السلام عليكم ورحمة الله وبركاته
بسني تعبت طفرت طلعت عيوني
ربي يطلع عيون امريكا….
والله منقهره الحين شو بيرقدني اصيح …
امجع شعري…
يعني مو معقولة انا غبيه
هذا الامتحان السابع امتحنت التوفل القديم 4 مرات…ويبت 440 وما اقدر اييب اكثر
وامتحنت التوفل اليديد مرتين ودرجتي زفته مع اني شاطرة بالانجليش
واخذت دورة تحضيرية
لا حول ولا قوة الا بالله
مب حاله شو ذنبنا نحن ان اساسنا كان غلط..
يوم وصلنا الصف الرابع يعلمونا
door
window
cat
و…. a b c d e f g
شو ذنبي ان الحكومة كانت دراستها جذة
ليش الحين حاطين لنا نظام امريكي لازم اخذ التوفل عشان ادش الجامعة
مب حاله يا ناس
ليش ما يخلونا نحن حالة استثنائية
اريد اكمل دراستي لكن التوفل الله ياخذة ما اقدر اعديه
تعبت يعني ما ادرس
وانا متاكدة اقدر ادرس وانجح وهالتوفل ما اخذة
قلبي عورني بس تعبت
شو اسوي خبروني شو اسوي؟؟؟؟
إختي سهمي عالي صلي على النبي ..
وهدي أعصابج وصدقيني كل مشكله لها حل ..
لو تدرين عن معاناتي ..
أيامنا ما كان في توفل ولكن الأنجليزي كان مكثف وصعب ..
ونحن كنا متخرجين من الثانوي ياله نكون جمله مفيده في الإنجليزي
وانتي عارفه الوضع ..عانيت الكثير ولكن إصراري خلاني أكمل
والحمدالله تخرجت من الجامعه ونجحت في الأنجليزي بجيد جدا ..
أول شيء حطي في بالج انه في حل .. شو البدائل .. واحد من الأخوان يزاه الله خير
قالج جربي الأيلس .. ليش ما تجربين ؟ وأنا متأكده خبرتج في التوفل حلوه وبتساعدج ..
حل ثاني سيري عند الأدفايسر مالج في الجامعه من فترة لفترة
اطلبي نصيحته وتناقشي معه حول هالموضوع ويفضل يكون أجنبي
لأنه سماعج لناقشه وباللغه الأنجليزيه مفيد جدا ..
وشي أهم إنه راح يساعدج لو ما نجحتي راح يتوسطة لج ويمكن تدخلين
التخصص وتكملين التوفل عقب .. ! أهم شيء الألتزام بالحصص
وتوضحين لهم انج تبين تدرسين وصدقيني محد بيحرمج من الدراسه في الجامعه
لو شافوا اصرار وإهتمام منج ..
أذكر أيامنا كانت في طالبه كلما تمتحن انجليزي ترسب
البنات كلهم نجحوا وهي تمت ترسب ولكنها أصرت وخلوها
تدخل التخصص وتشل مادة الإنجليزي وياها!! وتخيلي نجحت
وتخرجت من الجامعة بإصرارها!
أتمنى لج التوفيق إختي ولا تخلين الإحباط يتغلب عليج وأي خدمه أنا حاضره.
بالتوفيق،
الهنوف
ربي يعينج يارب…بس انتي لازم تاخذين التوفل..ليش ما تجربين النظام البريطاني..معترف فيه عالميا مثل التوفل واشوفه اقرب لدراستنا الجامعيه يعني قراءه كتابه استماع محادثه..ielsاعتقد هذا اسمه وجربيه ان شاء الله تنجحين فيه..وربي يوفقج
اذا ما قدرتي تعدين من التوفل كيف بتعدين من البقيه ؟؟
الدراسه بالجامعه اغلبهامواد انجليزيه يعني لازم و لازم تكونين شاطره بالتوفل
ما اقدر انصحج بشي ثاني غير المثابره و المحاوله اكثر من مره 🙁
ربي يفوفقج
انا بعدني اتحظر للتوفل بس ماعرف شو النظام اليديد
ممكن تعطيني فكره ؟؟
خيتهـ انا دارس في مدرسه امريكيه في دبي ..
وسويت التوفل مرتين ..
ومانجحت ..
يوم وسيت الايلس نجحت ..
يبت فلـ Speaking = 6
writing = 4.5
lsesnin’ = 4.5
reading = 5
كلهـ طلع عليه
5
ولحمدلله افتكيت
سويه والله راح ترتاحين
كيف يبت فل اخوي ؟
الفل فيه من 9 على ما اعتقد
تعبت واحترت ….
يقولون لي الايلس اصعب…
وانا قعدت ادرس للتوفل…
خلاص احس مب عارفه شو اسوي
مشكور اخوي
اللي قالو لج غلطانين ..
سيري الجامعه الاستراليه هااي ولونغوغ مادري شو
اللي كانت في جميرا بعد كنتاكي الحين في مدينة المعرفه
سيري هناك او سجلي وبيعطونج بطاقه عشان تين وتراجعين اي وقت
وشغل مرتب والله ^__*
وليلس سهل ..
شهر 6 في واحد سجلي