السلام عليكم ورحمة الله وبركاته
بسني تعبت طفرت طلعت عيوني
ربي يطلع عيون امريكا….
والله منقهره الحين شو بيرقدني اصيح …
امجع شعري…
يعني مو معقولة انا غبيه
هذا الامتحان السابع امتحنت التوفل القديم 4 مرات…ويبت 440 وما اقدر اييب اكثر
وامتحنت التوفل اليديد مرتين ودرجتي زفته مع اني شاطرة بالانجليش
واخذت دورة تحضيرية
لا حول ولا قوة الا بالله
مب حاله شو ذنبنا نحن ان اساسنا كان غلط..
يوم وصلنا الصف الرابع يعلمونا
door
window
cat
و…. a b c d e f g
شو ذنبي ان الحكومة كانت دراستها جذة
ليش الحين حاطين لنا نظام امريكي لازم اخذ التوفل عشان ادش الجامعة
مب حاله يا ناس
ليش ما يخلونا نحن حالة استثنائية
اريد اكمل دراستي لكن التوفل الله ياخذة ما اقدر اعديه
تعبت يعني ما ادرس
وانا متاكدة اقدر ادرس وانجح وهالتوفل ما اخذة
قلبي عورني بس تعبت
شو اسوي خبروني شو اسوي؟؟؟؟
خيتهـ انا دارس في مدرسه امريكيه في دبي ..
وسويت التوفل مرتين ..
ومانجحت ..
يوم وسيت الايلس نجحت ..
يبت فلـ Speaking = 6
writing = 4.5
lsesnin’ = 4.5
reading = 5
كلهـ طلع عليه
5
ولحمدلله افتكيت
سويه والله راح ترتاحين
الله يوفقج بس عندي نصيحه لج من تدشين الامتحان اذكري الله وركزي بأسئلتج بتحصلين شي انتي تغلطين فيه دوم وتشوفينه صح وتكررين الغلطه نفسها دوم وخليج مفلعه وامورج بتكون اوكي انشالله يلا نبدا من يديد اوكي بالتوفيج
انا بارحت امس ماخذ الايلس كله كان سهل ما عاد القطع كانت 3 قطع وبصراحه اول مره اوهق ولا اعرف شوه اسوي
وخبصته فوق تحت
الايلس مش صعب بس يبالج تحضرين قبله وتراجعين
ويبالج تتقوين في القواعد شوي
الله يوفقج ان شاءالله
والله صددددددقج طفروبنا ..
ماناخذ انقليزي الا كم حرف ويوم نوصل الكليه قاااااالو يله انقليزي انقليزي ماشي عربي!!!
عنبوه اشووووف كتاب اخويه ثاني اعدادي يدرسونهم كوفي ووفش وميت وكاتش وماادري شوه!!
الله يعينج ويوفقج
الله يعينج
والله قوانين زفته
وتغييرات صارت اساسا مالها داعي
شو الحين يبون يطلعون الطلاب عباقره في الانجليزي
وين هم من زمان عنهم
على اخر سنه لنا في الجامعه دخلوا علينا مساق انجليزي المعاهدات والبنود والمعارك تواريخهن واسبابهن وغير ذلك من حملات وثورات
وكله بالانجليزي بس الحمد الله عدينا منه …. بس المفروض ماناخذه …
الحين صار توفل والايلس وغيره ….. والياي اكثر بس ماانقول الا الله يعين
والله يعينج ياسهمي عالي
هيه والله صادقة الغالية
ما ادري شو بنطلع.؟؟؟؟..
ما منه فايدة حضرت محاضرتين بالجامعة ولا شفت انه مهم في الدراسة
وقالوا لي هاتي التوفل قبل يعني (طلعي من غير مطرود)
ولكن احس في لعبة …مب حاله
مو معقولة انا دخلت اول مرة الامتحان ويبت درجة زفته قلت عادي لانه اول مرة امتحنه
ولكن المو معقولة اني حضرت دورة ودرست وتعبت
والمصيبة يبت نفس الدرجة في الامتحان الاولي مع اني احس حليت زين
اااااااااااااه الله يعينا الله يعينا
تسلمين فديتج اختي