغيره الي ما طلعلهم ارض .. لين يومنا هذا ما شفنا شىء .. كل يوم بكره بكره !!
على العموم الله يحفظك يا راعي الموضوع ويسعدك في الدنيا والآخره .. ويرزقك بمليون دولار ( مليار ) ان شاء الله .. ويرزقك حسن الخاتمة
والجميع
( الي ما عنده رايي يشوره للريال او الموضوع , ما يحتاج يتفلسف )
والسموحة
الله يرحم ايام اول
الفيلا فبين الجسرين فبوظبي
اش كبرها بحويها واولها واخرها بـ 150 الف
هييييهاا …
والله يعينك ياخوي … بس نصيحتي لك
انك ماتعتمد على مصدر الدخل الوحيد واللي هو الدوام
شوفلك مصدر دخل ثاني … مشروع تجاري … ولاتقولي من وين
شوف .. فكر .. حاول .. اجتهد .. ولو كانت عندك فكره حلوه ومب موجوده
شوف ودورلك على شخص مقتدر والله عاطيه خير ويمولك وتكون في شراكه بينكم
والله يفك كبرتك وكربه كل انسان يواجه هالمشاكل ..
وشكرا على موضوعك ..
والله يرحمك يابوخليفه .. ويحفظك ذخر وسند يابوسلطان
المشكله ما يعطون الواحد يرتب عمره و نفسه اكثر حتى الي ثانويه عامه راتبه بال10 بس ما نقول الا الله كريم
والدواير الحكوميه واسطه
والمصاروه جدام عيني يستلمون 50 الف بالبرررررررررررررررراد و200 الف بدل سكن و 40 الف بدل اثاث …
يعني المصري والسوري احسن من المواطن ..والله ماقول ما يستاهلون على العين و الراس لكن نحن اولى لو راتبهم 50 لازم نحن اقل شي 50 الف و 500
اقل شي يقدرووون الاماراتي !!
الاماراتي راتبه على طول في البلاد من مشرب و ماكل و سكن اما الوافد يبني برع و يفيد بلاده
و لاتنسون الي راتبه 10 و الرادارات بالبراد على كل سياره 10 الاف و لا 20 الف يعني بالله عليكم شو بنسوي حتى الرادارات ماكله ظهرنا كل مخالفة اقل شي 600 درهم و اذا مال ربط الحزام 400 درهـــــمـ مب حرآآآم يعني و لا كيفــ …
مب كلنا ندفع ناس وراها عرس والتزامات في البنك و غيره !! اخر شي كله يطير على المخالفات
و على سلفيات السياره
وعلى ضروريات الحياه والشخص نفسه يعني اذا المتزوج مثل ما قلت ما يبقاله غير 2100 درهم شو بيسوي كيف نفسيته بترتاااح يعني خلاص تقليد ؟ ياريال حتى الساعه تقليد غالي و تفصيل كندوره 140 على 160
الـ 600 بتأثثر في ميزانية 2100 درهم !!
يعني لازم نخشششششش البيزات في جيوووبنا مثلا و لا كيف !!
الواحد نص الشهر ما يبقااااااله شي !! لا بترول ..و ملكيته في الشيشه و كل شوي الهندي يدق و يقول بنتصل فالشرطه اونه ..
و غير ها اسعار البترول ضووو
يعني مثلا انا ما بتكلم عن راتبي
بس من الروتين اسحب كل نص شهر على المكشووف و السالب عشان امشي حالي لين اخر شهر
ليش يعني لهالدرجه مخلين المواطن هندي فبلاده
مشكله و اكبر طامه كبرى يوم مسئووول مواطن ما يبا يوظف ممواطنين !!!!!
و كل يوم يسوي مقابله وي وافد و يرتب اموره و راتب دبل راتبنا 5 مرات مع بدل سكن و غيره ..!!
بصراحه ملينا من هالحال الحين شباب البلاد يتشاردون يبون يدرسون برع يشوفون بزنس ويدرسون واكثر من شخص صادفته يبا يسافر برع البلاد
ستوووينا نفس غيرنا ليش ؟؟؟؟؟؟؟؟؟؟؟؟؟؟؟؟؟؟؟؟؟
كلمة الحق لازم تنقـــــآآآآل !!
و ياليت اولياء امورنا ينتبهون و يحاسبون المسئولين في الدواير الحكوميه و غيرهـا !!
كم مواطن عايش حياة بطاله ؟؟ و كم وافد يشتغل !!
على ما اعتقد 15% من المواطنين بطاله و كم اماراتي اصلا فيه 800 الف ؟؟!!!
والوافدين 3 مليون و اعتقد نسبة كبيره يشتغلون ما في بطاله من هالناحيه يعني !!
شو العيب لو سويتو توطين في الدواير الحكومية لو نسبة 50% في كل دائرة حكوميه و اعطاء المجال لطلاب الثانويه العامه و غيرها ! كل ما واحد قدم وظيفه قالو نبا خبره انت ما عندك خبره كيف نكتسب خبرات لو انتو ما بتشغلووننا
ماقول غير الله يصبرنا ان شا الله و نناشد المسئولين وحكامنا واولياء امورنا بمحاسبة المخطئ ومحاسبة من يخالف الاوامر ويعينهم على اشغالهم ويطول بعمارهم